Кедрӧвӧй Шор (Печӧра район)

Кедрӧвӧй Шор
	Посёлок
Кедрӧвӧй Шор
	64°53′12″ с. ш. 57°37′05″ в. д.GЯO
Страна	Россия
РФ-са субъект	Коми Республика
Муниципальнӧй район	Печӧра
Сикт овмӧдчӧмин	Озёрнӧй
Час кытш	UTC+3:00
Йӧз
Олысь лыд	▼119 морт (2020);
Официал кыв	коми, роч
Лыдпаса идентификаторъяс
Пошта индекс	169622
ОКАТО код	87420823002
ОКТМО код	87620423106
Петкӧдлыны/сайӧдны картаяс
	Кедрӧвӧй Шор Кедрӧвӧй Шор

Кедрӧвӧй Шор (рочӧн Кедро́вый Шор) — Коми Республикаса Печӧра районын посёлок. Пырӧ Озёрнӧй сикт овмӧдчӧминӧ.

Этимология

Посёлокыслӧн нимыс артмӧма Кедрӧвӧй шор гидронимысь, кӧні кедровый кывбердыс босьтӧма роч кывйысь, а шор — коми кывйысь^[2].

География

Посёлокыс сулалӧ Печӧра юлӧн шуйгаладорын, сылӧн катыдланьыс Печӧра карсянь 52 км ылнаын^[3].

Ывласям

Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьлӧн (сора тӧлысь) шӧркодь температураыс — +16 °C; медся кӧдзыд тӧлысьлӧн (тӧвшӧр тӧлысь) — −19,5 °C^[4].

Час кытш

Кедровӧй Шор, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[5].

История

Котыртӧма 1930 воын, кыдзи ыстӧм спецпоселенечьяслы (кулакъяслы) спецпосёлок да видз-му овмӧс лагер^[3]. Сійӧ юксис куим лагпункт вылӧ: «Кедрӧвӧй Шор», «Заозернӧй» да «Развилки». Став лагпунктъясас вӧлі сюрс заключённӧй^[6].

Вӧлі стрӧитӧма комендатуралысь зданиеяс, аэродромлысь теле- да радиостанцияяс, олан баракъяс, кухня, пывсян, общежитие, песласянін да складъяс^[6].

1946 воын «Кедрӧвӧй Шор» волі официальнӧя пасйӧма яй да йӧв совхозӧн. Медводдза директорӧн вӧлі Алексей Иванович Бурцев^[6]. СССР-са НКВД-МВД юкӧнса «Интауголь» трестлӧн «Кедрӧвӧй Шор» совхоз уджаліс 1953-ӧд воӧдз^[3]. 1953 вося йирым тӧлысь 23-ӧд лунӧ «Кедрӧвӧй Шор» видз-му овмӧс вӧлі реорганизуйтӧма, из шом промышленносьт министерстволӧн да речнӧй флот министерстволӧн решение серти сетӧма СССР-са речнӧй флот министерстволӧн Печӧраса речнӧй пароходстволы^[6].

1937 воын татчӧ ыстӧмаӧсь иеромонах Дмитрийӧс, кодӧс судитӧмаӧсь 58-ӧд статья серти Сӧветъяслы паныд агитируйтӧмысь. Кольӧмаӧсь тыртӧминӧ, могмӧдӧмаӧсь зырйӧн да кутшӧмсюрӧ сёянӧн. Поп кодйис аслыс землянка, кӧні ковмис овны сизим во. Кувсис сійӧ лӧня 1965 воын 72 арӧсӧн. А 40 лун мысти кувсис манакиня Елизавета Ивановна, коді став тайӧ вояссӧ вӧліс попкод, сійӧ ас кӧсйӧм серти эз кут юны ни сёйны. Гу вылас крестыс налӧн ӧти кык вылӧ^[6].

1938 вося урасьӧм тӧлысь 20-ӧд лунӧ Кедровӧй Шорын вӧлі лыйлӧма Сестрорецкӧй оружейнӧй заводса рабочӧй Николай Емельяновлысь писӧ, коді 1917 вося сора тӧлысьын мездіс Владимир Ленинӧс Разливын — Кондратий Николаевич Емельяновӧс. Сійӧс арестуйтӧмаӧсь 1927 воын, лэдзӧмаӧсь 1928 воын, выльысь арестуйтӧмаӧсь 1934 воын да 1937 воын Кардор обласьтса УНКВД-лӧн тройка шуӧма 58-10 статья серти сетны медся ыджыд наказание. Реабилитируйтӧмаӧсь 1958 вося урасьӧм тӧлысь 28-ӧд лунӧ.

1943 вося лӧддза-номъя тӧлысь 5-6-ӧд лунъяслы паныда войӧ «Кондор» кык немеч самолёт чӧвтісны Кедрӧвӧй Шор дорӧ десант.

Йӧз

Олысь лыд
1989	2002	2010^[7]	2020^[8]
536	↘341	↘223	↘119

100

200

300

400

500

600

1989

2002

2010

2020

Инфраструктура

Посёлокын эм челядьлы сад, ичӧт школа, культура керка, пошта, вузасянін.

Нималана йӧз

Пасйӧдъяс

↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
↑ ¹ ² ³ Азаров О. Кедровый Шор // Республика Коми. Энциклопедия. Том II. — Сыктывкар: Коми книжное издательство, 1999. — С. 70.
↑ ГЕНЕРАЛЬНЫЙ ПЛАН П.ОЗЁРНЫЙ, П.КРАСНЫЙ ЯГ, П.КЕДРОВЫЙ ШОР, Д.БЫЗОВАЯ, Д.МЕДВЕЖСКАЯ, Д. КОНЕЦБОР МУНИЦИПАЛЬНОГО ОБРАЗОВАНИЯ СЕЛЬСКОГО ПОСЕЛЕНИЯ «ОЗЁРНЫЙ». ТОМ 2. // Федеральная государственная информационная система территориального планирования. — 2016.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
↑ ¹ ² ³ ⁴ ⁵ История Кедрового Шора (неопр.). Печорская ЦБС. Шыӧдчан кадпас: 6 лӧддза-номъя тӧлысь 2025.
↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[_bb269f5efc12a657-1] ttps://rosstat.gov.ru/vpn/2020/Tom1_Chislennost_i_razmeshchenie_naseleniya

[2] Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.

[РКЭ-3] ¹ ² ³ Азаров О. Кедровый Шор // Республика Коми. Энциклопедия. Том II. — Сыктывкар: Коми книжное издательство, 1999. — С. 70.

[4] ГЕНЕРАЛЬНЫЙ ПЛАН П.ОЗЁРНЫЙ, П.КРАСНЫЙ ЯГ, П.КЕДРОВЫЙ ШОР, Д.БЫЗОВАЯ, Д.МЕДВЕЖСКАЯ, Д. КОНЕЦБОР МУНИЦИПАЛЬНОГО ОБРАЗОВАНИЯ СЕЛЬСКОГО ПОСЕЛЕНИЯ «ОЗЁРНЫЙ». ТОМ 2. // Федеральная государственная информационная система территориального планирования. — 2016.

[5] Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).

[ПЦБС-6] ¹ ² ³ ⁴ ⁵ История Кедрового Шора (неопр.). Печорская ЦБС. Шыӧдчан кадпас: 6 лӧддза-номъя тӧлысь 2025.

[7] Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).

[8] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[1]

[2]

[3]

[4]

[5]

[6]

[7]

[8]