Цивилёв Сергей Евгеньевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Цивилёв.
Сергей Евгеньевич Цивилёв
Sergey Tsivilyov (2019-08-22).jpg
Флаг
Россия Федерацияса энергетика министр
Флаг
2024.05.14
Правительствоӧн веськӧдлысь Михаил Мишустин
Президент Владимир Путин
Водзвывса уджалысь Николай Шульгинов
Флаг
Кемерово обласьтса — Кузбасса губернатор
Флаг
2018.09.17 — 2024.05.14
(мноп 2018.04.01-09.17)
Президент Владимир Путин
Водзвывса уджалысь Аман Тулеев
Удж водзӧ нуӧдысь Илья Середюк (мноп)
Флаг
Кемерово обласьтса губернаторӧс вежысь
Флаг
рака тӧлысь 2-ӧд лун — 2018.04.01
Губернатор Аман Тулеев
Чужис 1961-ӧд вося кӧч тӧлысь 21-ӧд лун(1961-09-21) (63 арӧс)
Ютыр КПСС (1991 воӧдз)
Единая Россия
Велӧдчӧм 1. П. С. Нахимов нима Гӧрд Кодзув ордена Черноморскӧй вылыс военно-морскӧй училище
2. Петыркарса канму экономика университет
Уджсикас военнослужащӧй, экономист
Удж канморт, политик
Наградаяс

Россия Федерацияса субъектъяслӧн наградаяс:

Сайт minenergo.gov.ru/ministr…
Логотип РУВИКИ.Медиа Медиафайлы на РУВИКИ.Медиа

Цивилёв Сергей Евгеньевич (1961 вося кӧч тӧлысь 21-ӧд лун, Жданов, Сталин обласьт, Украина ССР, СССР) — россияса канморт, Россия Федерацияса энергетика министр 2024 вося ода-кора тӧлысь 14-ӧд лунсянь[1].

Водзджык — 2018 вося кӧч тӧлысь 17-ӧд лунсянь Кемерово обласьтса губернатор (2018 вося косму тӧлысь 1 лунсянь кӧч тӧлысь 17-ӧд лунӧдз Кемерово обласьтса губернаторлысь могъяс недыр олӧмӧ пӧртысь)[2]. «Единая Россия» ютырлӧн Медвылыс Сӧвет бюроӧ пырысь[3].

Олантуй

[вежны | Вежны кодировкаын]

Сергей Цивилёв чужлӧма 1961 вося кӧч тӧлысь 21-ӧд лунӧ Сталин обласьтса Жданов карын. Сергей чужӧм бӧрын регыд Цивилёвъяслӧн семьяыс кутіс овны Кардор обласьтса Котлас карын, 10 во мысти 1971 воын вуджисны Харьков обласьтса Чугуевӧ. Батьыс, Евгений Семёнович, вӧлі мебель вӧчан фабрикаын веськӧдлысьӧс вежысьӧн. Мамыс, Дина Васильевна, уджаліс сійӧ жӧ карын магазинӧн веськӧдлысьӧн[4].

Велӧдчӧм[вежны | Вежны кодировкаын]

1983 воын Цивилёв помаліс Севастопольын П. С. Нахимов нима Черноморскӧй вылыс военно-морскӧй училище, «Вооружение кораблей» специальносьт серти, квалификацияыс — инженер-электромеханик. Сійӧс помалӧм бӧрын служитіс Войвыв флотын.

1999 воын помаліс Петыркарса экономика да сьӧм овмӧс канму университет «Финансъяс да кредит» специальносьт серти, квалификацияыс — экономист.

Удж[вежны | Вежны кодировкаын]

1994 воӧдз Цивилёв служитіс СССР-са да Россия Федерацияса Вооружённӧй вынъясын Войвыв флот вылын, сылӧн эм коймӧд ранга капитанлӧн воинскӧй звание.

1995-1996 воясӧ — «Аэрофлот» банклӧн Петыркарса филиалын безопасносьт службаӧн веськӧдлысь.

1997-2012 воясӧ веськӧдліс Петыркарын «Нортэк» юридическӧй компанияӧн.

2007 воын лои «Ленэкспоинвест» компания котыртысьясысь ӧтиӧн, кодлы колӧ вӧлі кыпӧдны «Ленэкспо» выль комплекс — сэні быд во мунӧ Петыркарса экономика форум. «Ленэкспоинвест» котыртысьяс пиысь мӧдӧн вӧлі Виктор Хмарин — Владимир Путинкӧд ӧти курсын велӧдчысь, сыкӧд ӧтлаын занимайтчӧ боевӧй искусствоясӧн. Хмаринлӧн компанияясыс сэки вӧліны «Газпромлы» оборудование медся ыджыд вайысьӧн. «Ленэкспоинвест» нӧшта ӧти котыртысьӧн лоис Ленгорисполкомса вӧвлӧм юралысь Владимир Ходырев.

2010 восянь Цивилёв инвестируйтіс му пытшса озырлун перъян промышленносьтӧ.

2012-2013 воясӧ — «Колмар» ичӧт кывкутана котырса директоръяслӧн сӧветӧн веськӧдлысьӧс вежысь. 2018 вося рака тӧлысь 2-ӧд лунӧдз Сергей да Анна Цивилёвъяс веськӧдлісны Швейцарияысь «Kolmar Sales and Logistics» компанияӧн[5].

2014 восянь — «Колмар» компанияса генеральнӧй директор да сылӧн 70 % акция кутысь (кольӧм 30%-ыс Volga Group пыр предприниматель Геннадий Тимченколӧн[6]). «Колмар» ичӧт кывкутана котыр — из шом перъян предприятиеяслӧн, трейдинг да логистика организацияяслӧн комплекс, кодъяс артмӧдӧны вылыс тшупӧда Саха Республикаса (Якутия) Нерюнгрин районса куйлӧдъясысь из шом перъян, озырмӧдан да мӧдӧдан ӧтувъя цикл.

2018 вося рака тӧлысь 2-ӧд лунсянь — Кемерово обласьтса губернаторӧс промышленносьт, транспорт да потребительскӧй рынок кузя вежысь[7].

2018 вося рака тӧлысь 25-ӧд лунӧ Кемеровоын «Зимняя вишня» вузасян-гажӧдчан шӧринын лоис пӧжар. Пӧгибнитіс 60 морт. 2018 вося рака тӧлысь 27-ӧд лунӧ Кемеровоын олысьяс петӧмаӧсь стихийнӧй митинг вылӧ, кӧні корӧмаӧсь мунны удж вывсьыс Кемерово обласьтса губернатор Аман Тулеевӧс да Кемерово карса администрацияӧс, нуӧдны бур расследование да кыскыны кывкутӧмӧ став мыжасӧ. Тулеев тайӧ митинг вылас эз лок, но митинг вылӧ ветліс Кемерово обласьтса вице-губернатор Сергей Цивилёв[8][9]. Митинг вылас выступайтігӧн Цивилёв корис пӧгибнитӧмаяслӧн рӧдвужлысь прӧща, пидзӧсчанясис на водзын[10].

2024 вося ода-кора тӧлысь 14-ӧд лунӧ Россия Федерацияса Госдума вынсьӧдіс Сергей Цивилёвӧс Россияса энергетика министрӧн[11], тайӧ жӧ лунӧ Россия Федерацияса президент кырымаліс индӧд[12].

Кемерово обласьтса губернатор[вежны | Вежны кодировкаын]

Россияса президент Владимир Путинкӧд паныдасьӧм.
Москва, Кремль, 2018.04.05

2018 вося косму тӧлысь 1 лунӧ губернатор Аман Тулеевлӧн удж вылысь мунӧм бӧрын Россияса президент индіс Цивилёвӧс Кемерово обласьтса губернаторлысь могъяс недыр олӧмӧ пӧртысьӧн[13][14].

2018 вося кӧч тӧлысь 9-ӧд лунӧ сійӧс бӧрйисны Кемерово обласьтса губернаторӧн 5 во кежлӧ. Заводитіс уджавны кӧч тӧлысь 17-ӧд лунӧ[15].

2018 вося ӧшым тӧлысь 8-ӧд лунӧ, «Единая Россия» ютырлӧн XVIII съездса помшуӧм подув вылын, пыртӧма партиялӧн Вылыс Сӧветӧ[3].

2019 во помын Кемерово обласьтса администрациялысь коллегиясӧ вӧчисны Кемерово обласьтса веськӧдлан котырӧн. Губернатор лои веськӧдлан котырса председательӧн.

2020 вося ӧшым тӧлысь 21-ӧд лунсянь — Россия Федерацияса Государственнӧй Сӧветса президиумӧ пырысь[16].

2021 вося йирым тӧлысь 1 лунӧ президент Владимир Путинкӧд аддзысьлігӧн Цивилёв вӧзйис содтыны Кемеровоын олысьяслысь лыдсӧ (ӧні 540 сюрс олысь) да Новокузнецк (ӧні 580 сюрс олысь) миллион мортӧдз быд карын ас керкаяс разьӧм да выльяс стрӧитӧм тшӧт весьтӧ. Та дырйи Цивилев шуис, мый кӧсйӧны «лӧсьӧдны серьёзнӧй инфраструктура»[17].

2023 вося рака тӧлысьын президент Владимир Путин примитіс Кузбассӧ социально-экономическӧя сӧвмӧдӧм йылысь Цивилёлысь доклад да ошкис Цивилёвлысь губернаторалӧм выльысь баллотируйтчыны кӧсйӧмсӧ[18].

2023 вося кӧч тӧлысь 10-ӧд лунӧ гӧлӧсуйтӧм бӧрын Цивилёв кольӧма губернаторӧн, сылы вичмӧма 85,24 % гӧлӧс[19].

Санкцияяс

[вежны | Вежны кодировкаын]

Цивилёвӧс пыртӧмаӧсь Европаса Союзлӧн, Ыджыд Британиялӧн[20], АӦШ-лӧн[21][22][21], Выль Зеландиялӧн, Украиналӧн да Швейцариялӧн санкцияяс лыддьӧгӧ.

Семья

[вежны | Вежны кодировкаын]

Вокыс — Валерий Цивилёв, «Колмар групплӧн» генеральнӧй директор.

Гӧтырыс — Анна Евгеньевна Цивилёва, Россия Федерацияса оборона министрӧс вежысь 2024 вося лӧддза-номъя тӧлысь 17-ӧд лунсянь[23]. 2023 вося косму тӧлысь 3-ӧд лунсянь сійӧс индісны «Айму дорйысьяс» канму фондӧн веськӧдлысьӧн[24]. 2022 вося лӧддза-номъя тӧлысь 29-ӧд лунӧ вӧлі пыртӧма Ыджыд Британияса санкцияяс лыддьӧгӧ.

Челядьыс — Антон да Никита пиян.

Наградаяс

[вежны | Вежны кодировкаын]
  • Ёртлун орден (2021.10.01)[25];
  • «Рочму Федерациялысь оборона ёнмӧдӧмӧ пай пуктӧмысь» медаль(2019)[26].

Пасйӧдъяс

[вежны | Вежны кодировкаын]
  1. ↑ Госдума утвердила Цивилева министром энергетики. РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  2. ↑ Выборы губернатора Кузбасса выиграл Сергей Цивилёв
  3. ↑ 1 2 Ротация в составе Высшего Совета «Единой России» составила 16%. er.ru (8 ӧшым тӧлысь 2018). Шыӧдчан кадпас: 10 ӧшым тӧлысь 2018.
  4. ↑ Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны. Новости Новокузнецка сегодня, новости дня, последние новости. Шыӧдчан кадпас: 11 ӧшым тӧлысь 2018.
  5. ↑ KSL AG (нем.). Moneyhouse. Шыӧдчан кадпас: 1 косму тӧлысь 2018.
  6. ↑ Gunvor: Доля Тимченко в компании была продана 19 марта 2014 года. // top.rbc.ru. Шыӧдчан кадпас: 1 косму тӧлысь 2018. Архивируйтӧма оригинала 19 лӧддза-номъя тӧлысь 2015 года.
  7. ↑ Пресс-центр | Администрация Кемеровской области
  8. ↑ Что происходит в Кемерово. Главное на данный момент. РБК. Шыӧдчан кадпас: 27 рака тӧлысь 2018. Архивируйтӧма 29 рака тӧлысь 2018.
  9. ↑ Тулеев попросил прощения лично у Путина за случившееся в Кемерово. Архивируйтӧма 29 рака тӧлысь 2018.
  10. ↑ Алена Мартынова. Вице-губернатор Кемеровской области встал на колени перед родственниками погибших в "Зимней вишне", Комсомольская правда (27 рака тӧлысь 2018). Архивируйтӧма 27 рака тӧлысь 2018 вося. Шыӧдчан кадпас: 27 рака тӧлысь 2018.
  11. ↑ Госдума утвердила Цивилева министром энергетики. РИА Новости (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  12. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  13. ↑ ВРИО губернатора Кемеровской области назначен Сергей Цивилёв
  14. ↑ Принята отставка Амана Тулеева. kremlin.ru (1 косму тӧлысь 2018). Шыӧдчан кадпас: 1 косму тӧлысь 2018.
  15. ↑ Победивший на выборах губернатора Кузбасса Цивилев вступил в должность
  16. ↑ Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Шыӧдчан кадпас: 29 ӧшым тӧлысь 2020.
  17. ↑ Глава Кузбасса предложил сделать два города миллионниками за счёт сноса частного сектора. Interfax.ru. Шыӧдчан кадпас: 2 йирым тӧлысь 2021.
  18. ↑ Первый канал, 23 марта 2023. Владимир Путин провел встречу с губернатором Кемеровской области Сергеем Цивилевым
  19. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (23-09-11).
  20. ↑ CONSOLIDATED LIST OF FINANCIAL SANCTIONS TARGETS IN THE UK. ofsistorage.blob.core.windows.net. Шыӧдчан кадпас: 29 ӧшым тӧлысь 2022.
  21. ↑ 1 2 Губернатор Кузбасса Сергей Цивилёв попал в санкционный список США. ngs42.ru - новости Кузбасса (26 урасьӧм тӧлысь 2023). Шыӧдчан кадпас: 1 рака тӧлысь 2023.
  22. ↑ The United States Takes Sweeping Actions on the One Year Anniversary of Russia’s War Against Ukraine. United States Department of State (24 урасьӧм тӧлысь 2023).
  23. ↑ РБК, 17 июня 2024. Путин назначил жену министра энергетики замминистра обороны. Путин назначил жену министра энергетики Анну Цивилеву замминистра обороны
  24. ↑ Путин создал фонд поддержки участников СВО и семей погибших бойцов «Защитники Отечества»
  25. ↑ Указ Президента Российской Федерации от 1 октября 2021 года № 558 «О награждении государственными наградами Российской Федерации»
  26. ↑ Глава российского военного ведомства вручил награды за взаимодействие с Минобороны / mil.ru, 22 ноября 2019

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Цивилёв_Сергей_Евгеньевич&oldid=313575"-ысь