Бугаев (Чилимдін район)
| Сикт | |
| Бугаев | |
|---|---|
 Бугаев сикт, 2010 во | |
| 65°59′31″ с. ш. 52°31′16″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Бугаев |
| Шӧрин вылна | 26 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169491 |
| ОКАТО код | 87252805001 |
| ОКТМО код | 87652405101 |
|
|
|
Бугаев (рочӧн Среднее Бугаево) — Коми Республикаын Чилимдін районысь Бугаев сикт овмӧдчӧминса шӧрсикт.
Ним артмӧм
Сиктыслӧн нимыс йитчӧма роч Бугаев овкӧд либӧ Бугай нимтысян кывкӧд. Рочнас Среднее Бугаево, кӧні среднее определениеыс стӧчмӧдӧ инсӧ: эм Вылыс Бугаев, вӧлӧма и Улыс Бугаев грезд, но сійӧс учёт вылысь киритӧмаӧсь 1974 вося ӧшым тӧлысь 20-ӧд лунӧ[2].
География
Бугаев меститчӧма Коми Республикалӧн рытыв-войвыв юкӧнын, Печӧра юлӧн шуйга берегын. Сиктсянь Чилимдін юрсиктӧдз 69 км. Саридз веркӧсвесьтса вылнаыс — 26 метра[3].
- Час кытш
Бугаев, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Татчӧс предание серти, сиктыслы подувсӧ вӧлі пуктӧма XIX нэм заводитчигӧн Гарев грездса олысьӧн[5]. 2025 вося моз тӧлысь 13-ӧд лунӧ пасйисны 225 вося юбилей[6].
1896 воын кыпӧдӧма пу вичко Петыркарысь 2-ӧд гильдияса купеч Фёдор Колчинлӧн сьӧм вылӧ[7].
1843 воын В.Н. Латкинлӧн дневникын пасйӧма Бугаев грезд, кӧні вӧлома 3 овмӧс. 1859 вося оланінъяс лыддьӧгын пасйӧма «деревня Бугаевская 1-я» (Вылыс Бугаев) да «деревня Бугаевская 2-я» (Бугаев). Бугаевын сэк вӧлӧма 8 овмӧс да олӧма 66 морт[5].
1918 воын Бугаев пасйӧма и кыдз Петрухины, сэні олӧма 478 морт 95 овмӧсын.
1920-ӧд воясӧ сиктын лоисны вежсьӧмъяс: заводитчис кулакалӧм, коллективизация. Ӧткымын озыра олысь пышйисны Яран кытшӧ. Унджык кресьтянаыс жӧ пырисны Поташов нима колхозӧ, мый вӧлі котыртӧма 1929 воын. Сійӧ войнаӧдз вӧлі республикаын медбур овмӧсъясысь ӧтиӧн. 1943 воын сійӧс нимтісны Кисляков нима колхозӧн. 1957 восянь колхозъясӧс ӧтувтӧм бӧрын Бугаевса сиктсӧветын вӧлі Орджоникидзе нима колхоз. Бӧрынджык видз-му овмӧс предприятие некымынысь вӧлі реорганизуйтӧма, а 2003 воын сійӧ дугдіс уджавны[8].
1930 воын тані вӧлӧма сиктсӧвет, школа, изба-читальня, небӧгаин, ФАП, пошта, вый вӧчан завод да вузасянін[9].
1937 воын восьтісны выль небӧгаин[10].
Сиктыс унаысь ойдлывліс тулысъяснас[11][12].
Олысь лыд
Сиктын олӧны роч йӧз.
| Лыд | ||||||||||
|---|---|---|---|---|---|---|---|---|---|---|
| 1859[13] | 1918[13] | 1926[13] | 1939[13] | 1970[13] | 1979[13] | 1989[13] | 2000[13] | 2007 | 2010 | 2021 |
| 66 | 478 | 449 | 447 | 480 | 460 | 416 | 396 | 327 | 287 | 193 |
Медводдза овъяс
• Бугаев.
Инфраструктура
2000 во кежлӧ вӧлі видз-му кооператив, нянь пӧжаланін, шӧр школа да интернат, челядьлы сад да ясли, культура керка, небӧгаин, ФАП, 2 вузасянін да пошта[14].
Нималана йӧз
• Кисляков Василий Павлович (1916 вося урасьӧм тӧлысь 20-ӧд лун, Бугаев сикт, Печӧра уезд — 1990 вося вӧльгым тӧлысь 29-ӧд лун, Москва) — капитан, Айму вӧсна Ыджыд тышын участвуйтысь, Комиысь Сӧветскӧй Союзса Герой (1941)[15][16].
• Чупрова Любовь Семёновна — велӧдысь, серпасасьысь[17].
Тӧдчана эмторъяс
• Айму вӧсна Ыджыд тышын усьӧмаяслы памятник;
• Сӧветскӧй Союзса Герой В. П. Кисляковлы памятник.
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Sredneye Bugayevo (англ.). GeoNames.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 Жеребцов, 2001, с. 444.
- ↑ http://mrust-cilma.ru/index.php/21957-selo-srednee-bugaevo-otmetilo-yubilej (рус.). Администрация МР «Усть-Цилемский» (20 моз тӧлысь 2025). Шыӧдчан кадпас: 7 йирым тӧлысь 2025.
- ↑ Средне-Бугаево. Церковь Илии Пророка (рус.). РусКонтур. Шыӧдчан кадпас: 7 йирым тӧлысь 2025.
- ↑ 225 лет – повод для гордости и встреч (рус.). Красная Печора. Шыӧдчан кадпас: 8 йирым тӧлысь 2025.
- ↑ Жеребцов, 2001, с. 445.
- ↑ Историческая справка Бугаевской библиотеки (рус.). Усть-Цилемская ЦБС (14 йирым тӧлысь 2021). Шыӧдчан кадпас: 7 йирым тӧлысь 2025.
- ↑ Главный метеоролог республики Олег Козел: «В течение суток вода в Усть-Цилемском районе начнет спадать» (рус.). БНКоми (22 ода-кора тӧлысь 2014). Шыӧдчан кадпас: 7 йирым тӧлысь 2025.
- ↑ Из Среднего Бугаево эвакуировали 23 человека (рус.). БНКоми (26 ода-кора тӧлысь 2015). Шыӧдчан кадпас: 7 йирым тӧлысь 2025.
- ↑ 1 2 3 4 5 6 7 8 Жеребцов, 2000, с. 351.
- ↑ Бурьян М. Среднее Бугаево // Республика Коми. Энциклопедия. Том III. — Сыктывкар: Коми книжное издательство, 2000. — С. 85.
- ↑ Книга памяти Республики Коми. Кисляков Василий Павлович (рус.). Книга памяти. Шыӧдчан кадпас: 7 йирым тӧлысь 2025.
- ↑ Александров А. Кисляков Василий Павлович // Республика Коми. Энциклопедия. Том II. — Сыктывкар: Коми книжное издательство, 1999. — С. 76.
- ↑ Вернисаж в музее! (рус.). Краеведеческий музей. Шыӧдчан кадпас: 7 йирым тӧлысь 2025.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
.png)