Замежнӧй (Чилимдін район)
| Сикт | |
| Замежнӧй | |
|---|---|
| Замежнӧй | |
 | |
| 65°02′36″ с. ш. 51°58′27″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Чилимдін |
| Сикт овмӧдчӧмин | Замежнӧй |
| История да география | |
| Лӧсьӧдӧма | 1858 |
| Воддза нимъяс | Замежье, Замежное |
| Шӧрин вылна | 59 м |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169483 |
| ОКАТО код | 87252835001 |
| ОКТМО код | 87652435101 |
|
|
|
Замежнӧй (рочӧн Замежная) — Коми Республикаын Чилимдін районысь Замежнӧй сикт овмӧдчӧминса шӧрсикт.
Ним артмӧм
Сиктыслӧн нимыс артмӧма мег коми апеллятивысь «кӧдж, чукыль». Гибриднӧй роч-коми Замежная «кӧдж сайын, кӧджъяса». Кыпӧдчыны кӧ Пижма ю катыд Чилимдінсянь Замежнӧйӧдз, туяс паныдасясны зэв уна крут кӧдж. Ойконимыс артмӧма -ная суффикс да за- префикс отсӧгӧн[2].
География
Замежнӧй пукалӧ Пижма ю бокын. Сиктсянь Чилимдін юрсиктӧдз 60 км.
- Час кытш
Замежнӧй, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[3].
История
Замежнӧйлы подувсӧ вӧлі пуктӧма 1858 воын[4]. Медводдза олысьясӧн вӧліны Загривочнӧй грездысь йӧз[5].
1856 воын вӧлі стрӧитӧма вичко[5].
1861 вося «Список населённых мест Российской империи» небӧгын пасйӧма кыдзи Мезень уездса Пижма ю дорын Замежье грезд (2-ӧд стан), уездса Мезень карсянь 741 верст сайын. Грездын вӧлі 22 овмӧс да оліс 151 морт (61 мужичӧй да 90 ань)[6].
1914 воын Замежнӧй сиктын восьтӧма кык класса училище, а 1920 воын сійӧс нимтӧмаӧсь Замежнӧйса земскӧй начальнӧй училищеӧн.
1918 воын тані вӧлі вичко, школа, вӧлӧсьтса управа, 76 овмӧс да оліс 340 морт[5].
1920 во кежлӧ Замежнӧйын вӧлӧма 74 овмӧс да олӧма 312 морт (158 мужичӧй да 154 ань). Административнӧй боксянь сиктыс вӧлі Печӧра уездын Пижма вӧлӧсьтса Замежнӧйса обществолӧн шӧринӧн[7].
1925 воын стрӧитӧма вый вӧчан завод[4].
1927 воын лоис радио.
1929 воын котыртӧма С. Н. Калмыков нима колхоз[4].
1936 вося моз тӧлысь 28-од лунӧ Замежнӧй сиктын воссис связь юкӧн[4].
1937 воын Замежнӧй сиктын восьтісны библиотека да ветеринарнӧй пункт[4].
1940 воын Замежнӧй сиктын стрӧитӧма сизим вося школа; 1961 воын — кӧкъямыс вося школаӧ.
1943 воын воссис челядьлы сад.
1958 воын Замежнӧй сиктын стрӧитӧма больнича[4].
1965 воын Замежнӧй сиктын стрӧитӧма сиктса клуб, вузасянін, столӧвӧй, вурсян мастерскӧй, заптысян пункт[4].
1990 воын воссис Пижмаса историко-этнографическӧй музей.
2002 воын Замежнӧй сиктын кыпӧдӧма юрбитан керка[4].
2012 воын Замежнӧй сиктын кыпӧдісны выль школа.
Олысь лыд
| Вояс да олысь лыд | |||||||||
|---|---|---|---|---|---|---|---|---|---|
| 1918 | 1926 | 1939 | 1959 | 1970 | 1989 | 1992 | 2000 | 2007 | 2010 |
| 340 | 408 | 384 | 574 | 748 | 824 | 877 | 840 | 747 | 674 |
Инфраструктура
Сиктын эм шӧр школа, челядьлы сад[8], ФАП, культура керка, небӧгаин[4] да пошта.
Нималана йӧз
- Чупров Кирилл Матвеевич (1913—2002) — Комиысь Слава ордена тыр кавалер (1943, 1945, 1946), Коми АССР-са культураын нимӧдана уджалысь.
Тӧдчана эмторъяс
- Старообрядческӧй юрбитан керка.
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 5 6 7 8 9 История. Официальный сайт Администрации сельского поселения «Замежная». Шыӧдчан кадпас: 8 йирым тӧлысь 2025.
- ↑ 1 2 3 Жеребцов, 2001, с. 151.
- ↑ Архангельская губерния. Список населенных мест по сведениям 1859 года. Шыӧдчан кадпас: 8 йирым тӧлысь 2025. Архивируйтӧма 8 сора тӧлысь 2019.
- ↑ Список населенных мест Архангельской губернии На 1-е мая 1922 г. : С прил. списков населенных мест Мурман. губ., Кем. уезд. Карел. труд. коммуны и Печер. уезда Обл. Коми (Зырян.). Архангельск. 1922 стр. 96
- ↑ Сайты образовательных учреждений. Официальный сайт Управления образования администрации муниципального образования муниципального района «Усть-Цилемский». Шыӧдчан кадпас: 8 йирым тӧлысь 2025. Архивируйтӧма 22 йирым тӧлысь 2017.
Литература
- Жеребцов И. Л. Населённые пункты Республики Коми: историко-демографический сборник. — Москва: Наука, 2001.
- Жеребцов И. Л. Где ты живешь. Историко-демографический справочник. — Сыктывкар, 2000.
- История Коми с древнейших времен до конца XX века: В 2-х томах. — Сыктывкар, 2004.
- Республика Коми: Энциклопедия: в 3 томах. — Сыктывкар, 1997—2000.
- Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
.png)