Кулӧмдінса шӧр библиотека

Кулӧмдінса шӧр библиотека
Кулӧмдінса шӧр библиотека
	61°41′11″ с. ш. 53°41′25″ в. д.GЯO
Страна	Россияса империя[d]; Сӧветскӧй Социалистическӧй Республикаяслӧн Союз; Россия;
Инпас	168060, Коми Республика, Кулӧмдін район, Кулӧмдін с., Сӧветскӧй ул., 35 к.
Лӧсьӧдӧма	1899 воын
Филиалъяс	26 филиал
Фонд
Мый пырӧ фондӧ	Небӧгъяс, газет-журналъяс, документъяс да мукӧдтор
Фондлӧн ыджда	23000 (2024)
Вӧдитчанног
Условия записи	Гижӧдӧны сэк, кор эм паспорт или сійӧс вежысь документ
Лыддьысьысь лыд	2664 (2024)
Мӧд юӧр
Директор	Пашнина Галина Егоровна
Веб-сайт	ustkulombib.ru

Кулӧмдінса шӧр библиотека (рочӧн Усть-Куломская центральная библиотека) — библиотекаыс воссис 1899 воын Кулӧмдін сиктын. Сійӧ меститчӧ 1981 воын стрӧитӧм районса Культура керкалӧн медводдза судтаас^[1]. Шӧр библиотекалӧн тэчас юкӧдувъясӧн лоӧны библиотека-юӧр сетан шӧрин (БИЦ), методико-библиографическӧй юкӧн, фондъяс да каталогъяс лӧсьӧдан, наӧн вӧдитчан да найӧс обработайтан юкӧн, могмӧдан сектор^[2]. Кулӧмдінса шӧр библиотека — Кулӧмдін районын медся ыджыд библиотека, быд во сійӧ могмӧдӧ 2 сюрсысь унджык лыддьысьысьӧс. Сэтчӧ чукӧртӧма 23 сюрсысь унджык уна сикас документ: дона коллекцияяссянь, классикасянь, электронвыв йӧзӧдӧмторъяссянь район йылысь ас му туялӧм серти аслыспӧлӧс ресурсъясӧдз («Вылыс Эжвалӧн паметь стен», «Вылыс Эжвалӧн культура озырлун»)^[3].

История

1899 воын Кулӧмдін сиктса земскӧй училище бердын воссис народнӧй библиотека. 1903 воын библиотекаын вӧлі 82 шайт вылӧ 167 небӧг, фондсьыс ыджыдджык юкӧнсӧ босьтіс художествоа литература, сідзжӧ воисны «Вятская газета» да «Биржевые новости», «Нива», «Вокруг света», «Северный край» журналъяс^[1]. Медводдза библиотекаръясӧн вӧліны велӧдысьяс. Небӧгъяс воисны уна сикас котырсянь да комитетсянь, а сідзжӧ типографияяс да небӧг складъяс пыр. Тӧвнас библиотекаӧ воліс 15-20 морт, гожӧмнас — 10 мортӧдз. 1910 воын библиотекаын вӧлі 450 небӧг, а лыддьысьысьыс содіс 200 мортӧдз^[3].

Октябрьскӧй революция да гражданскӧй война бӧрын библиотека лои лыддьысян керкаӧн, библиотекар лои избачӧн. Избачьясӧс индылісны водзмӧстчысь комсомолечьяс пӧвстысь. 1930 воясӧ лыддьысян керка лои районса библиотекаӧн да кутіс методическӧя веськӧдлыны районлӧн сиктса библиотекаясӧн. 1950 воясӧ Коми АССР-са Министръяс Сӧвет сетіс библиотекалы «Районса медбур библиотека» ним.

Челядьлӧн юкӧн подув вылын лӧсьӧдӧма челядьлы библиотека (1961 во). 1970 воын районса да челядьлӧн библиотекаясын вӧлі 700 гӧгӧр лыддьысьысь. 1981 воын библиотека вуджис районса культура керкалӧн кирпичысь вӧчӧм выль стрӧйбаӧ, кӧні и меститчӧ талун (2024 вося лӧддза-номъя тӧлысь кежлӧ). Тайӧ жӧ воас районса став библиотекасӧ вӧлі ӧтувтӧма Кулӧмдінса библиотекаяслӧн шӧр системаӧ. Районса библиотека лои шӧр библиотекаӧн, воссисны выль юкӧнъяс: методико-библиографическӧй, комплектуйтан юкӧн, система пытшкын вежласьӧм^[3]^[1]

2000 восянь библиотекасӧ заводитісны информатизируйтны, ШБ подув вылын воссис предпринимательстволӧн юӧртан-маркетинг шӧрин (ИМЦП), а 2008 воын — библиотека-юӧртан шӧрин (БИЦ), кӧні уджалӧны ИМЦП, том йӧзлы юӧр сетан шӧрин да канму юӧрӧн йӧзӧн вӧдитчан шӧрин (ЦОД, 2010 восянь). Лоис позянлун йитчыны Б. Н. Ельцин нима Президентскӧй электроннӧй библиотека дорӧ, Национальнӧй электроннӧй библиотека да Коми Республикаса Национальнӧй электроннӧй библиотека дорӧ^[3].

2014 воын шӧр библиотека подув вылын воссис «Возрождение» православнӧй литература шӧрин. 2015 воын Югыдъягса, Помӧсдінса, Дереваннӧйса библиотекаясын воссисны Шӧринлӧн филиалъяс.

Шӧр библиотека лоис культура учреждениеяс пӧвстын республикаса конкурсын «Медбур библиотека» нимпасын вермысьӧн (2016 во).

2018 восянь библиотека-юӧр сетан шӧринын уджалӧ Технологияяслы да инновацияяслы отсӧг сетан республикаса шӧринлӧн консультация пункт. Тайӧ жӧ воас восьтісны Том йӧзлысь шӧрин, кӧні нуӧдӧны том йӧзлы интеллектуальнӧй турниръяс, мастер-классъяс, акцияяс да творчество аддзысьлӧмъяс.

2023 восянь Кулӧмдінса шӧр библиотека подув вылын уджалӧ «Гений места» енбиа войтырӧс чукӧртанін, кутшӧмӧс лӧсьӧдіс Россия Федерацияса культура министерство^[4].Тайӧ жӧ воас РФ-са культура министерстволӧн модельнӧй муниципальнӧй библиотекаяс лӧсьӧдӧм серти конкурс серти бӧрйӧм бӧрын Шӧр библиотека пырис вермысьяс лыдӧ^[5]^[6].

Фонд

Библиотекаын чукӧртӧма 23 сюрсысь унджык уна сикас документ: дона коллекцияяссянь, классикасянь, электронвыв йӧзӧдӧмторъяссянь район йылысь ас му туялӧм серти аслыспӧлӧс ресурсъясӧдз («Вылыс Эжвалӧн паметь стен», «Вылыс Эжвалӧн культура озырлун»)^[3]. Лэдзӧма вӧр-ваын нималана инъяс серти буклетъяс, Кулӧмдін районса сикт-грездъяс серти «Эжва ю кузя катыд» туй индалысьяс, нуӧдӧны обзорнӧй экскурсияяс, сы лыдын виртуальнӧй.

2010 восянь Кулӧмдінса овмӧдчӧминъяслӧн библиотекаын заводитісны лӧсьӧдны шоча паныдасьлысь да дона йӧзӧдӧмторъяслысь фонд. Сэні петкӧдлӧма важ печатайтӧм православнӧй йӧзӧдӧмторъяс, автографъяса небӧгъяс, 1900—1950 воясся йӧзӧдӧмторъяс, шоч йӧзӧдӧмторъяс — роч кыв вылын универсальнӧй энциклопедиялысь 34 том, кутшӧмӧс 1890—1907 воясӧ лэдзліс Россияса империяын «Ф. А. Брокгауз — И. А. Ефрон» акционер издательство котыр (Петербург).

Шоча паныдасьлысь йӧзӧдӧмторъяс фондын артавсьӧ 200 сайӧ экземпляр. Фонд подулын — козьналан гижӧдъясӧн йӧзӧдӧмторъяс, гижӧдъяслӧн рукописьяс. Козьналысьяс да адресатъяс лыдын — нималана учёнӧйяс, гижысьяс, налӧн рӧдвуж.

Библиотекаса шоча паныдасьлысь йӧзӧдӧмторъяс фондын чукӧртӧны рукописнӧй да печатайтӧм важ небӧгъяслысь коллекция: псалтыръяс, каноникъяс, сьыланкыв сборникъяс, а сідзжӧ небӧгъяс, кутшӧмъяс лоисны юрбитан юкӧнӧн. Коллекцияӧ пырӧны шӧр библиотека фондысь, Вежа апостолъяс Пётр да Павел вичкоысь да районса олысьяслӧн ас коллекцияясысь 19—20-ӧд нэмъясса шоча паныдасьлысь православнӧй йӧзӧдӧмторъяс.

Сідзжӧ петкӧдлӧма Айму вӧсна Ыджыд тыш воясӧ йӧзӧдӧм небӧгъяс, роч классикъяслысь коми вылӧ вуджӧдӧм небӧгъяс (1930—1950 воясӧ йӧзӧдӧмторъяс).

Библиотека нуӧдӧ аслыспӧлӧс петасъяс (районса гижысьяслысь рукописьяс да небӧгъяс) цифруйтӧм серти удж.

Тэчас

Кулӧмдінса шӧр библиотекалӧн юкӧнъяс

Могмӧдан юкӧн — библиотекаӧн да юӧрӧн вӧдитчысьясӧс оперативнӧя могмӧдӧм

ОФИОФК (фондъяс да каталогъяс лӧсьӧдан, наӧн вӧдитчан да найӧс обработайтан юкӧн) — ӧтувъя небӧг фонд лӧсьӧдӧм

Методико-библиографическӧй юкӧн — библиотекаръясӧс дугдывтӧг велӧдан система котыртӧм

БИЦ (библиотека-юӧр сетан шӧрин)

ИМЦП (предпринимательстволӧн юӧртан да маркетинг шӧрин) — юӧртан да инӧда услугаяс, «Консультант Плюс» система

ЦОД (Канму юӧрӧн йӧзӧс могмӧдан шӧрин) — Б. Н. Ельцин нима Президентскӧй библиотекалӧн ресурсъясӧн могмӧдӧм

ЦПТИ (Технологияяслы да инновацияяслы отсӧг сетан республиканскӧй шӧринлӧн консультация пункт)^[3]

Филиалъяс

Шӧр библиотека: Сӧветскӧй ул., 35 к., Кулӧмдін с., Кулӧмдін район, Коми Республика, 168060
Челядьлы шӧр библиотека-филиал: Сӧветскӧй ул., 44 к., Кулӧмдін с., Кулӧмдін район, Коми Республика, 168060
Помӧсдінса библиотека-филиал: А. В. Уляшев нима ул., 41 к., Помӧсдін с., Кулӧмдін р-н, Коми Республика, 168090
Аныбса библиотека-филиал: Шӧр ул., 184 к., Аныб с., Кулӧмдін р-н, Коми Республика, 168064
Бадьёльйывса библиотека-филиал: Шӧр ул., 111а к., Бадьёльйыв гр., Кулӧмдін р-н, Коми Республика, 168090
Вӧльдінса библиотека-филиал: Шӧр ул., 49 в к., Вӧльдін с., Кулӧмдін р-н, Коми Республика, 168093
Дереваннӧйса библиотека-филиал: Шӧр ул., 246 к., Дереваннӧй с., Кулӧмдін р-н, Коми Республика, 168062
Донса библиотека-филиал: Чойвыв ул., 3/1 к., Дон с., Кулӧмдін р-н, Коми Республика, 168077
Керчомъяса библиотека-филиал: Шӧр ул., 19о к., Керчомъя с., Кулӧмдін р-н, Коми Республика, 168079
Белоборскса библиотека-филиал: Гагарин ул., 5 к., Белоборск п., Кулӧмдін р-н, Коми Республика, 168074
Ярашъюса библиотека-филиал: Шӧр ул., 12 к., Ярашъю п., Кулӧмдін р-н, Коми Республика, 168096
Кужса библиотека-филиал: Шӧр ул., 44а к., Куж с., Кулӧмдін р-н, Коми Республика, 168066
Мысса библиотека-филиал: Шӧр ул., 89 к., Мыс с., Кулӧмдін р-н, Коми Республика, 168072
Носимса библиотека-филиал: Совхоз ул., 35 к., Носим с., Кулӧмдін р-н, Коми Республика, 168061
Улыс Вочса библиотека-филиал: Шӧр ул., 191 к., Улыс Воч с., Кулӧмдін р-н, Коми Республика, 168083
Парчса библиотека-филиал: Сикт ул., 25 к., Парч с., Кулӧмдін р-н, Коми Республика, 168071
Пожӧгса библиотека-филиал: Школадор ул., 21 к., Пожӧг с., Кулӧмдін р-н, Коми Республика, 168097
Ручса библиотека-филиал: Шӧр ул., 213 к., Руч с., Кулӧмдін р-н, Коми Республика, 168063
Скӧрӧдумса библиотека-филиал: Шӧр ул., 124 к., Скӧрӧдум с., Кулӧмдін р-н, Коми Республика, 168095
Немдінса библиотека-филиал: Совхоз ул., 11 к., Немдін с., Кулӧмдін р-н, Коми Республика, 168070
Смолянкаса библиотека-филиал: Механизатор ул., 12 к., Смолянка п., Кулӧмдін р-н, Коми Республика, 168073
Югыдъягса библиотека-филиал: Комсомольскӧй ул., 40 к., Югыдъяг п., Кулӧмдін р-н, Коми Республика, 168074
Зимстанса библиотека-филиал: Интернациональнӧй ул., 14 к., Зимстан п., Кулӧмдін р-н, Коми Республика, 168082
Кебанъёльса библиотека-филиал: Гагарин ул., 1а к., Кебанъёль п., Кулӧмдін р-н, Коми Республика, 168065
Лопъювадса библиотека-филиал: Комсомольскӧй ул., 1 к., Лопъювад п., Кулӧмдін р-н, Коми Республика, 168076
Тымсерса библиотека-филиал: Сӧветскӧй ул., 3 к., Тымсер п., Кулӧмдін р-н, Коми Республика, 168075
Діасеръяса библиотека-филиал: Чапаев ул., 22 к., Діасёръя п., Кулӧмдін р-н, Коми Республика, 168091
Джеджимса библиотека-филиал: Музей уличкост, 1 к., Джеджим гр., Кулӧмдін р-н, Коми Республика, 168078^[7]

Шӧр библиотекалӧн проектъяс да уджтасъяс

«Читающий да разумеет» — проект — «Православнӧй водзмӧстчӧм» войтыркостса грант конкурсын вермысь;
«Сӧветскӧй Союзса Герой Георгий Тимушев» — небӧг лӧсьӧдӧм да лэдзӧм серти проектсӧ збыльмӧдӧма 2015 воын «Кулӧмдін» МР-са администрациялӧн отсӧгӧн. Небӧгсӧ лэдзӧма Айму вӧсна Ыджыд тышын Вермӧмсянь 70 во тыригкежлӧ;
«Исток содружества — любовь к родной земле»: Джеджимса библиотека бердын литературнӧй гӧстинӧй котыртӧм да этнойӧр лӧсьӧдӧм серти. Коми Республикаса Юралысьлӧн библиотечнӧй удж юкӧнын грант;
«Чужан сиктыд — кага потан» Джеджим грездын литература-шылада фестиваль котыртӧм серти (КР-са национальнӧй политика министерствлӧн сьӧма отсӧгӧн);
«Вылыс Эжваса енбиа гижысьяс» — В. Т. Чисталёвлӧн да сылӧн последовательяслӧн творчестволы сиӧм «Вылыс Эжваса енбиа гижысьяс» литература-шылада фестиваль котыртӧм серти. Проектсӧ збыльмӧдӧма 2018 воын, «Этноинициатива-2018» КР-ын канму национальнӧй политика збыльмӧдан юкӧнын проектъяслӧн VI республиканскӧй конкурсын вермысь;
X юбилейнӧй православнӧй Владимирскӧй лыддьысьӧмъяс (КР-са национальнӧй политика министерстволӧн сьӧма отсӧгӧн);
«Юрвемтыш» — шӧр библиотека бердын Том йӧзлы шӧринын интеллектуальнӧй ворсӧм котыртӧм да нуӧдӧм серти (том йӧзлӧн проектъяс серти районса конкурслӧн грант, «Этноинициатива-2019» канму национальнӧй политика збыльмӧдан юкӧнын проектъяслӧн конкурсын грант);
«Коми Республикаын культура да туризм сӧвмӧдӧм» Коми Республикаса канму уджтас збыльмӧдӧм серти Челядьлы модельнӧй библиотека лӧсьӧдӧм (шӧр библиотека — модельнӧй библиотека лӧсьӧдӧм серти проект координируйтысь);
«Кулӧмдін: кольӧм кадсянь ӧнія кадӧдз» — историческӧй экскурс лӧсьӧдӧм серти сы могысь, медым паськӧдны сиктлӧн история, Вылыс Эжваса коми культура да традицияяс йылысь аслыспӧлӧс юӧрсӧ (Коми Республикаын «Войтырлӧн сьӧмкуд» проект збыльмӧдӧм серти);
Джеджим грездын В. Е. Напалков нима литература аллея лӧсьӧдӧм серти проект. Мог — Виктор Егорович да Наталья Васильевна Напалковъяслӧн литература наследиеӧн паськыда тӧдмӧдӧм (Коми Республикаын «Войтырлӧн сьӧмкуд» проект збыльмӧдӧм серти);
Коми поэт, журналист Вячеслав Леонидович Бабинлысь «Помся шуд аслам Войвывлы вӧзъя» гижӧд чукӧр йӧзӧдӧм серти проект (Коми Республикаын «Войтырлӧн сьӧмкуд» проект збыльмӧдӧм серти);
«Гений места»проектын участвуйтысь. Библиотека бердын лӧсьӧдӧма «искусство» да «выль медиа» креативнӧй нырвизьяс серти енбиа войтырӧс чукӧртанін.

Шӧр библиотека быд во збыльмӧдӧ районса уджтасъяс:

Йӧзӧс духовно-нравственнӧя велӧдӧм серти«Небӧгъясын да лыддьысьӧмын духовнӧй наследие» уджтас;
Коми гижысьяслысь да поэтъяслысь гижӧдъяс, чужан му туялан литература паськӧдӧм серти «Ас муын — ас гижысьяс» уджтас;
Вылыс Эжваын культураӧн паськыда тӧдмӧдан да ас му туялан туризм сӧвмӧдӧмын отсалӧм серти «Библиотека да туризм» уджтас;
Дзоньвидзалунын дзескӧдӧм позянлуна йӧзкӧд, олӧма войтыркӧд уджалӧм серти «Библиотека без границ» уджтас^[8]

Йӧзӧдӧмторъяс

Небӧгъяс

Эзысь войтъяс: сиктса челядьлӧн гижӧда да серпаса ӧктӧд. — Сыктывкар: Эскӧм, 2005. — 14 с.
Кулӧмдін — миян муса чужанін: сиктса челядьлӧн гижӧда да серпаса ӧктӧд. — Сыктывкар: Коми йӧзӧдчан керка, 2013. — 23 с.
Чисталёв В. Т. Восьті ӧшиньӧс ме: челядьлы бӧрйӧм гижӧдъяс/ сост. и вступ. ст. В. Г. Лодыгина. — Сыктывкар, 2015. — 72 с.
Чужанінлысь ловсӧ кыла: ӧктӧд. — Сыктывкар: Титул, 2018.
Село Усть-Кулом: очерк-путеводитель. — Сыктывкар: Коми республиканская типография, 2006.
Бабин В. Л. Ӧшиньын бобув = Бабочка в окошке: кывбуръяс = стихи. — Сыктывкар: ООО «Коми республиканская типография», 2021. — 84 с.
Бабин В. Л. Мыджӧд = Опора: кывбуръяс, висьтъяс = стихи, рассказы. — Сыктывкар: ООО «Коми республиканская типография», 2021. — 96 с.^[9]

Индалысьяс

МБУК «Усть-Куломская МБ». Певцы родного края. Самодеятельные композиторы Верхней Вычегды: биобиблиографический указатель. — Усть-Кулом, 2008. — 39 с.
МБУК «Усть-Куломская межпоселенческая библиотека». Самодеятельные художники Верхней Вычегды: биобиблиографический указатель. — Усть-Кулом, 2013. — 31 с.
МБУК «Усть-Куломская межпоселенческая библиотека». Добрых рук мастерство. Мастера прикладного искусства Верхней Вычегды: биобиблиографический указатель. — Усть-Кулом, 2018.
МБУК «Усть-Куломская межпоселенческая библиотека». Виктор Егорович Напалков: биобиблиогр. указ.. — Усть-Кулом, 2018.
МБУК «Усть-Куломская межпоселенческая библиотека». Вячеслав Леонидович Бабин: биобиблиографический указатель. — Сыктывкар: Коми республиканская типография, 2021. — 260 с.
МБУК «Усть-Куломская межпоселенческая библиотека». Василий Григорьевич Лодыгин: биобиблиографический указатель. — Сыктывкар: Коми республиканская типография, 2022. — 250 с.
МБУК «Усть-Куломская межпоселенческая библиотека». Поэт, вуджöдчысь, велöдысь = Поэт, переводчик, педагог: Иона Тимофеевич Чисталёвлы — Жан Морöслы чужöмсянь 130 во тыригкежлö (1893—1923). — Сыктывкар: Коми республиканская типография, 2023. — 112 с.^[10]

Пасйӧдъяс

↑ ¹ ² ³ Центральная библиотека Муниципального бюджетного учреждения культуры «Усть-Куломская межпоселенческая библиотека» (неопр.). Библиотека нового поколения. Шыӧдчан кадпас: 25 рака тӧлысь 2026.
↑ Усть-Куломская центральная библиотека (неопр.). Культура.РФ. Шыӧдчан кадпас: 25 рака тӧлысь 2026.
↑ ¹ ² ³ ⁴ ⁵ ⁶ Центральная библиотека (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.
↑ Три библиотеки в Коми прошли конкурсный отбор проекта по созданию на базе библиотек точек концентрации талантов «Гений места» в рамках инициативы федерального проекта «Придумано в России» (неопр.). Правительство Республики Коми. Шыӧдчан кадпас: 26 рака тӧлысь 2026.
↑ Елена Сергеева. «Читающая республика»: в 2023 году посетителями библиотек Коми стало свыше 3,5 млн человек, Комсомольская правда (25 рака тӧлысь 2026).
↑ Скоро в районе откроется пятая модельная библиотека (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.
↑ Основные сведения (неопр.). Усть-Куломскаяя межпоселенческая библиотека. Шыӧдчан кадпас: 26 рака тӧлысь 2026.
↑ Проекты и программы центральной библиотеки (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.
↑ Книги (неопр.). Усть-Куломская межпоселенческая библиотека. Шыӧдчан кадпас: 25 рака тӧлысь 2026.
↑ Указатели (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.

Литература

Казакова Карина Ацамазовна, Горунович Алексей Николаевич. Влияние исторического развития территории на характер регионального брендинга (на примере Республики Коми) // Манускрипт. — 2019. — № 5.
Гагиева Анна Капитоновна. Библиотечное дело на территории Коми края во второй половине XIX - начале XX В. И его влияние на общественное самосознание // Финно-угорский мир. — 2019. — № 2.
Власова В.В. Родной язык и религиозные практики в приходах Коми края в начале XX века // Вестник угроведения. — 2019. — № 2.
Рочева Ирина Владимировна. Бытовые условия деятельности культурно-просветительных учреждений системы Наркомпроса в Коми АССР в годы Великой Отечественной войны // Манускрипт. — 2019. — № 4.
Прокуратова Екатерина Владимировна. Духовные стихи на евангельские сюжеты в рукописной традиции крестьян верхней Вычегды // Филологические науки. Вопросы теории и практики. — 2018. — № 12—3 (90).
Игнатова Н.М. «Перевоспитать в наикратчайший срок»: школы, клубы и библиотеки в спецпосёлках Коми автономной области в 1930-е годы // Известия Коми научного центра УРО РАН. — 2017. — № 4 (32).
Лянцевич Анелия Владимировна. Языческое мировоззрение в культуре христианского старообрядчества коми-зырян // Ежегодник финно-угорских исследований. — 2015. — № 2.

Ыстӧгъяс

[:0-1] ¹ ² ³ Центральная библиотека Муниципального бюджетного учреждения культуры «Усть-Куломская межпоселенческая библиотека» (неопр.). Библиотека нового поколения. Шыӧдчан кадпас: 25 рака тӧлысь 2026.

[2] Усть-Куломская центральная библиотека (неопр.). Культура.РФ. Шыӧдчан кадпас: 25 рака тӧлысь 2026.

[:1-3] ¹ ² ³ ⁴ ⁵ ⁶ Центральная библиотека (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.

[4] Три библиотеки в Коми прошли конкурсный отбор проекта по созданию на базе библиотек точек концентрации талантов «Гений места» в рамках инициативы федерального проекта «Придумано в России» (неопр.). Правительство Республики Коми. Шыӧдчан кадпас: 26 рака тӧлысь 2026.

[5] Елена Сергеева. «Читающая республика»: в 2023 году посетителями библиотек Коми стало свыше 3,5 млн человек, Комсомольская правда (25 рака тӧлысь 2026).

[6] Скоро в районе откроется пятая модельная библиотека (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.

[7] Основные сведения (неопр.). Усть-Куломскаяя межпоселенческая библиотека. Шыӧдчан кадпас: 26 рака тӧлысь 2026.

[8] Проекты и программы центральной библиотеки (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.

[9] Книги (неопр.). Усть-Куломская межпоселенческая библиотека. Шыӧдчан кадпас: 25 рака тӧлысь 2026.

[10] Указатели (неопр.). Усть-Куломская межпоселенческая библиотека. Шыӧдчан кадпас: 26 рака тӧлысь 2026.

[1]

[2]

[3]

[4]

[5]

[6]

[7]

[8]

[9]

[10]