Харъяга (Чилимдін район)
| Посёлок | |
| Харъяга | |
|---|---|
| Харъяга | |
 | |
| 66°55′28″ с. ш. 52°10′08″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Йӧрмидз |
| История да география | |
| Лӧсьӧдӧма | 1931 |
| Шӧрин вылна | 23 м |
| Час кытш | UTC+3:00 |
| Йӧз | |
| Олысь лыд | 206[1] морт (2010) |
| Официал кыв | коми, роч |
| Лыдпаса идентификаторъяс | |
| Пошта индекс | 169497 |
| ОКАТО код | 87252810003 |
| ОКТМО код | 87652410106 |
|
|
|
Харъяга (рочӧн Харъяга) — Коми Республикаса Чилимдін районын Йӧрмидз сикт овмӧдчӧминӧ пырысь посёлок.
Ним артмӧм
Посёлокыслӧн нимыс артмӧма Харъяга ю нимсянь. Юыслӧн нимыс артмӧма харъяха яран кывйысь «чукля ю», кӧні хара «чукля», яха «ю»[2].
История
Посёлоксӧ вӧлі котыртӧма 1931 воын кыдзи Воркутстройлӧн подсобнӧй овмӧс («Харъяга» совхоз)[3]. Посёлоксӧ лӧсьӧдісны Харъяга пӧчинок бердын, тані уджалісны кулакалӧм йӧз.
1931 вося моз тӧлысь 5-ӧд лунӧ вайисны спецтрудпереселенечьяслысь мӧд партия — 368 морт да ысталісны Марица, Харъяга, Лёждуг, Абрамовка, Денисовка, Ховрино, Гавриловка, Росвино, Мещанское, Камгорт грездъясӧ. Унаӧн на пиысь кулісны Харъяга спецпосёлок стрӧитігӧн. Йӧзсӧ уджӧдісны зэв ёна. Сӧмын некымын воӧн, гӧрӧм улӧ муяс лӧсьӧдӧм кындзи, найӧ стрӧитісны ыджыд посёлок став овмӧс стрӧйбаяснас, котыртлісны совхоз, видзисны уна скӧт. Кулакалӧм йӧз кындзи, Харъягаӧ ыстісны роч немечьясӧс да рытыввыв украинечьясӧс. ХХ нэмся 40-ӧд воясӧдз найӧ вӧліны тыр правоа сӧветскӧй гражданаӧн. Но Айму вӧсна Ыджыд тыш заводитчӧм бӧрын налӧн олӧмыс ёна вежсис, найӧс нимтісны «народлӧн врагӧн». Найӧс мобилизуйтӧны сідз шусяна трудармияӧ. Налы ковмис уджавны Сибырын да Казахстанын, а 1943 восянь Комиын — Вӧркутаса шахтаясын, суткинас 12-14 час сьӧкыд условиеясын. 1944 воын омӧльтчӧм да слабмӧм йӧзӧс кутісны мӧдӧдавны «Новӧй Бор», «Харъяга», «Медвежка» совхозъясӧ. Гожӧмнас татчӧ вӧлі мобилизуйтӧма 317 сӧветскӧй немечӧс (ставсӧ 600 сайӧ мортӧс)[4].
1945 карта вылын пасйӧма кыдз Харьяха. 1959 воын посёлокын оліс 604 морт, 1970 воын — 474 морт, 1979 воын — 400 морт, 1989 воын — 321 морт, на пиысь 63 % рочьяс, 24 % комияс, 1990 воын — 324 морт, 1992 воын — 355 морт, 1995 воын — 330 морт[5].
География
Посёлокыс меститчӧма Коми Республикаса рытыв-войвылын, Печӧра юлӧн Харъягаса Шар вислӧн веськыд берегын, Харъяга юлӧн сэтчӧ усьӧмсянь матын, районса административнӧй шӧрин Чилимдін сиктсянь 163 гӧгӧр километр (веськыда) войвывлань. Йӧрмидзсянь 8 км ылнаын[3].
- Час кытш
Харъяга, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[6].
Йӧз
- Гендернӧй состав
2010 вося Ставроссияса перепись серти, посёлокын мужичӧйыс вӧлі 50,5 %, нывбабаяс — 49,5 %.
- Войтырсикасъяс
2002 вося Ставроссияса перепись серти, грездын унджыкыс вӧліны рочьяс 68 % 280 морысь[10].
Тӧдчана эмторъяс
• Обет крест — политическӧй репрессияяс улӧ веськалӧм йӧзӧс казьтылан пас;
• Айму вӧсна Ыджыд тышын усьӧмаяслы обелиск.
Уличаяс
Посёлокын квайт улича[11].
Пасйӧдъяс
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ 1 2 Жеребцов И. Харъяга // Республика Коми. Энциклопедия. Том III. — Сыктывкар: Коми книжное издательство, 2000. — С. 262.
- ↑ Митинг Харьяжская библиотека 30.10.2021 (рус.). Усть-Цилемская ЦБС (2 вӧльгым тӧлысь 2021). Шыӧдчан кадпас: 22 йирым тӧлысь 2025.
- ↑ Жеребцов, 2001, с. 514.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 22 йирым тӧлысь 2025.
- ↑ Регионы России → Коми респ. → Усть-Цилемский р-н → Харъяга п. (рус.). Шыӧдчан кадпас: 22 йирым тӧлысь 2025.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
.png)