Вылыс Бугаев (Чилимдін район)
| Грезд | |
| Вылыс Бугаев | |
|---|---|
 | |
| 65°56′31″ с. ш. 52°27′49″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Бугаев |
| Шӧрин вылна | 26 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169491 |
| ОКАТО код | 87252805002 |
| ОКТМО код | 87652405106 |
|
|
|
Вылыс Бугаев (рочӧн Верхнее Бугаево) — Коми Республикаын Чилимдін районса Бугаев сикт овмӧдчӧминӧ пырысь грезд.
Ним артмӧм
Сиктыслӧн нимыс йитчӧма роч Бугаев овкӧд либӧ Бугай нимтысян кывкӧд. Рочнас Верхнее Бугаево, кӧні верхнее определениеыс стӧчмӧдӧ инсӧ: эм Бугаев, вӧлӧма и Улыс Бугаев грезд, но сійӧс учёт вылысь киритӧмаӧсь 1974 вося ӧшым тӧлысь 20-ӧд лунӧ[2].
География
Вылыс Бугаев пукалӧ Печӧра юлӧн шуйга берегын. Бугаев шӧрсиктсянь 8 км сайын, Чилимдін юрсиктсянь 77 км сайын[3]. Саридз веркӧсвесьтса вылнаыс — 26 метра[4].
- Час кытш
Вылыс Бугаев, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].
История
Йӧзлӧн висьталӧм серти, медводдзаӧн татчӧ овмӧдчӧмаӧсь XIX нэм пансигӧн Гарев да Высокӧй Гӧраысь йӧз. 1811—1858-ӧд воясся Ревизскӧй сказкаясын абу индӧма. В. Н. Латкинлӧн 1843-ӧд вося луннебӧгын индӧма, мый Бугаев грездын куим овмӧс. Тайӧ вермис лоны, кыдзи Вылыс Бугаев, сідз и Бугаев сикт, мый тшӧтш, легенда серти, овмӧдӧма XIX нэм пансигӧн.
1859 вося оланінъяс лыддьӧгын пасйӧма «деревня Бугаевская 1-я» (Вылыс Бугаев) да «деревня Бугаевская 2-я» (Бугаев). Бугаевын сэк вӧлӧма 8 овмӧс да олӧма 66 морт[6]. Йӧзыслӧн вӧлӧмаӧсь татшӧм медшӧр прӧмысъяс: чери кыйӧм, эмбур новлӧдлӧм, вӧр пӧрӧдӧм да кылӧдӧм, скӧт видзӧм. Найӧ заптісны вӧрсӧ Печӧра кывтыдын, Пустозерск вӧлӧсьтын олысьяслы, а сідзжӧ Норицынлӧн да Черныхлӧн пароходствояслы. Татчӧс олысьясӧс пасйӧмаӧсь кызвыннас пес кералысьясӧн. Сэтчӧс олысьяс кыисны тывъяс вылӧ кӧнтусь, кыисны тывъяс. Вӧлі и шоча паныдасьлысь сійӧ кадӧ мастер-сапожник Н. О. Дуркин[7].
1918 воын Вылыс Бугаев (Зайково): 41 овмӧс, 245 морт, 1926-ӧд воын — 38 овмӧс, 245 морт. 1930-ӧд вося лыддьӧгын Вылыс Бугаев (Зайково): тані вӧлӧма школа да потребительскӧй котыр[3].
2025 воын пасйисны 225 во грездлы подув пуктӧмсянь[7].
Олысь лыд
Сиктын олӧны роч йӧз.
| Лыд | |||||||||||
|---|---|---|---|---|---|---|---|---|---|---|---|
| 1859[6] | 1918[6] | 1926[6] | 1939[6] | 1970[6] | 1979[6] | 1989[6] | 1995[3] | 2000 | 2007 | 2010 | 2020 |
| 66 | 185 | 245 | 222 | 173 | 144 | 110 | 120 | 128 | 104 | 85 | 50 |
Медводдза овъяс
Дуркин, Шишелов, Хозяинов, Малышев[7].
Инфраструктура
Грездын эм культура керка, небӧгаин, ФАП, вузасянінъяс.
2024 воын дзоньталісны 355 метра пыднаа артезианскӧй скважина[8].
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ 1 2 3 Жеребцов И. Верхнее Бугаево // Республика Коми. Энциклопедия. Том I. — Сыктывкар: Коми книжное издательство, 1997. — С. 292.
- ↑ Sredneye Bugayevo (англ.). GeoNames.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 5 6 7 8 Жеребцов, 2001, с. 65.
- ↑ 1 2 3 Поздеева О. Живи, деревенька, и здравствуй! (рус.). Красная Печора. Шыӧдчан кадпас: 8 йирым тӧлысь 2025.
- ↑ В усть-цилемской деревне Верхнее Бугаево отремонтировали артезианскую скважину (рус.). Комиинформ (17 ода-кора тӧлысь 2024). Шыӧдчан кадпас: 8 йирым тӧлысь 2025.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
.png)