Родионов (Печӧра район)
| Грезд | |
| Родионов | |
|---|---|
 | |
| 65°29′33″ с. ш. 57°03′31″ в. д.GЯO | |
| Страна |
 Россия |
| РФ-са субъект | Республика Коми |
| Муниципальнӧй район | Печӧра район |
| Кар овмӧдчӧмин | Кӧжва (кар овмӧдчӧмин) |
| Лӧсьӧдӧма | 1898 |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169633 |
|
|
|
Родионов (рочӧн Родионово) — Коми Республикаса Печӧра районын грезд. Пырӧ Кӧжва кар овмӧдчӧминӧ.
Ним артмӧм
Грездыслӧн нимыс артмӧма медводдза олысь Родион Пастуховлӧн Родион ним серти (дженьыд формаыс Рӧдь). Нӧшта ӧти вӧвлӧм ним — Самоедский Ручей. Тадзи грездсӧ вӧлі нимтӧма шор серти, кытчӧ сувтлывлісны яран-кӧр видзысьяс кочуйтігӧн[2].
География
Грездыс сулалӧ Печӧра карсянь 29 км ылнаын, Печӧра юлӧн шуйга берег пӧлӧн.
- Ывласям
Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Атлантическӧй циклонъяс мунӧмкӧд йитчӧм саридзса шоныд сынӧд петкӧдӧм да Войвыв океансянь арктическӧй сынӧдлӧн тшӧкыда пырӧм вӧсна поводдяыс во гӧгӧр чӧж ёна вежласьӧ.
Медся кӧдзыд тӧвшӧр тӧлысся шӧр температура — −19°С.
Медся шоныд сора тӧлысся шӧр температура — +16°С[3].
- Час кытш
Родионов, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Грездлы подувсӧ пуктӧма 1898 вын Соколов грездса кресьтянин Родион Пастухов. 1904 воын пасйӧма кыдз Самоедский Ручей (Родионово) пӧчинок. 1905 воын вӧлӧма 1 овмӧс, 14 олысь; 1920 воын — 9 овмӧс, 45 олысь; 1926 воын — 11 керка, 70 олысь. 1930-50 воясӧ сиктын вӧлӧма «Путь к коммунизму» колхоз. 1939 восянь 1951 воӧдз уджалӧма начальнӧй школа. 1958 восянь 1962 воӧдз уджаліс медпункт. 1970 во кежлӧ олысьыс чиніс 29 мортӧдз, 1979 во кежлӧ — 14 мортӧдз, но локтан дас вонас содіс воӧм йӧз (рочьяс да тотара) тшӧт весьтӧ. 1989 воын тані оліс 106 морт (93 мужичӧй, 13 нывбаба), на пиысь 52 % — рочьяс, 30 % — тотара[5]. Ӧні грездын кыпӧдӧны дачаяс[6].
Йӧз
| 2010[7] |
|---|
| 1 |
2020 вояссянь тӧвнас грездын некод оз ов.
Тӧдчана инъяс
Грездсянь неылын эм «Родионовскӧй» гидрология (нюр) заказник[8].
Пасйӧдъяс
- ↑ https://web.archive.org/web/20160304030748/http://komi.gks.ru/wps/wcm/connect/rosstat_ts/komi/resources/2d66df004e30e856b59eff3bf8d20d64/2.3.+Численность+населения+городских+округов,+муниципальных+районов,+поселений+и+населенных+пунктов.doc
- ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Коми кывтӧдӧм. Шыӧдчан кадпас: 17 лӧддза-номъя тӧлысь 2025.
- ↑ Генеральный план муниципального образования городское поселение «Кожва» муниципального района «Печора» Республики Коми. Том 2. // Федеральная государственная информационная система территориального планирования. — 2013.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ Жеребцов И. Родионово // Республика Коми. Энциклопедия. Том II. — Сыктывкар: Коми книжное издательство, 1999. — С. 554.
- ↑ Календарь знаменательных и памятных дат муниципального образования муниципального района «Печора» на 2013 год // Печорская МЦБС. — 2012. Архивировано 16 тӧвшӧр тӧлысь 2021 года.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ Гидрологический (болотный)заказник «Родионовское». Шыӧдчан кадпас: 18 лӧддза-номъя тӧлысь 2025.
| Печӧра муниципальнӧй районса оланінъяс | |||
|---|---|---|---|
.gif) | .svg) | ||
