Иранса календар

Календар
Календар йылысь юӧр
Календар ; сикас	шондіа
Календар лыддьӧг:
	Армелин календар · Армен: Важ армен календар, Армен вичко календар · Ассирияса календар · Ацтек календар · Бахаи · Бенгал календар · Буддизм календар · Вавилонса календар · Византияса календар · Лунвыв славяналӧн йӧзкостса календар · Вьетнамса календар · Гильбурд календар · Григорий календар · Грузин календар · Дари календар · Важ грек календар · Важ Египетса календар · Важ Персияса календар · Важ славяна календар · Еврей календар · Зороастрийскӧй календар · Индияса: Важ Индияса календар, Индияын ӧтувъя национальнӧй календар · Инки календар · Иранса календар · Ирландияса календар · Ислам календар · Кельт календар · Кыргыз календар · Китайса календар · Конта календар · Копт календар · Майя календар · Масон календар · Миньго календар · Мьянма календар· Непал календар · Выль юлиан календар · Пролептическӧй календар: Пролептическӧй юлиан календар, Пролептическӧй григорий календар · Римса календар · Румияса календар · Руна календар · Сӧветскӧй революционнӧй календар · Тамильса календар · Тайса: тӧлыся, шондіа · Тибет календар · Куим сезона календар · Тува календар · Туркмен календар · Француз республиканскӧй календар · Хакас календар · Ханаан календар · Харапп календар · Чучхе календар · Швед календар · Шумер календар · Эфиопса календар · Юлиан календар · Ява календар · Япон календар

Персепольын барельеф - зороастрийскӧй Наврузлӧн символ - тувсов ӧткузя луна-вояӧ ас костын нэмъяс чӧж тышкасьысь ӧшлӧн, коді символизируйтӧ Му, да Шондіӧс петкӧдлысь левлӧн вынъясыс ӧткодьӧсь

Иранса календар (рочӧн Иранский календарь) либӧ Шондіа хиджра (перс تقویم هجری شمسی؛ سالنمای هجری خورشیدی‎) — астрономическӧй шондіа календар, мыйӧн вӧдитчӧны кыдзи официальнӧй календарӧн Иранын да Афганистанын. Календарсӧ лӧсьӧдісны 8 астроном Омар Хайямлӧн юрнуӧдӧм улын, и сэксянь сійӧс вӧлі некымынысь стӧчмӧдӧма. Сійӧ нуӧдӧ арталӧмсӧ хиджрасянь (Мухаммед пророклӧн Меккаысь Мединаӧ 622 воын вуджӧмсянь), но подулас пуктӧма шондіа (тропическӧй) во, абу кыдзи классическӧй ислам календарын, та вӧсна сылӧн тӧлысьясыс пыр лоӧны вогӧгӧрся ӧти кадын. Во заводитчӧм - тувсов ӧткузя луна-воя (Навруз, тулыслӧн гаж), сійӧс арталӧны астрономическӧй наблюдениеяс серти тегеранса кад меридиан вылын (52.5°E либӧ UTC+3:30)^[1].

Тӧлысь нимъяс

Иранса воыс заводитчӧ тувсов ӧткузя луна-вояӧ, сійӧс шуӧны Навруз — медся ыджыд гаж Иранын да Афганистанын. Сійӧс пасйӧны и мукӧд странаын, кӧні вӧдитчӧны мӧд сикас календарӧн.

	Лун лыд	Фарси Иранын			Курдъяс		Дари Афганистанын		Пашто Афганистанын		Григорий календарын (абу кассяна воӧ)	Зодиак знак
	Лун лыд	МФА	Оригинал	Роч	Латинича	Сорани	МФА	Оригинал	МФА	Оригинал	Григорий календарын (абу кассяна воӧ)	Зодиак знак
1	31	færværdin	فروردین	Фарвардин	Xakelêwe	خاکەلێوە	hamal	حمل	wrai	ورى	рака тӧлысь 21-ӧд лун — косму тӧлысь 20-ӧд лун	Овен
2	31	ordiːbeheʃt	اردیبهشت	Ордибехешт	Gullan (Banemer)	گوڵان	sawr	ثور	ɣwajai	غویى	косму тӧлысь 21-ӧд лун — ода-кора тӧлысь 21-ӧд лун	Телец
3	31	xordɒːd	خرداد	Хордад	Cozerdan	جۆزەردان	dʒawzɒ	جوزا	IPA\|ɣbarɡolai	غبرګولى	ода-кора тӧлысь 22-ӧд лун — лӧддза-номъя тӧлысь 21-ӧд лун	Близнецы
4	31	tiːr	تیر	Тир	Pûşper	پووشپەڕ	saratɒn	سرطان	t͡ʃunɡɑʂ	چنګاښ	лӧддза-номъя тӧлысь 22-ӧд лун — сора тӧлысь 22-ӧд лун	Рак
5	31	mordɒːd	مرداد	Мордад	Gelawêj	گەلاوێژ	asad	اسد	zmarai	زمرى	сора тӧлысь 23-ӧд лун — моз тӧлысь 22-ӧд лун	Лев
6	31	ʃæhriːvær	شهریور	Шахривар	Xermanan	خەرمانان	sonbola	سنبله	waʐai	وږى	моз тӧлысь 23-ӧд лун — кӧч тӧлысь 22-ӧд лун	Дева
7	30	mehr	مهر	Мехр	Rezber	ڕەزبەر	mizɒn	میزان	təla	تله	кӧч тӧлысь 23-ӧд лун — йирым тӧлысь 22-ӧд лун	Весы
8	30	ɒːbɒn	آبان	Абан	Xezellwer (Gelarêzan)	گەڵاڕێزان	'aqrab	عقرب	laɻam	لړم	йирым тӧлысь 23-ӧд лун — вӧльгым тӧлысь 21-ӧд лун	Скорпион
9	30	ɒːzær	آذر	Азар	Sermawez	سەرماوەز	qaws	قوس	lindəi	لیندۍ	вӧльгым тӧлысь 22-ӧд лун — ӧшым тӧлысь 21-ӧд лун	Стрелец
10	30	dej	دی	Дей	Befranbar	بەفرانبار	dʒadi	جدی	marɣumai	مرغومى	ӧшым тӧлысь 22-ӧд лун — тӧвшӧр тӧлысь 20-ӧд лун	Козерог
11	30	bæhmæn	بهمن	Бахман	Rêbendan	ڕێبەندان	dalvæ	دلو	salwɑɣə	سلواغه	тӧвшӧр тӧлысь 20-ӧд лун — урасьӧм тӧлысь 19-ӧд лун	Водолей
12	29/30	esfænd	اسفند	Эсфанд	Reşeme	ڕەشەمە	hut	حوت	kab	كب	урасьӧм тӧлысь 20-ӧд лун — рака тӧлысь 20-ӧд лун	Рыбы

Сезонъяс

Воыс традиционнӧя юксьӧ нёль сезон вылӧ, быд сезонын куим тӧлысь: • Тулыс (перс بهار‎ [bæhɒr], пушту پسرلی‎ [psar’lai]): фарвардин, ордибехешт, хордад
• Гожӧм (перс تابستان‎ [tɒbestɒn], пушту دوبی‎ ['dobai]): тир, мордад, шахривар
• Ар (перс پایز‎ [pɒjiz], пушту منی‎ ['mənai]): мехр, абан, азар
• Тӧв (перс زمستان‎ [zemestɒn], пушту ژمی‎ ['ʒəmai]): дей, бахман, эсфанд

Кассяна вояс

Иранса календарын кассянаӧн лыддьыссьӧ во, кодлӧн лыдпаса значениеыс 33 вылӧ юкӧм бӧрын колясыс лоӧ 1, 5, 9, 13, 17, 22, 26 либӧ 30; татшӧм ногӧн, быд 33 вося кадколастын 8 кассяна во, да воыслӧн шӧркодь кузьтаыс лоӧ 365,(24) сутки (365 лун 5 час 49 минута 5 час), мый сетӧ 4,5 сюрс воӧн 1 лунся ӧшыбка. Иранса календар та боксянь стӧчджык григорий календарысь ^[2].

Вежонын лунъяс

Иранса календарын вежоныс заводитчӧ субӧтаӧ и помасьӧ пекничаӧ — официальнӧй шойччан лун. • Субӧта — Шанбэ (перс شنبه‎);
• Вежалун — Йекьшанбэ (перс یکشنبه‎);
• Выльлун — Дошанбэ (перс دوشنبه‎);
• Воторник — Сэшанбэ (перс سه شنبه‎);
• Середа — Чахаршанбэ (перс چهارشنبه‎);
• Четверг — Панджшанбэ (перс پنجشنبه‎);
• Пекнича — Джом’э (перс جمعه‎) или Одинэ (перс آدینه‎) Вежалунсянь четвергӧдз лун нимъяс артмӧдӧны субӧта ним дорӧ лыдпас содтӧм: вежалун - "ӧти-субӧта", выльлун - "кык-субӧта" да с. в. Пекнича ним Джоме артмӧма араб кывйысь "чукӧртчылӧм" - босьтӧма тӧд вылӧ мусульманалӧн традиционнӧй пекничаса ӧтувъя молитва.

Григорий календарлы лӧсялӧм

Кодзувторйӧн пасйӧма вояс, кор Новруз лоӧ Григорий календарын рака тӧлысь 20-ӧд лунӧ. Мукӧд воясӧ Новруз - рака тӧлысь 21-ӧд лун ^[3].

Григорий календарын во	Шондіа хиджра во
1999—2000	1378
2000—2001	1379*
2001—2002	1380
2002—2003	1381
2003—2004	1382
2004—2005	1383*
2005—2006	1384
2006—2007	1385
2007—2008	1386
2008—2009	1387*
2009—2010	1388
2010—2011	1389
2011—2012	1390
2012—2013	1391*
2013—2014	1392
2014—2015	1393
2015—2016	1394
2016—2017	1395*
2017—2018	1396
2018—2019	1397
2019—2020	1398
2020—2021	1399*
2021—2022	1400

Пасйӧдъяс

↑ M. Heydari-Malayeri, A concise review of the Iranian calendar Архивса копия 16 сора тӧлысь 2011 Wayback Machine ресурсын, Paris Observatory. (англ.)
↑ Климишин, 1990, с. 97—98.
↑ Persian calendar by Holger Oertel Архивируйтӧма 16 сора тӧлысь 2012 вося.

Литература

• Иранса календар // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
• Климишин И. А. Календари Ирана // Календарь и хронология. — Изд. 3. — М.: Наука. Гл. ред. физ.-мат. лит., 1990. — С. 226—227. — 478 с. — 105 000 экз. — ISBN 5-02-014354-5.

Ыстӧгъяс

• DateConverter — Перевод дат между иранским и григорианским календарями Архивса копия 28 косму тӧлысь 2011 Wayback Machine ресурсын
• Перевод дат иранского (персидского) календаря в другие календари
• Программа перевода дат между иранским, григорианским и исламским календарями Архивса копия 23 кӧч тӧлысь 2018 Wayback Machine ресурсын (англ.)
• Густерин П. О летоисчислении на Среднем Востоке Архивса копия 31 моз тӧлысь 2021 Wayback Machine ресурсын / ЦентрАзия.

[1] M. Heydari-Malayeri, A concise review of the Iranian calendar Архивса копия 16 сора тӧлысь 2011 Wayback Machine ресурсын, Paris Observatory. (англ.)

[_91d9874529872baa-2] Климишин, 1990, с. 97—98.

[3] Persian calendar by Holger Oertel Архивируйтӧма 16 сора тӧлысь 2012 вося.

[1]

[2]

[3]