Лут Оксана Николаевна

Босьтӧма Рувикиысь
Оксана Николаевна Лут
Оксана Лут.jpg
Флаг
Россия Федерацияса видз-му овмӧс министр
Флаг
2024 вося ода-кора тӧлысь 14-ӧд лун
Правительствоӧн веськӧдлысь Михаил Мишустин
Президент Владимир Путин
Водзвывса уджалысь Дмитрий Патрушев
Флаг
Россия Федерацияса видз-му овмӧс министрӧс медводдза вежысь
Флаг
2021 вося ӧшым тӧлысь 30-ӧд лун
Правительствоӧн веськӧдлысь Михаил Мишустин
Президент Владимир Путин
Чужис 1979 вося урасьӧм тӧлысь 25-ӧд лун
Москва, СССР
Велӧдчӧм Россия Федерацияса Веськӧдлан котыр бердын финансӧвӧй академия
Наградаяс

Лут Оксана Николаевна (1979 вося урасьӧм тӧлысь 25-ӧд лун, Москва) — россияса канморт, Россия Федерацияса видз-му овмӧс министр 2024 вося ода-кора тӧлысь 14-ӧд лунсянь[1].

2018 вося сора тӧлыссянь 2021 вося ӧшым тӧлысьӧдз вӧлі Россия Федерацияса видз-му овмӧс министрӧс вежысьӧн, 2021 вося ӧшым тӧлысь 30-ӧд лунсянь — Россия Федерацияса видз-му овмӧс министрӧс медводдза вежысьӧн[2].

Россия Федерацияса III класса тырвыйӧ канму сӧветник (2023)[3].

Олантуй

[вежны | Вежны кодировкаын]

Оксана Лут чужис 1979 вося урасьӧм тӧлысь 25-ӧд лунӧ Москваын[2].

2001 воын Лут помаліс Россия Федерацияса Веськодлан котыр бердын Финансӧвӧй академия «финансъяс да кредит» специальносьт серти[4].

1999 вося косму тӧлыссянь 2000 вося моз тӧлысьӧдз уджаліс банкса организацияясын разнӧй чинъясын[2].

2000 вося кӧч тӧлыссянь 2003 вося косму тӧлысьӧдз уджаліс «Альфа-банк» ВАК-ын банклӧн уджалысь органъяслӧн Исполнительнӧй секретариатса кредитнӧй да перспективнӧй продуктъяс отделса экономистӧн, регионса бизнес кредитӧн могмӧдан веськӧдланінын вожалӧм банкъяслӧн кредит бизнес сӧвмӧдан отделса старшӧй экономистӧн.

2003 вося косму тӧлыссянь 2010 вося тӧвшӧр тӧлысьӧдз уджаліс «ВТБ банк» ВАК-ын разнӧй чинын: медшӧр экономист, отраслькостса корпоративнӧй бизнес сӧвмӧдӧм кузя управлениеса менеджер; корпоративнӧй блоклӧн гырысь клиентъяскӧд удж кузя мӧд управлениеса веськӧдлысь директор; ннвестиционнӧй блоклӧн инвестиция операцияяс да могмӧсъяс управлениеса веськӧдлысь директор; мӧд корпоративнӧй блоклӧн гырысь клиентъяскӧд удж кузя коймӧд управлениеса веськӧдлысь директор; стрӧитчан проектъяс департаментса стрӧитчан проектъяс сьӧмӧн могмӧдан управлениеса веськӧдлысь директор[3].

2010 вося тӧвшӧр тӧлыссянь йирым тӧлысьӧдз — «Ростехнология» канму корпорациялӧн инвестиция уджтасъяс департаментса веськӧдланінса начальник; инвестиция проектъяс департаментса непрофильнӧй активъяс службаса начальник

2010 вося йирым тӧлыссянь 2018 вося сора тӧлысьӧдз уджаліс «Россельхозбанкын» клиентъяскӧд удж котыртан департаментса директорӧн; корпоративнӧй бизнес сӧвмӧдан департаментса директорӧн; гырысь бизнес департаментса директорӧн; акционер котырлӧн правлениеса веськӧдлысьӧс вежысьӧн.

2018 вося сора тӧлысь 13-ӧд лунсянь 2021 вося ӧшым тӧлысьӧдз — Россия Федерацияса видз-му овмӧс министрӧс вежысь[4].

2021 вося ӧшым тӧлысь 30-ӧд лунсянь Лут — Россия Федерацияса видз-му овмӧс министрӧс медводдза вежысь[2]. Сійӧ вежис тайӧ чинас Джамбулат Хатуовӧс[5].

2024 вося ода-кора тӧлысь 11-ӧд лунӧ Россия Федерацияса премьер-министр Михаил Мишустин вӧзйис Лутӧс Россия Федерацияса видз-му овмӧс министрӧн[6]. Ода-кора тӧлысь 14-ӧд лунӧ Госдума вынсьӧдіс сылысь кандидатурасӧ[7], тайӧ жӧ лунӧ Россия Федерацияса президент кырымаліс чинӧ пуктӧм йылысь индӧд[8].

Наградаяс

[вежны | Вежны кодировкаын]

• «Айму водзын заслугаясысь» ІІ степеня орденлӧн медаль (2021 вося йирым тӧлысь 25-ӧд лун) — уджын шедӧдӧм вермӧмъясысь да уна вося бур уджысь[9];
• Россия Федерацияса Президентлӧн Почёт грамота (2015 вося йирым тӧлысь 26-ӧд лун) — Россия Федерацияса финансӧвӧй да банковскӧй удж сӧвмӧдӧмын заслугаясысь[2].

Ас олӧм

[вежны | Вежны кодировкаын]

Оксана Лут верӧс сайын. Верӧсыс — Андрей Лебедев, юрист. Лутлӧн куим кага[10].

Пасйӧдъяс

[вежны | Вежны кодировкаын]
  1. ↑ Постановление Государственной Думы Федерального Собрания Российской Федерации от 14.05.2024 № 6077-8 ГД "Об утверждении Лут Оксаны Николаевны Министром сельского хозяйства Российской Федерации". Официальное опубликование правовых актов (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  2. ↑ 1 2 3 4 5 Лут Оксана Николаевна (рус.). Министерство сельского хозяйства Российской Федерации (20 тӧвшӧр тӧлысь 2017). Шыӧдчан кадпас: 14 ода-кора тӧлысь 2024.
  3. ↑ 1 2 Что известно об Оксане Лут. ТАСС (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  4. ↑ 1 2 Оксана Лут: биография. Росконгресс. Шыӧдчан кадпас: 14 ода-кора тӧлысь 2024.
  5. ↑ Оксану Лут назначили первым замминистра сельского хозяйства. РИА Новости (24 ӧшым тӧлысь 2021). Шыӧдчан кадпас: 14 ода-кора тӧлысь 2024.
  6. ↑ Мишустин предложил замглавы Минсельхоза Оксану Лут на пост руководителя ведомства. TACC (11 ода-кора тӧлысь 2024). Шыӧдчан кадпас: 14 ода-кора тӧлысь 2024.
  7. ↑ Госдума утвердила Оксану Лут на должность главы Минсельхоза. РИА Новости (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  8. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  9. ↑ Указ Президента Российской Федерации от 25.10.2021 г. № 596 О награждении государственными наградами Российской Федерации. kremlin.ru (25 йирым тӧлысь 2021). Шыӧдчан кадпас: 14 ода-кора тӧлысь 2024.
  10. ↑ Оксана Лут. 24СМИ. Шыӧдчан кадпас: 14 ода-кора тӧлысь 2024.

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Лут_Оксана_Николаевна&oldid=313565"-ысь