Зеленоборск (Печӧра район)

Зеленоборск
	Посёлок
Зеленоборск
	64°28′48″ с. ш. 55°17′42″ в. д.GЯO
Страна	Россия
РФ-са субъект	Коми Республика
Муниципальнӧй район	Печӧра
Сикт овмӧдчӧмин	Кӧджарӧм
История да география
Лӧсьӧдӧма	1944
Воддза нимъяс	1959 во — Глушь;
Час кытш	UTC+3:00
Йӧз
Олысь лыд	▼259 морт (2020);
Войтырсикасъяс	коми, украинечьяс, рочьяс
Официал кыв	коми, роч
Лыдпаса идентификаторъяс
Пошта индекс	169650
ОКАТО код	87420807005
ОКТМО код	87620407106
Петкӧдлыны/сайӧдны картаяс
	Зеленоборск Москва Зеленоборск

Зеленоборск — Коми Республикаса Печӧра районын посёлок. Пырӧ Кӧджарӧм сикт овмӧдчӧминӧ.

Ним артмӧм

Медводдза нимыс вӧлі Глушь, сы вӧсна мый орччӧн эз вӧв ни шор, ни ю — йӧзтӧмин. Вӧлі сӧмын вӧр и вӧръясын став сикас пӧтка-вӧрпа^[2]. 1950-ӧд воясын вӧлі сетӧма выль ним — Зеленоборск. Сійӧ индӧ сы вылӧ, мый оланінсӧ кытшалӧ веж вӧр^[3].

История

Посёлокыс вӧлі артмӧдӧма 1944 воын кыдз вӧр лэдзысьяслысь посёлок^[4]. 1940-ӧд вояс заводитчигӧн Войвыв-Печӧра кӧрт туй стрӧитігӧн вӧлі лӧсьӧдӧма медводдза полустанокъяс: Глушь, Рыбница, Талӧй, Кӧджарӧм, Каменка…

Первойсӧ тані вӧліны лагеръяс, кӧні видзисны заключённӧйясӧс, кодъяс стрӧитісны кӧрт туй. Сэсся татчӧ кутісны вайӧдлыны сідз шусяна «неблагонадежнӧй йӧзӧс», кодъяс война дырйи вӧліны оккупацияын либӧ мӧд помкаяс серти^[2].

Медводдза керкаяссӧ-мазанкаяссӧ вӧлі кыпӧдӧма 1944 воын станция дорын. 1946—1947 воясӧ стрӧитчӧмыс заводитчис станциясянь пӧшти кык километр сайын. Вӧлі стрӧитӧма олан баракъяс, школа, вузасянін, конюшня. Медшӧр транспортӧн вӧліны вӧвъяс, сёрӧнджык лоины пес вылын уджалысь газогенераторнӧй машинаяс^[2].

1947 воын посёлокын лоис медпункт, кӧні медводдза уджалысьӧн вӧлі Мария Андреевна Попова. Вӧлі восьтӧма вузасянін.

1948 воын посёлокын воссис вӧр заптан мастерскӧй участок. Став заптӧм вӧрсӧ нуисны Интаӧ, Вӧркутаӧ, Печӧраӧ.

1953 воын заводитіс уджавны начальнӧй школа, медводдза велӧдысьнас лои П. А. Чупрова. Воссис и детсад, веськӧдлысьыс — З. К. Гиллер^[2].

1954-1956 воясӧ посёлок ӧдйӧ сӧвмис. Сэки стрӧитісны олан керкаяс. 1955 воын воссис пошта, радиоузел (начальник — Г. М. Радзиевский). 1956 воын воссис выль клуб, вӧлі кыпӧдӧма детсадлы, больничалы, пекарнялы выль стрӧйбаяс^[2].

1957 воын мастерскӧй участоксӧ вӧчисны Глушьса лесопунктӧн, а сэсся и леспромхозӧн.

1959 вося лӧддза-номъя тӧлысьын Глушь посёлоклы сетісны Зеленоборск ним^[5]. Ним вежӧм кузя водзмӧстчис Айму вӧсна Ыджыд тышса ветеран Григорий Савельевич Осташев (1922—1996)^[2].

1980-ӧд вояс заводитчигӧн бара кутісны стрӧитны. Вӧлі стрӧитӧма детсад, джынвыйӧ бурмӧдӧм керкаяс (пӧсь ватӧг), олан коттеджъяс^[2].

2012 восянь пырӧ Кӧджарӧм сикт овмӧдчӧминӧ.

Инфраструктура

Посёлокын уджалӧны Коми Республикаса гырысь предприятиеяс: «Транснефть-север» АК да «Печоранефтегаз» АК ЦДНГ-1 база.

Посёлокын эм фельдшер-акушер пункт, аптека, 3 вузасянін, пошта, начальнӧй школа, детсад, библиотека, клуб, лесничество, «Зеленоборск» кӧрт туй станция, ПЧ-33, котельнӧй.

Транспорт

Посёлокын эм кӧрт туй станция, кыті мунӧны Печӧра-Сыктывкар да карбердса Ираёль-Печӧра поездъяс.

Посёлок пыр мунӧ «Уква-Печӧра-Усинск» автомашина туй.

Эм вертолёт площадка.

Йӧз

Олысь лыд
1989^[6]	2002^[7]	2010^[8]	2020^[9]
1076	↘671	↘433	↘259

250

500

750

1000

1250

1500

1989

2002

2010

2020

Нималана йӧз

• Сенчуров Михаил Ильич (1951) — Россияса нимӧдана артист(1993), Россияса искусствоясын нимӧдана уджалысь (2005)^[10];
• Осташев Григорий Савельевич (1922—1996) — Айму вӧсна Ыджыд тышса ветеран^[10];
• Дружинин Станислав Юрьевич (1971) — поэт, 2013 вося «Наследие» литературнӧй премиялӧн финалист да дипломант^[10].

Пасйӧдъяс

↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
↑ ¹ ² ³ ⁴ ⁵ ⁶ ⁷ О посёлке Зеленоборск Печорского района (неопр.). Шыӧдчан кадпас: 5 ода-кора тӧлысь 2025.
↑ Туркин А.И. Топонимический словарь Коми АССР. Сыктывкар: Коми книжное издательство, 1986. (неопр.) Шыӧдчан кадпас: 5 ода-кора тӧлысь 2025.
↑ Азаров А. Зеленоборск // Республика Коми. Энциклопедия. Том I. — Сыктывкар: Коми книжное издательство, 1997. — С. 457.
↑ Ведомости Верховного Совета РСФСР № 22 1959
↑ http://www.agiks.ru/data/sprav/sprav2006.pdf (неопр.).
↑ http://www.perepis2002.ru/content.html?id=11&docid=10715289081460 (неопр.).
↑ https://rosstat.gov.ru/free_doc/new_site/perepis2010/croc/perepis_itogi1612.htm (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).
↑ ¹ ² ³ Курзенёв Д.Д. Моя малая Родина — Зеленоборск (неопр.). Шыӧдчан кадпас: 5 ода-кора тӧлысь 2025.

[_bb269f5efc12a657-1] ttps://rosstat.gov.ru/vpn/2020/Tom1_Chislennost_i_razmeshchenie_naseleniya

[:1-2] ¹ ² ³ ⁴ ⁵ ⁶ ⁷ О посёлке Зеленоборск Печорского района (неопр.). Шыӧдчан кадпас: 5 ода-кора тӧлысь 2025.

[3] Туркин А.И. Топонимический словарь Коми АССР. Сыктывкар: Коми книжное издательство, 1986. (неопр.) Шыӧдчан кадпас: 5 ода-кора тӧлысь 2025.

[4] Азаров А. Зеленоборск // Республика Коми. Энциклопедия. Том I. — Сыктывкар: Коми книжное издательство, 1997. — С. 457.

[5] Ведомости Верховного Совета РСФСР № 22 1959

[6] ttp://www.agiks.ru/data/sprav/sprav2006.pdf (неопр.).

[7] ttp://www.perepis2002.ru/content.html?id=11&docid=10715289081460 (неопр.).

[8] ttps://rosstat.gov.ru/free_doc/new_site/perepis2010/croc/perepis_itogi1612.htm (неопр.).

[9] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[:2-10] ¹ ² ³ Курзенёв Д.Д. Моя малая Родина — Зеленоборск (неопр.). Шыӧдчан кадпас: 5 ода-кора тӧлысь 2025.

[1]

[2]

[3]

[4]

[5]

[6]

[7]

[8]

[9]

[10]