Уег (Чилимдін район)
| Сикт | |
| Уег | |
|---|---|
| Уег | |
 | |
| 65°44′09″ с. ш. 52°03′48″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Уег |
| История да география | |
| Шӧрин вылна | 31 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169487 |
| ОКАТО код | 87252838001 |
| ОКТМО код | 87652438101 |
|
|
|
Уег (рочӧн Уег) — Коми Республикаын Чилимдін районысь Уег сикт овмӧдчӧминса шӧрсикт.
Ним артмӧм
Сиктыслӧн нимыс артмӧма уег роч сёрнисикас кывйысь «скӧтӧс вуджӧдӧм вылӧ йи пытшкӧ писькӧдӧм вуджанін, кузь вуджанін». Сійӧ, ас кадӧ, артмӧма уйны коми кывйысь «кывтны, варччыны, уйны»[2].
География
Уег пукалӧ Печӧра юлӧн шуйга берегын. Сиктсянь Чилимдін юрсиктӧдз 45 км. Саридз веркӧсвесьтса вылнаыс — 31 метра[3].
- Час кытш
Уег, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Сиктыслы подувсӧ пуктӧмаӧсь ХVIII нэмся медводдза джынйын Чилимдінса олысьяс[5], но документъяс серти сійӧ артмис 1795 во бӧрын[6].
1811 воын тані оліс 102 мужичӧй, нывбабаяс йылысь мыччӧдъясыс абуӧсь. Медводдза олысьясӧн пасйӧмаӧсь Михей Лаврентьевич Дуркин, Григорий Гаврилович Кисляков, Фёдор Павлович Чупров, Игнатий Гаврилович Силков да мукӧд[6].
ХIХ нэмся 30-40 воясын грездысь унаӧн мунісны Сибырӧ.
1850 воын грездын олісны 100 мужичӧй да 128 нывбаба.
1859 воын грездын вӧліс 28 овмӧс, олісны 117 мужичӧй да 148 нывбаба[6].
1861 воын йӧзӧдӧм «Список населенных мест Российской империи» небӧгын оланінсӧ пасйӧма кыдзи Мезень уездса Печӧра ю дорын Уѣзжная (Уѣдъ) грезд (2-ӧд стан), уездса Мезень карсянь 721 верст сайын. Сиктын вӧлі 28 овмӧс да оліс 265 морт (117 мужичӧй да 148 ань)[7].
1920 во кежлӧ Уегын вӧлӧма 52 овмӧс да олӧмаӧсь 211 морт (88 мужичӧй да 123 ань). Административнӧя сиктыс вӧлі Печӧра уездса Чилимдін вӧлӧсьтлӧн Уегса обществолӧн шӧринӧн[8].
1930 воын Уегын вӧлі сиктсӧвет, школа, изба-читальня, небӧгаин, вый вӧчан завод[6].
1939 воын Уег вӧлі Хабариха сикт сӧвет улӧ пырысь грездӧн. 1992 вося рака тӧлысь 16-ӧд лунӧ Уег лои Уег сиктсӧветса шӧринӧн. Сиктсӧветӧ Уег грездкӧд официальнӧя вӧлі ӧтувтӧма Егорковскӧй, Конгурскӧй (ӧні тайӧ грездъясыс абуӧсь нин) да Мыза грездъяс.
Олысь лыд
Сиктын олӧны ёнджыкасӧ роч йӧз.
| Лыд | |||||||||||
|---|---|---|---|---|---|---|---|---|---|---|---|
| 1850 | 1859 | 1918 | 1926 | 1939 | 1970 | 1979 | 1989 | 1992 | 2000 | 2007 | 2010 |
| 228 | 265 | 132 | 257 | 270 | 292 | 197 | 225 | 359 | 356 | 256 | 190 |
- Гендернӧй состав
2010 вося Ставроссияса перепись серти, сиктын унджыкыс вӧлі мужичӧй — 51,1 %, нывбабаяс — 48,9 %.
- Войтырсикасъяс
2002 вося Ставроссияса перепись серти, сиктын унджыкыс вӧлі роч — 95 % 307 мортысь[11].
Медводдза овъяс
Инфраструктура
Сиктын эм вузасянін, фельдшерско-акушерскӧй пункт, библиотека, культура керка, «Маяк» видз-му овмӧс производственнӧй кооператив да пошта. 2019 воӧдз уджаліс ичӧт школа-челядьлы сад.
Нималанатор
Уег грездын да Печӧраса мукӧд сикт-грездын былинаяссӧ гижӧма роч фольклорист, этнограф Н. Е. Онучков 1901 воын. 1904 воын йӧзӧдӧм аслас «Печорские былины» уджын сійӧ не сӧмын гижис асьнысӧ былинаяссӧ, но и подробнӧя гижис асьныс висьталысьяслысь характеръяссӧ, оласногсӧ да наӧн былинаяс ворсанногсӧ. Уегын Анись Фёдорович Вокуевсянь вӧлі гижӧма кӧкъямыс былина («Святогор», «Илья Муромец и голи», «Никита Романович, рождение и детство Добрыни», «Алёша Попович, Еким и Тугарин», «Василий Казимирович», «Лука Данилович, змея и Настасья Салтановна», «Небылица про льдину», «Отрывок»)[12].
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Uyeg (англ.). GeoNames. Шыӧдчан кадпас: 13 йирым тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 Жеребцов И. Уег // Республика Коми. Энциклопедия. Том III. — Сыктывкар: Коми книжное издательство, 2000. — С. 187.
- ↑ 1 2 3 4 Жеребцов, 2001, с. 481.
- ↑ Архангельская губерния. Список населенных мест по сведениям 1859 года. Шыӧдчан кадпас: 13 йирым тӧлысь 2025. Архивируйтӧма 8 сора тӧлысь 2019.
- ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). — Архангельск, 1922. — Стр. 99
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
- ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 13 йирым тӧлысь 2025. Архивируйтӧма 27 рака тӧлысь 2020.
- ↑ Н.Е. Ончуков. Печорские былины. — С.-Петербург: Типо-литография Н. Соколова и В. Пастор, 1904.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
.png)