Карпушев (Чилимдін район)

Босьтӧма Рувикиысь
Грезд
Карпушев
Карпушевка.jpg
65°25′22″ с. ш. 52°14′57″ в. д.GЯO
Страна  Россия
РФ-са субъект Коми Республика
Муниципальнӧй район Чилимдін
Сикт овмӧдчӧмин Мӧскашор
История да география
Воддза нимъяс Карпушевская
Час кытш UTC+3:00
Йӧз
Олысь лыд 368[1] морт (2010)
Официал кыв коми, роч
Лыдпаса идентификаторъяс
Пошта индекс 169488
ОКАТО код 87252815003
ОКТМО код 87652415116
Карпушев (Чилимдін район) (Россия)
Точка
Карпушев
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтКарпушев (Чилимдін район) (Республика Коми)
Описание изображения
Точка
Точка
Карпушев

Карпушев (рочӧн Карпушевка) — Коми Республикаын Чилимдін районса Мӧскашор сикт овмӧдчӧминӧ пырысь грезд.

Ним артмӧм

Грездыслӧн нимыс артмӧма Карп ас нимысь (ичӧтмӧдан формаыс — Карпуша)[2].

География

Грездыс меститчӧма Коми Республикалӧн рытыв-войвыв юкӧнын, Печӧра юлӧн веськыд берегын, Мӧскашор сиктсянь 1 км ылнаын[3].

Час кытш

Карпушев, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].

История

Грездыс артмис XIX нэмын. Сылы подувсӧ пуктіс Карп Носов. 1859 воын грездын вӧліс 13 керка да оліс 116 морт[3].

1861 воын йӧзӧдӧм «Список населенных мест Российской империи» небӧгын оланінсӧ пасйӧма кыдзи Мезень уездса  (рус.) (коми Печӧра ю дорын Карпушевская грезд, сійӧ меститчӧма уездса Мезень  (рус.) (коми карсянь 697 верст сайын. Грездын вӧлӧма 15 керка и олӧма 116 морт (52 мужичӧй и 64 нывбаба)[5].

1920 во кежлӧ вӧлӧма 36 керка и олӧма 143 морт (57 мужичӧй и 86 нывбаба). Административнӧй боксянь грездыс пырӧма Печӧра уездын  (рус.) (коми Чилимдін вӧлӧсьтса Чилимдін обществоӧ[6].

1926 воын грездын вӧліс 41 керка да оліс 157 морт, 1970 воын — 475 морт, 1989 воын — 480 морт, 1995 воын — 541 морт, 1998 воын — 536 морт[7].

1931 вося арын Нарьян-Марысь вайӧдісны заключённӧйясӧс стрӧитны Карпушев лагпунктын воздушнӧй линиялысь шӧр база. 1932 воын Карпушевын вӧлі восьтӧма Ухтапечлаглысь  (рус.) (коми медводдза воздушнӧй линия, мыйсянь заводитчис войвывса воздушнӧй трассаяс восьталӧм. Лев Владимирович Ковалевский веськӧдлӧм улын Карпушев грездын заключённӧйяс (60-70 морт) стрӧитісны лётчикъяслы кык судта общежитие (мукӧдыслӧн вӧліны семьяяс да олісны торъя керкаясын); столӧвӧй, пывсян, техническӧй склад, ангаръяс; заключённӧйяслы 2 барак, управление здание, мӧс карта, конюшня, каптерка, пӧжарнӧй депо, кузнеча, бензин видзанін, воздухолинияса начальниклӧн керка. Авиабазалӧн мастерскӧйын спишитӧм самолётъясысь стрӧитлісны мотора пыжъяс — «глиссеръяс» да навигация кадӧ новлӧдлісны пассажиръясӧс, пошта, грузъяс ӧти лагпунктысь мӧдӧ Эжва, Печӧра, Изьва, Уква юяс кузя[8].

Карпушевын Ухтпечлагса база, 1934 во

1940-ӧд воясӧ грездын восьтісны районын дзик ӧти кирпич вӧчан завод. Тані вӧчӧм кирпичысь вӧчлісны пачьяс, ӧнӧдз на сулалӧны сійӧ кирпичысь тэчӧм пачьяс.

1950-ӧд воясӧ кылӧдчан участоклӧн вынъясӧн восьтісны лыддьысян керка, кыскис йӧзӧс культурнӧй олӧмӧ сэки Иван Иванович Носов. Сэсся финскӧй керкаясысь вӧлі оборудуйтӧма ПМК (профсоюзнӧй том йӧзлӧн клуб) улӧ барак, сійӧн веськӧдліс Виктор Михайлович Абоносимов. 1950-ӧд вояс помын вӧлі кыпӧдӧма выль Культура керка. 2021 воын Культура керкалы сетісны выль ним — Карпушев грездса социокультурнӧй шӧрин[9].

Йӧз

Олысь лыд
2002[10]2010[11]2020[12]
448↘368↘332
100
200
300
400
500
2002
2010
2020
Гендернӧй тэчас

2010 вося Ставроссияса перепись серти мужичӧйяслӧн лыдыс вӧлі 48,4 %, нывбабаяслӧн — 51,6 %.

Войтырсикасъяс

2002 вося Ставроссияса перепись серти унджыкыс вӧлі роч: 88 % 448 мортысь[13]

Медводдза овъяс

• Носов.

Нималана йӧз

• Торопов Владимир Иванович — Коми Республикаса нимӧдана уджалысь.

Инфраструктура

Грездын эм ФАП, культура керка, библиотека, интернат и куим вузасянін[14].

Тӧдчана инъяс

• Грездын сувтӧдӧма усьӧм самолётлӧн борд кодь памятник, кытчӧ гижӧма: «Тані куйлӧны войвывса сынӧд туйяс медводдзаысь восьтысь авиаторъяс, кодъяс пӧгибнитісны служба могъяс олӧмӧ пӧртігӧн: сынӧдса линияяс наладчик Л. В. Ковалевский, лётчик А. Плавинский, бортмеханик Ю. М. Котюков, накӧд тшӧтш пӧгибнитӧм пассажиръяс Эйсмонт да Огарков, авиаинженер Маркус П. В. XX нэм 80-ӧд воясся авиаторъяссянь».
• Айму вӧсна Ыджыд тышын усьӧмаяслы памятник.

Уличаяс

Грездын нёль улича да ӧти уличкост[15].

Пасйӧдъяс

  1. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
  2. ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
  3. ↑ 1 2 Жеребцов И. Карпушевка // Республика Коми. Энциклопедия. Том II. — Сыктывкар: Коми книжное издательство, 1999. — С. 65.
  4. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  5. ↑ Архангельская губерния. Список населенных мест по сведениям 1859 года. Шыӧдчан кадпас: 5 вӧльгым тӧлысь 2025. Архивируйтӧма 8 сора тӧлысь 2019.
  6. ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). — Архангельск, 1922. — Стр. 100
  7. ↑ Жеребцов, 2001, с. 183.
  8. ↑ Заполярные воздухолинии ГУЛАГа (рус.). livejournal (6 рака тӧлысь 2021). Шыӧдчан кадпас: 5 вӧльгым тӧлысь 2025.
  9. ↑ Карпушевский сельский Дом культуры (рус.). Районный центр культуры, досуга и кино. Шыӧдчан кадпас: 5 вӧльгым тӧлысь 2025.
  10. ↑ http://www.perepis2002.ru/content.html?id=11&docid=10715289081460.
  11. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  12. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  13. ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 5 вӧльгым тӧлысь 2025. Архивируйтӧма 27 рака тӧлысь 2020.
  14. ↑ Генеральный план Муниципального образования сельского поселения «Коровий Ручей». Официальный сайт Администрации сельского поселения «Коровий Ручей». Шыӧдчан кадпас: 5 вӧльгым тӧлысь 2025.
  15. ↑ Регионы России → Коми респ. → Усть-Цилемский р-н → Карпушевка д. Шыӧдчан кадпас: 5 вӧльгым тӧлысь 2025. Архивируйтӧма 25 рака тӧлысь 2015.

Литература

  • Жеребцов И. Л. Населённые пункты Республики Коми: историко-демографический сборник. — Москва: Наука, 2001.
  • Жеребцов И. Л. Где ты живешь. Историко-демографический справочник. — Сыктывкар, 2000.
  • История Коми с древнейших времен до конца XX века: В 2-х томах. — Сыктывкар, 2004.
  • Республика Коми: Энциклопедия: в 3 томах. — Сыктывкар, 1997—2000.
Босьтӧма "https://kv.ruwiki.ru/w/index.php?title=Карпушев_(Чилимдін_район)&oldid=482629"-ысь