Мантуров Денис Валентинович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Мантуров.
Денис Валентинович Мантуров
Denis Manturov (2020-06-10).jpg
Флаг
Россия Федерацияса Веськӧдлан котырса председательӧс медводдза вежысь
Флаг
2024.05.14
Правительствоӧн веськӧдлысь Михаил Мишустин
Президент Владимир Путин
Водзвывса уджалысь Андрей Белоусов
Флаг
Россия Федерацияса Веськӧдлан котырса председательӧс вежысь
Флаг
2022.07.15 — 2024.05.07
(у. в. 2024.05.7—14)
Правительствоӧн веськӧдлысь Михаил Мишустин
Президент Владимир Путин
Флаг
Россия Федерацияса промышленносьт да вузасьӧм кузя министр
Флаг
2012.05.21 — 2024.05.07
(у. в. 2012.02.02-05.21, 2018.05.8-18,
2020.01.15-21, 2024.05.7—14)
Правительствоӧн веськӧдлысь Владимир Путин
Виктор Зубков (у. в.)
Дмитрий Медведев
Михаил Мишустин
Андрей Белоусов (у. в.)
Михаил Мишустин
Президент Владимир Путин
Водзвывса уджалысь Виктор Христенко
Удж водзӧ нуӧдысь Антон Алиханов
Флаг
Россия Федерацияса промышленносьт да вузасьӧм кузя министрӧс вежысь
Флаг
2008.05.19 — 2012.02.02
Флаг
Россия Федерацияса промышленносьт да энергетика министрӧс вежысь
Флаг
2007.09.11 — 2008.05.19
Чужис 1969 вося урасьӧм тӧлысь 23-ӧд лун
Мурманск, РСФСР, СССР
Велӧдчӧм 1. МГУ
2. РАНХиГС
Учёнӧй степень Экономика наукаяс кандидат (1997)
Экономика наукаяс доктор (2022)
Наградаяс
Уджаланін
Логотип РУВИКИ.Медиа Медиафайлы на РУВИКИ.Медиа

Мантуров Денис Валентинович (1969 вося урасьӧм тӧлысь 23-ӧд лун, Мурманск, РСФСР, СССР) — россияса канморт, Россия Федерацияса Веськӧдлан котырса председательӧс медводдза вежысь (2024 вося ода-кора тӧлысь 14-ӧд лунсянь)[1][2]. Россия Федерацияса промышленносьт да вузасьӧм кузя министр (2012—2024 вояс).

Москваса канму университетын социология факультетса социальнӧй технологияяс кафедраӧн веськӧдлысь. Экономика наукаяс доктор (2022). Россия Федерацияса 1 класса тырвыйӧ канму советник.

Олантуй

[вежны | Вежны кодировкаын]

Чужис 1969 вося урасьӧм тӧлысь 23-ӧд лунӧ Мурманскын. Сылӧн батьыс вӧлі комсомоллӧн Мурманск горкомса медводдза секретарӧн.

Помаліс М. В. Ломоносов нима Москваса канму университет (1994), босьтіс «социолог» специальносьт.

1997 воын помаліс Москваса канму университетын аспирантура. Тайӧ жӧ воас дорйис экономика наукаяс кандидатлысь учёнӧй степень шедӧдӧм вылӧ «Социально-экономический анализ инвестиционной деятельности в регионах России» диссертация.

2006 воын помаліс Россия Федерацияса президент бердын Россияса канму служба академия (РАНХиГС) «юриспруденция» специальносьт серти.

1990-ӧд вояс заводитчигӧн уджалӧма авиаперевозкаяс вӧчысь Россия-Индияса ӧтувъя предприятиеын.

1993 восянь экспорталіс Улан-Удэса авиация заводысь Ми-8 вертолётъяс.

1998—2000 воясӧ уджаліс Улан-Удэса авиация заводын генеральнӧй директорӧс вежысьӧн. 2000—2001 воясӧ вӧлі «М. Л. Миль нима Москваса вертолёт завод» ВАК-ын коммерческӧй директорӧн.

2001—2003 воясӧ вӧлі «Канму инвестиционнӧй корпорация» ФГУП-са веськӧдлысьӧс вежысьӧн.

2002 воын помаліс Москваса авиация институтын докторантура.

2003—2007 воясӧ уджаліс «Оборонпромлӧн ӧтувтӧм промышленнӧй корпорация» ВАК-са генеральнӧй директор.

2007 вося кӧч тӧлысь 11-ӧд лунсянь 2008 вося ода-кора тӧлысь 19-ӧд лунӧдз — Россия Федерацияса промышленносьт да энергетика министрӧс вежысь[3].

2008 вося ода-кора тӧлысь 19-ӧд лунӧ сійӧс индісны Россия Федерацияса промышленносьт да вузасьӧм кузя министрӧс вежысьӧн[4].

2011 вося ӧшым тӧлысь 1 лунсянь лоӧ Москваса авиация институтын «Экономическӧй объектъясӧн веськӧдлан системаяс» кафедраса профессорӧн. Пырӧ Россия Федерацияса президентлӧн патронат улын веськӧдлан кадръяслӧн резервлӧн «медводдза сёӧ».

2012 вося урасьӧм тӧлысь 2-ӧд лунӧ премьер-министр Путин индіс Россия Федерацияса промышленносьт да вузасьӧм кузя министрлысь могъяс олӧмӧ пӧртысьӧн[5], 2012 вося ода-кора тӧлысь 21-ӧд лунӧ вынсьӧдісны министр чинӧ[6], 2018 вося ода-кора тӧлысь 18-ӧд лунӧ да 2020 вося тӧвшӧр тӧлысь 21-ӧд лунӧ выльысь пуктісны тайӧ чинӧ[7].

Владимир Путинкӧд паныдасьӧм (2021.06.10)

2012 вося вӧльгым толыссянь сійӧ сідзжӧ уджалӧ «Ростех» госкорпорациялӧн видзӧдысь сӧветса веськӧдлысьӧн[8].

2022 вося ода-кора тӧлысь 27-ӧд лунӧ «Россия Федерацияса президент бердын йӧзкост овмӧс да канму служба Россияса академияын» дорйис экономика наукаяс докторлысь учёнӧй степень шедӧдӧм вылӧ «Теория и практика разработки и реализации новой модели промышленной политики» диссертация[9].

2022 вося сора тӧлысь 12-ӧд лунӧ Россияса президентлӧн индӧд серти промышленносьт да вузасьӧм кузя министр лоис Россия Федерацияса Веськӧдлан котырса председательӧс вежысьӧн. Сійӧ жӧ лунӧ Михаил Мишустин вӧзйис Мантуровӧс вице-премьерӧн Госдумаӧ, кӧні сійӧс и вынсьӧдісны[10]. 2022 вося сора тӧлысь 25-ӧд лунсянь — Россия Федерацияса военно-промышленнӧй комиссияса коллегияӧн веськӧдлысь[11].

2024 вося ода-кора тӧлысь 11-ӧд лунӧ Михаил Мишустин вӧзйис Госдумалы видлавны Веськӧдлан котырлысь выль состав, вӧзйис Денис Мантуровлысь кандидатурасӧ медводдза вице-премьер чинӧ[12]. Ода-кора тӧлысь 13-ӧд лунӧ Госдума ӧтсӧгласӧн вынсьӧдіс Мантуровӧс тайӧ чинас[13]. Ода-кора тӧлысь 14-ӧд лунӧ Россия Федарецияса президент кырымаліс индӧдсӧ[14].

Веськӧдлан котырса председательӧс медводдза вежысь чинын Мантуровлӧн медшӧр могъясыс:
• Технология сӧвмӧдан юкӧнын удж ладмӧдӧм; национальнӧй технологическӧй водзмӧстчӧм збыльмӧдӧм; атомнӧй, ракетно-космическӧй, судно стрӧитан, авиационнӧй да радиоэлектроннӧй промышленносьтӧ, канму оборона заказӧ инновационнӧй уджлысь бӧртасъяс пыртӧм;
• Урал федеральнӧй кытшӧ пырысь субъектъяс социально-экономическӧя сӧвмӧдӧм курируйтӧм;
• Промышленносьт юкӧнын канму политика юалӧмъяс бӧрся видзӧдӧм, техническӧя ладмӧдӧм, сӧвмӧдан уджтасъяс олӧмӧ пӧртӧм;
• Олӧмӧ пӧртысь власьт федеральнӧй органъяслысь уджсӧ координируйтӧм:

— Промышленносьт да вузасян министерство;
— Канму резервъяс кузя федеральнӧй агентство;
— Техническӧя ладмӧдан да метрология кузя федеральнӧй агентство;
— Интеллектуальнӧй эмбур кузя федеральнӧй служба;
— Россияса экспортнӧй шӧрин;
— Роскосмос;
— Росатом (корпорациялӧн канму оборона заказӧ, оборона да ракетно-космическӧй промышленносьт сӧвмӧдан уджтасъясӧ пырӧдчӧм);
— Выль технологияяс лӧсьӧдан да коммерциализируйтан шӧрин сӧвмӧдан фонд[15].

Семья

[вежны | Вежны кодировкаын]
Гӧтыр

Наталья Евгеньевна Мантурова (нывдырйи Кисель) (чужис 1969) — пластическӧй хирург. Россияса йӧзлысь дзоньвидзалун видзан министерствоысь медшӧр внештатнӧй специалист-пластическӧй хирург, Н. И. Пирогов нима РНИМУ-са ФГАУ-ын пластическӧй да реконструктивнӧй хирургия, косметология да клеточнӧй технологияяс кафедраӧн веськӧдлысь, медицина наукаяс доктор, медвылыс категорияа врач, «Пластическӧй, реконструктивнӧй да эстетическӧй хирургъяслӧн Россияса котырса» президент, Эстетическӧй медицина котырӧ пырысь, ISAPS-ӧ пырысь, «Пластическая хирургия и эстетическая медицина» журналса медыджыд редактор, Россия Федерацияса нимӧдана врач. Лӧсьӧдіс да кутӧ «Ланцет» пластическӧй хирургия клиника да «Русская красавица» эстетическӧй медицина шӧрин[16][17][18][19][20].

Челядь

Кык челядь. Пиыс — Евгений (чужис 1998) велӧдчӧ МГИМО-ын войтыркостса экономика йитӧдъяс факультетын[21]. Нылыс — Леонела (чужис 1995) помаліс МГУ-ын социология факультет[22][20].

Бать-мам

Батьыс — Валентин Иванович Мантуров (1938—2019). Помаліс мореходнӧй училище. Уджаліс горисполкомса председательӧс вежысьӧн, ВЛКСМ Мурманск горкомса медводдза секретарӧн. Сэсся уджаліс тӧргӧвӧй представительствоын да дипломатическӧй линия кузя Индияын, АӦШ-ын да Шри-Ланкаын. Помаліс ортсыса вузасьӧм кузя академия. 1980-ӧд воясӧ юрнуӧдіс Ӧтувтчӧм Войтыръяслӧн Котыр бердын СССР-са представительствоӧн. Мамыс — Тамара Фёдоровна Мантурова (чужлӧма 1936).

Наградаяс

[вежны | Вежны кодировкаын]
  • «Айму водзын заслугаясысь» II тшупӧда орденса медаль (2007)[23].
  • Ёртасьӧм орден (2008)[24].
  • Почёт орден (2009)[25].
  • Россия Федерацияса Веськӧдлан котырлӧн Почёт грамота (2010)[26].
  • «Айму водзын заслугаясысьм» IV тшупӧда орден (2013) — страна дорйыны верманлун ёнмӧдӧмӧ ыджыд пай пуктӧмысь, выль торъя техника лӧсьӧдӧмысь, уна вося бур уджысь[27].
  • Вежа благовернӧй князь Даниил Московский III тшупӧда орден (Роч православнӧй вичко, 2017)[28]
  • Россия Федерацияса Веськӧдлан котырлӧн Аттьӧалӧм (2019) — промышленносьт да вузасян юкӧнын канму политика збыльмӧдӧмын заслугаясысь да уна вося бур уджысь[29].
  • «Карелия Республика водзын заслугаясысь» медаль (2020) — Карелия Республика водзын да сэні олысьяс водзын заслугаясысь, республикаӧс социальнӧй да экономика боксянь сӧвмӧдӧмӧ ыджыд пай пуктӧмысь да Карелия Республика котыртӧмсянь 100 во пасйӧм кежлӧ дасьтысян канму комиссияын зіля уджалӧмысь[30].
  •  Италия Кодзув орденлӧн Ыджыд крест (2020, Италия; сэсся сійӧс вӧлі мырддьӧма Италияса президент Серджо Маттареллалӧн 2022 вося ода-кора тӧлысь 9-ӧд лунся указӧн «недостойносьтысь»)[31].
  •  Венгрия Заслугаяс орденлӧн Кодзула командорлӧн крест (2021, Венгрия)[32].
  •  Узбекистан «Дустлик» орден (2022, Узбекистан)[33].

Пасйӧдъяс

[вежны | Вежны кодировкаын]
  1. ↑ Денис Валентинович Мантуров - Правительство России. government.ru. Шыӧдчан кадпас: 9 ӧшым тӧлысь 2024.
  2. ↑ Госдума утвердила Мантурова первым вице-премьером. РБК (13 ода-кора тӧлысь 2024). Шыӧдчан кадпас: 14 ода-кора тӧлысь 2024.
  3. ↑ Распоряжение Правительства Российской Федерации от 11.09.2007 г. № 1217-р «О заместителе Министра промышленности и энергетики Российской Федерации». Шыӧдчан кадпас: 27 тӧвшӧр тӧлысь 2020. Архивируйтӧма 27 тӧвшӧр тӧлысь 2020.
  4. ↑ Распоряжение Правительства Российской Федерации от 19.05.2008 г. № 700-р «О заместителе Министра промышленности и торговли Российской Федерации». Шыӧдчан кадпас: 27 тӧвшӧр тӧлысь 2020. Архивируйтӧма 27 тӧвшӧр тӧлысь 2020.
  5. ↑ Исполнять обязанности главы Минпромторга РФ будет замминистра Мантуров. Шыӧдчан кадпас: 2 урасьӧм тӧлысь 2012. Архивируйтӧма 5 урасьӧм тӧлысь 2012.
  6. ↑ Указ Президента Российской Федерации от 21.05.2012 г. № 654 «О Министре промышленности и торговли Российской Федерации». Шыӧдчан кадпас: 27 тӧвшӧр тӧлысь 2020. Архивируйтӧма 27 тӧвшӧр тӧлысь 2020.
  7. ↑ Указ Президента Российской Федерации от 18.05.2018 г. № 239 «О Министре промышленности и торговли Российской Федерации». Шыӧдчан кадпас: 27 тӧвшӧр тӧлысь 2020. Архивируйтӧма 27 тӧвшӧр тӧлысь 2020.
  8. ↑ Денис Мантуров возглавил наблюдательный совет «Ростехнологий» — Татьяна Зыкова — Российская газета. Шыӧдчан кадпас: 31 тӧвшӧр тӧлысь 2014. Архивируйтӧма 2 урасьӧм тӧлысь 2014.
  9. ↑ Telegram: Contact @Svoidanash
  10. ↑ Путин ввел новую должность в правительстве
  11. ↑ Путин назначил Мантурова председателем коллегии ВПК
  12. ↑ О чем говорит новая конфигурация российского правительства. РБК (11 ода-кора тӧлысь 2024). Шыӧдчан кадпас: 13 ода-кора тӧлысь 2024.
  13. ↑ Госдума утвердила Мантурова первым вице-премьером. РИА Новости (13 ода-кора тӧлысь 2024). Шыӧдчан кадпас: 13 ода-кора тӧлысь 2024.
  14. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  15. ↑ Михаил Мишустин утвердил распределение обязанностей между вице-премьерами. government.ru (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  16. ↑ Жена нового министра промышленности открыла клинику за $1,5 миллиона / Sobesednik.ru, 14 июня 2012. Шыӧдчан кадпас: 16 кӧч тӧлысь 2020. Архивируйтӧма 19 лӧддза-номъя тӧлысь 2012.
  17. ↑ Мантурова Наталья Евгеньевна / pscommission.ru. Шыӧдчан кадпас: 16 кӧч тӧлысь 2020. Архивируйтӧма 24 кӧч тӧлысь 2020.
  18. ↑ Институт пластической хирургии и косметологии. Мантурова Наталья Евгеньевна / iphk.ru. Шыӧдчан кадпас: 16 кӧч тӧлысь 2020. Архивируйтӧма 29 йирым тӧлысь 2020.
  19. ↑ Клиника аппаратной, инъекционной косметологии и космецевтики «Ланцетъ-Центр». Мантурова Наталья Евгеньевна / delight-lancette.ru. Шыӧдчан кадпас: 16 кӧч тӧлысь 2020. Архивируйтӧма 23 кӧч тӧлысь 2020.
  20. ↑ 1 2 ЭНЦИКЛОПЕДИЯ. Мантуров, Денис Валентинович / ТАСС. Шыӧдчан кадпас: 16 кӧч тӧлысь 2020. Архивируйтӧма 13 ӧшым тӧлысь 2019.
  21. ↑ Студент Евгений Мантуров — чемпион Европы по практической стрельбе / mgimo.ru
  22. ↑ Справка: Мантуров Денис Валентинович. Шыӧдчан кадпас: 7 косму тӧлысь 2014. Архивируйтӧма 8 косму тӧлысь 2014.
  23. ↑ Указ Президента Российской Федерации № 108 (?) от 31.07.2007
  24. ↑ Указ Президента Российской Федерации № 570 от 24.04.2008
  25. ↑ Указ Президента Российской Федерации № 1428 от 11.12.2009
  26. ↑ Распоряжение Правительства Российской Федерации № 388-р от 23.03.2010. Шыӧдчан кадпас: 31 тӧвшӧр тӧлысь 2012. Архивируйтӧма оригинала 4 рака тӧлысь 2016 года.
  27. ↑ Указ Президента Российской Федерации от 02.02.2013 г. № 50 «О награждении государственными наградами Российской Федерации». Шыӧдчан кадпас: 27 тӧвшӧр тӧлысь 2020. Архивируйтӧма 27 урасьӧм тӧлысь 2017.
  28. ↑ В Крестопоклонную Неделю Предстоятель Русской Церкви освятил храм в честь святителя Иова, Патриарха Московского, в российской столице. Шыӧдчан кадпас: 19 рака тӧлысь 2017. Архивируйтӧма 9 рака тӧлысь 2022.
  29. ↑ Распоряжение Правительства Российской Федерации от 28.02.2019 г. № 345-р «Об объявлении благодарности Правительства Российской Федерации Мантурову Д. В.» Шыӧдчан кадпас: 27 тӧвшӧр тӧлысь 2020. Архивируйтӧма 27 тӧвшӧр тӧлысь 2020.
  30. ↑ Указ Главы Республики Карелия от 8 июня 2020 года № 58 «О награждении государственными наградами Республики Карелия»
  31. ↑ DECRETO DEL PRESIDENTE DELLA REPUBBLICA 9 maggio 2022. Шыӧдчан кадпас: 30 ода-кора тӧлысь 2022. Архивируйтӧма 30 ода-кора тӧлысь 2022.
  32. ↑ Мантуров получил высшую госнаграду Венгрии за поставки "Спутника V". Шыӧдчан кадпас: 7 сора тӧлысь 2021. Архивируйтӧма 7 сора тӧлысь 2021.
  33. ↑ Указ Президента Республики Узбекистан от 29 августа 2022 года "О награждении группы иностранных граждан в связи с 31-й годовщиной государственной независимости Республики Узбекистан "

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Мантуров_Денис_Валентинович&oldid=310905"-ысь