Окунев Нос (Чилимдін район)
| Сикт | |
| Окунев Нос | |
|---|---|
| Окунев Нос | |
 | |
| 66°15′27″ с. ш. 52°33′45″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Окунев Нос |
| История да география | |
| Шӧрин вылна | 32 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169492 |
| ОКАТО код | 87252830001 |
| ОКТМО код | 87652430101 |
|
|
|
Окунев Нос (рочӧн Окунев Нос) — Коми Республикаын Чилимдін районысь Окунев Нос сикт овмӧдчӧминса шӧрсикт.
Ним артмӧм
Сиктыслӧн нимас медводдза кывйыс йитчӧма окунь «ёкыш» роч кывкӧд либӧ Окунев морт овкӧд; мӧд кывйыс нос войвыв роч сёрнисикасъясын петкӧдлӧ «мыс, кокад, выступ». Окунев Нос — «юлӧн берегвыв петанін, кӧні олӧны ёкышъяс» либӧ «Окуневлӧн мыс»[2].
География
Сиктыс меститчӧма Коми Республикаса рытыв-войвылын, Печӧра юлӧн веськыд берегын, Чилимдін сиктсянь, районса административнӧй шӧринсянь, 89 гӧгӧр километр (веськыда) асыв-войвывлань. Саридз веркӧсвесьтса вылнаыс — 32 метра[3].
- Час кытш
Окунев нос, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Сиктыслы подувсӧ пуктісны 1890 воын Неридзысь воӧм 3 кресьтянин[5].
1920 во кежлӧ вӧлі Окуний Нос нима кык пӧчинок: медводдза Окуний Нос (Митропанъяс) да 2-ӧд Окуний Нос (Миронъяс). Кыкнан пӧчинокас вӧлі 23 овмӧс (14 роч да 9 коми) да оліс 102 морт (43 мужичӧй да 59 нывбаба). Административнӧя грездъясыс пырисны Печӧра уездса Бугаев вӧлӧсьтлӧн Бугаев обществоӧ[6].
1926 воын тані волі нин школа да вый вӧчан завод[5].
Эм легенда, мый ёкышпиян чужлӧмаӧсь буретш тані, а сэсся паськалӧмаӧсь Россия пасьтала.
Окунев Нос сикт — тайӧ Коми Республикаын дзик ӧти оланін, кӧні олӧны кӧр видзысь семьяяс да эм «кӧр видзысь» официальнӧй чин.
Олысь лыд
| Лыд | ||||||
|---|---|---|---|---|---|---|
| 1970 | 1979 | 1989 | 1992 | 2000 | 2007 | 2010 |
| 700 | 585 | 840 | 774 | 746 | 685 | 567 |
- Гендернӧй состав
2010 вося Ставроссияса перепись серти, сиктын унджыкыс вӧлі мужичӧй — 51,1 %, нывбабаяс — 48,9 %.
- Войтырсикасъяс
2002 вося Ставроссияса перепись серти, сиктын унджыкыс вӧлі роч — 73 %[9].
Инфраструктура
1999 во вылӧ сиктын вӧлі «Окуневскӧй» колхоз, госпромхоз участок, вый вӧчан завод, нянь пӧжаланін, вӧр овмӧс, чери овмӧс, кӧръясӧс начкан пункт, шӧр школа, челядьлы сад, культура керка, фельдшерско-акушерскӧй пункт, 2 вузасянін, пошта, радиоузел, метеостанция, аэропорт[10].
Сиктын уджалӧны шӧр школа[11], челядьлы сад, фельдшерско-акушерскӧй пункт (Чилимдінса ШРБ-лӧн тэчас юкӧдув), библиотека, культура керка, вузасянінъяс да пошта. Эм «Дружба» спорт клуб, кӧні 2023 воын сиктса ветеранъяс восьтісны аслыссикас санаторий[12].
Тӧдчана эмторъяс
• Айму вӧсна Ыджыд тышын усьӧмаяслы памятник;
• 2025 вося йирым тӧлысьын восьтісны кӧр видзысьяслӧн батальонъяслы памятник[13].
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Okunev Nos, Russia Page (англ.). Fallingrain Global Gazetteer. Шыӧдчан кадпас: 13 йирым тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 Жеребцов, 2001, с. 350.
- ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). — Архангельск, 1922. — Стр. 95
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
- ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 13 йирым тӧлысь 2025. Архивируйтӧма 27 рака тӧлысь 2020.
- ↑ Бурьян М. Окунев нос // Республика Коми. Энциклопедия. Том II. — Сыктывкар: Коми книжное издательство, 1999. — С. 365.
- ↑ МБОУ «Окуневская СОШ» (рус.). МБОУ «Окуневская СОШ». Шыӧдчан кадпас: 13 йирым тӧлысь 2025.
- ↑ Проект «Санаторий на дому» вс. Окунев Нос Усть-Цилемского района (рус.). Коми Республиканский Совет ветеранов (пенсионеров) войны, труда, вооруженных сил и правоохранительных органов. Шыӧдчан кадпас: 13 йирым тӧлысь 2025.
- ↑ В Коми открыли третий памятник оленно-транспортным батальонам (рус.). Комиинформ (6 йирым тӧлысь 2025). Шыӧдчан кадпас: 13 йирым тӧлысь 2025.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
.png)