Кӧжва (Печӧра район)

Босьтӧма Рувикиысь
Тайӧ терминыслӧн эмӧсь мӧд вежӧртасъяс, видзӧд Кӧжва.
Кар кодь посёлок
Кӧжва
Кожва.jpg
65°06′34″ с. ш. 57°03′34″ в. д.GЯO
Страна  Россия
РФ-са субъект Коми Республика
Муниципальнӧй район Печӧра
Кар овмӧдчӧмин Кӧжва
Пытшкӧсса юклӧм 14 улича
История да география
Воддза нимъяс Саратовка
Кар кодь посёлок  1952
Час кытш UTC+3:00
Йӧз
Олысь лыд
Официал кыв коми, роч
Лыдпаса идентификаторъяс
Телефон код +7 82142
Пошта индекс 169663
ОКАТО код 87420559
ОКТМО код 87620103051
Кӧжва на карте
Кӧжва
Кӧжва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтКӧжва на карте
Описание изображения
Кӧжва
Кӧжва

Кӧжва (рочӧн Кожва) — Коми Республикаса Печӧра районын кар кодь посёлок. Кӧжва кар овмӧдчӧминлӧн шӧрин.

Ним артмӧм

Посёлоклӧн нимыс артмӧма Кӧжва ю нимсянь. Кӧжва гидронимыс артмӧма 2 коми кывйысь: кӧж (уд. кӧж, печ. кӧжа «гравий, лыа сора посни изъяс») да ва — «галяизъя ю», «изъя ю»[2].

География

Посёлокыс меститчӧма Печӧра юлӧн шуйга берегын. Кӧжвасянь Печӧра карӧдз 15 км, Сыктывкарӧдз — 586 км. Неылын эм Кожва-1 кӧрт туй станция да вӧр бӧръян и нуан база.

Ывласям

Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Атлантическӧй циклонъяс мунӧмкӧд йитчӧм саридзса шоныд сынӧд петкӧдӧм да Войвыв океансянь арктическӧй сынӧдлӧн тшӧкыда пырӧм вӧсна поводдяыс во гӧгӧр чӧж ёна вежласьӧ.

Вогӧгӧрся шӧр температураыс −2, 5°С.

Медся кӧдзыд тӧвшӧр тӧлысся шӧр температура — −19, 3°С.

Медся шоныд сора тӧлысся шӧр температура — +15,4°С[3].

Час кытш

Кӧжва, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].

История

Оланінлӧн артман кад серти эм некымын видзӧдлас. Ӧтияс чайтӧны, мый артмӧма 1930 вояс помын Войвыв Печӧра кӧрт туй магистраль стрӧитігӧн кыдзи кӧрт туй станция да кыдзи СССР-са НКВД-ПДМ-лӧн «Печоржелдорстройса» вӧр бӧръян и нуан Кӧжваса база[3], 1940 воын ӧнія Кӧжва посёлок местаын стрӧитісны медводдза керкаяс, кӧні олісны заключённӧйяс (1941 воын нин вӧлі 2000-ысь унджык морт)[5]. Мӧд ӧшмӧсъясын индӧма, мый артмӧма 1943 воын [6].

1940 вося ӧшым тӧлысь 29-ӧд лунӧ Кӧжва кӧрт туй станцияӧ воис Котласысь медводдза поезд[5].

1952 воын кык посёлок Воркутдорстрой да Левый берег (Заготзерно) кутісны шусьыны Кӧжва посёлокӧн. И сэк жӧ сетісны сылы уджалысьяслӧн посёлок статус — 1952 вося йирым тӧлысь 9-ӧд лунсянь[6][3].

Медводзсӧ посёлокыс сӧвмис кыдзи кӧрт туй станция. Водзӧ вылӧ овмӧслӧн тэчасыс лои сьӧкыдджык. Посёлокса медшӧр промышленнӧй предприятие — «Печорлеспром» ВАК-лӧн Печӧраса база, коді специализируйтчӧма вӧр лэдзӧм, вӧр петкӧдӧм, делӧвӧй вӧр, рудничнӧй стойка, паськыд кӧлесаа кӧрт туйлы пу шпалаяс, технологическӧй чаг да пиломатериалъяс вӧчӧм серти[3].

Уджалӧны «Парма-контакт» ичӧт кывкутана котыр (вӧр переработайтӧм, столярнӧй цех), нянь вӧчан завод, Печӧраса лесничестволӧн участок. Посёлокын уджалӧны пошта, гостиница, больнича, поликлиника, аптека, «Пӧрысьяслы да вермытӧмъяслы Печораса керка-интернат» КР КСУ юкӧн, кафе, вузасянінъяс. Эмӧсь культура керка, небӧгаин, шӧр школа, челядьлы интернат, ДЮСШ, челядьлы школаӧдзса учреждение[3].

Йӧз

Олысь лыд
1959[7]1970[8]1979[9]1989[10]2002[11]2009[12]2010[13]
5728↗6394↗6640↘5818↘3549↘3156↘3047
2012[14]2013[15]2014[16]2015[17]2016[18]2017[19]2018[20]
↘3008↘2918↘2846↘2776↘2699↘2606↘2549
2019[21]2020[22]2021[23]
↘2403↘2315↘1805

Инфраструктура

Талун посёлокын меститчӧны татшӧм учреждениеяс: Кӧжва кар овмӧдчӧминлӧн администрация, Сбербанклӧн юкӧн, «Менам документъяс» офис, поликлиника, аптека, полициялӧн юкӧн, пошта, пӧжарнӧй часть, Печӧраса лесничестволӧн участок, «Печорский ДИПИ» КР КСУ-лӧн юкӧн, шӧр школа да интернат, спорт школа, Культура керка, челядьӧс видзанін, небӧгаин[24].

Уджалӧны предприятиеяс: электросетьяс, «Район» ичӧт кывкутана котырлӧн участок, «Гелиос» ичӧт кывкутана котыр, «Коми тепловая компания» акционер котырлӧн Печораса филиал, «ПХМК» акционер котырлӧн Кӧжваса нянь вӧчан завод, «Интер» ичӧт кывкутана котыр («Головин» ИП, дзоньталӧ автомашинаяс), «Новак» ИП (пиломатериалъяс вӧчӧм), «Парма-Контакт» ИКК («Тагиров» ИП, вӧр переработайтӧм, столярнӧй цех)[24].

Нималана йӧз

Щипачкин Александр Иванович (1924—1995) — Комиысь Слава ордена тыр кавалер (1944, 1944, 1946).

Тӧдчана эмторъяс

• Кӧжва посёлокын война да мирнӧй воясӧ йӧз олӧмын трагическӧй лоӧмторъяс йылысь паметь пас. Сувтӧдӧма 1991 вося лӧддза-номъя тӧлысь 22-ӧд лунӧ важ шойна вылӧ, кытчӧ дзебӧмаӧсь репрессия воясӧ пӧгибнитӧм йӧзӧс. Паметник эскизлӧн авторыс — Николай Феодосьевич Шарыпов.
• «ГУЛАГ лагеръясын 1930-1940 воясӧ пӧгибнитӧмаяслӧн паметьлы» гижӧда казьтылан крест. Сувтӧдӧма 2004 вося сора тӧлысь 4-ӧд лунӧ ГУЛАГ-ын пукалысьясӧс унаӧн гуалӧминӧ. Водзмӧстчысьыс — Агриппина Ивановна Луканюк.
• Воин-освободительлы паметник. Лӧсьӧдӧма сійӧс ХХ нэмся 80-ӧд воясӧ. 1974 воӧдз памятникыс сулаліс Печӧра карын Победа изэрд вылын. Скульпторыс — Б. И. Дюпеев. Паметниккӧд орччӧн сувтӧдӧма кӧжвасаяслӧн — Айму вӧсна Ыджыд тышын участвуйтысьяслӧн нимъяса мемориальнӧй пӧвъяс.

  • Война да мирнӧй воясӧ йӧз олӧмын трагическӧй лоӧмторъяс йылысь паметь пас

    Война да мирнӧй воясӧ йӧз олӧмын трагическӧй лоӧмторъяс йылысь паметь пас

  • Воин-освободительлы паметник

    Воин-освободительлы паметник

Пасйӧдъяс

  1. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
  2. ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Коми кывтодӧм. Шыӧдчан кадпас: 19 ода-кора тӧлысь 2025.
  3. ↑ 1 2 3 4 5 Обедков А.П. Населённые пункты Республики Коми: комплексная характеристика и типология. — Сыктывкар: ФИЦ Коми НЦ УрО РАН, 2025. — 180 с. — ISBN 978-5-89606-677-4.
  4. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  5. ↑ 1 2 Летопись поселка Кожва: 1795-2012 / МБУ «Печорская МЦБС», Центральная районная библиотека, библиотека-филиал № 4 п. Кожва. – Печора: [б.и.], 2012. – 27 с. Печорская ЦБС. Шыӧдчан кадпас: 19 ода-кора тӧлысь 2025.
  6. ↑ 1 2 Азаров О. Кожва // Республика Коми. Энциклопедия. Том II. — Сыктывкар: Коми книжное издательство, 1999. — С. 95.
  7. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу (рус.). Демоскоп Weekly. Шыӧдчан кадпас: 25 кӧч тӧлысь 2013. Архивируйтӧма 28 ода-кора тӧлысь 2013.
  8. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу. (рус.). Демоскоп Weekly. Шыӧдчан кадпас: 25 кӧч тӧлысь 2013. Архивируйтӧма 29 кӧч тӧлысь 2013.
  9. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу. (рус.). Демоскоп Weekly. Шыӧдчан кадпас: 25 кӧч тӧлысь 2013. Архивируйтӧма 7 вӧльгым тӧлысь 2021.
  10. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу (рус.). Архивируйтӧма 26 кӧч тӧлысь 2011.
  11. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более (рус.). Архивируйтӧма 3 урасьӧм тӧлысь 2012.
  12. ↑ Численность постоянного населения Российской Федерации по городам, посёлкам городского типа и районам на 1 января 2009 года (рус.). Шыӧдчан кадпас: 2 тӧвшӧр тӧлысь 2014. Архивируйтӧма 18 ода-кора тӧлысь 2015.
  13. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
  14. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года (рус.). Шыӧдчан кадпас: 31 ода-кора тӧлысь 2014. Архивируйтӧма 16 ода-кора тӧлысь 2013.
  15. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) (рус.). Шыӧдчан кадпас: 16 вӧльгым тӧлысь 2013. Архивируйтӧма 12 йирым тӧлысь 2013.
  16. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года (рус.). Шыӧдчан кадпас: 22 рака тӧлысь 2014. Архивируйтӧма 18 тӧвшӧр тӧлысь 2015.
  17. ↑ Численность населения Российской Федерации по муниципальным образованиям на 1 января 2015 года (рус.). Шыӧдчан кадпас: 6 моз тӧлысь 2015. Архивируйтӧма 23 кӧч тӧлысь 2015.
  18. ↑ Численность населения Российской Федерации по муниципальным образованиям на 1 января 2016 года (рус.) (5 йирым тӧлысь 2018). Шыӧдчан кадпас: 26 кӧч тӧлысь 2025. Архивируйтӧма 8 ода-кора тӧлысь 2021.
  19. ↑ Численность населения Российской Федерации по муниципальным образованиям на 1 января 2017 года (рус.) (31 сора тӧлысь 2017). Шыӧдчан кадпас: 26 кӧч тӧлысь 2025. Архивируйтӧма 31 сора тӧлысь 2017.
  20. ↑ Численность населения Российской Федерации по муниципальным образованиям на 1 января 2018 года (рус.). Шыӧдчан кадпас: 26 кӧч тӧлысь 2025. Архивируйтӧма 26 сора тӧлысь 2018.
  21. ↑ Численность населения Российской Федерации по муниципальным образованиям на 1 января 2019 года (рус.). Шыӧдчан кадпас: 26 кӧч тӧлысь 2025. Архивируйтӧма 2 ода-кора тӧлысь 2021.
  22. ↑ Численность населения Российской Федерации по муниципальным образованиям на 1 января 2020 года (рус.). Шыӧдчан кадпас: 26 кӧч тӧлысь 2025. Архивируйтӧма 17 йирым тӧлысь 2020.
  23. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более. Итоги Всероссийской переписи населения 2020 года. На 1 октября 2021 года. Том 1. Численность и размещения населения (рус.) (XLSX). Шыӧдчан кадпас: 26 кӧч тӧлысь 2025. Архивируйтӧма 1 кӧч тӧлысь 2022.
  24. ↑ 1 2 Наш посёлок. Печорская ЦБС. Шыӧдчан кадпас: 19 ода-кора тӧлысь 2025.

Ӧшмӧсъяс

  • Кожва (Процветающий Мегаполис) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
Босьтӧма "https://kv.ruwiki.ru/w/index.php?title=Кӧжва_(Печӧра_район)&oldid=471449"-ысь