Мыла (Чилимдін район)
| Грезд | |
| Мыла | |
|---|---|
| комиӧн Мыла | |
 Мыла, фотоыс Д. Забелинлӧн | |
| 65°25′31″ с. ш. 50°52′49″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Трусов |
| История да география | |
| Воддза нимъяс | Мыльская |
| Шӧрин вылна | 72 м |
| Час кытш | UTC+3:00 |
| Йӧз | |
| Олысь лыд | 97[1] морт (2010) |
| Официал кыв | коми, роч |
| Лыдпаса идентификаторъяс | |
| Пошта индекс | 169485 |
| ОКАТО код | 87252850002 |
| ОКТМО код | 87652450106 |
|
|
|
Мыла (рочӧн Мыла) — Коми Республикаса Чилимдін районын Трусов сикт овмӧдчӧминӧ пырысь грезд.
Ним артмӧм
Грездыслӧн нимыс артмӧма Мыла ю нимысь, юыслӧн нимыс артмӧма мыл, мал, мил обдорса йӧгра кывъясысь «джуджыд» вежӧртасын[2].
География
Грездыс меститчӧма Коми Республикаса рытыв-войвылын, Трусов сиктсянь 25 км ылнаын[3].
- Час кытш
Мыла, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
В. Н. Латкинлӧн дневникын пасйӧма, мый Мыла ю вылын сылӧн ю вомсянь куим верст сайын 1843 воын вӧлӧма грезд, кӧні вӧлӧма нёль керка; тані овмӧдчӧминыс артмӧма ӧти торйӧдчӧм семьяысь. Тыдалӧ, В. Н. Латкин кутіс тӧд вылас Мыла грезд, торйӧн нин сы вӧсна, мый, А. И. Туркинлӧн мыччӧдъяс серти, Мыла грезд вӧлі пасйӧма 1845 вося карта вылын[5].
1861 воын йӧзӧдӧм «Список населенных мест Российской империи» небӧгын оланінсӧ пасйӧма кыдзи Мезень уездса Мыла грезд (2-ӧд стан), Мыла ю дорын, уездса Мезень карсянь 616 верст ылнаын. Грездын вӧлі 3 овмӧс и оліс 18 морт (9 мужичӧй и 9 нывбаба)[6].
Гражданскӧй война дырйи 1918 воын Мыла грезд дорын мунісны ыджыд тышъяс. Мезеньсянь Печӧра вылӧ вӧлі мӧдӧдӧма белогвардеечьяслысь отряд штабс-капитан Алашев юрнуӧдӧм улын. Сэки Мыла грездбердса заставаын караульнӧй служба нуӧдіс Чилимдін сиктса олысь Василий Антонович Дуркин. Кор Алашевлӧн отрядыс матыстчис застава дорӧ, Василий заводитіс тышкасьны. Сійӧ виис ӧти офицерӧс да ранитіс мӧдӧс. Тыш дырйи Дуркин вӧлі сьӧкыда ранитчӧма да веськалӧма пленӧ. Пыткаяс бӧрын допрос дырйи сійӧс сутшкисны штыкъясӧн. Белогвардеечьяс эз лэдзны сиктса олысьясӧс матыстчыны Дуркин дорӧ да эз сетны сылысь шойсӧ гуавны, но Мыла грездын олысь Василий Николаевич Сауков гуаліс В. А. Дуркинӧс. Бӧрыннас Мысса начальнӧй школалы вӧлі сетӧма Василий Дуркинлысь ним, а 2019 воын грездын сувтӧдісны сылӧн гу вылӧ памятник[7].
1920 во кежлӧ грездын вӧлӧма 25 овмӧс и олӧма 116 морт (49 мужичӧй и 67 нывбаба). Административнӧя грездыс пырис Печӧра уездса Чилимдін вӧлӧсьтлӧн Кривомежнӧй обществоӧ[8].
1918 воын тані оліс 120 морт, 1970 воын — 179 морт, 1979 воын — 136 морт, 1989 воын — 141 морт, 1995 воын — 163 морт, 1998 воын — 73 морт[5].
Йӧз
- Гендернӧй состав
2010 вося Ставроссияса перепись серти, грездын унджыкыс вӧлі мужичӧй 58,8 %, нывбабаяс — 41,2 %.
- Войтырсикасъяс
2002 вося Ставроссияса перепись серти, сиктын унджыкыс вӧлі роч: 97 %[12].
Инфраструктура
Грездын эм ФАП, ичӧт школа.
Уличаяс
Грездын ӧти улича[13].
Пасйӧдъяс
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Жеребцов И. Мыла // Республика Коми. Энциклопедия. Том II. — Сыктывкар: Коми книжное издательство, 1999. — С. 306.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 Жеребцов, 2001, с. 313.
- ↑ Архангельская губерния. Список населенных мест по сведениям 1859 года. Шыӧдчан кадпас: 12 вӧльгым тӧлысь 2025. Архивируйтӧма 8 сора тӧлысь 2019.
- ↑ «Народный бюджет» в д. Мыла (рус.). Администрация Усть-Цилемского района (13 кӧч тӧлысь 2019). Шыӧдчан кадпас: 12 вӧльгым тӧлысь 2025.
- ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). — Архангельск, 1922. — Стр. 99
- ↑ http://www.perepis2002.ru/content.html?id=11&docid=10715289081460.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 12 вӧльгым тӧлысь 2025. Архивируйтӧма 27 рака тӧлысь 2020.
- ↑ Регионы России → Коми респ. → Усть-Цилемский р-н → Мыла д. Шыӧдчан кадпас: 12 вӧльгым тӧлысь 2025. Архивируйтӧма 25 рака тӧлысь 2015.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
.png)