Краснӧй Яг (Печӧра район)

Краснӧй Яг
	Посёлок
Краснӧй Яг
	65°04′29″ с. ш. 57°17′30″ в. д.GЯO
Страна	Россия
РФ-са субъект	Коми Республика
Муниципальнӧй район	Печӧра
Сикт овмӧдчӧмин	Озёрнӧй
История да география
Лӧсьӧдӧма	1700
Час кытш	UTC+3:00
Йӧз
Олысь лыд	▼163 морт (2020);
Официал кыв	коми, роч
Лыдпаса идентификаторъяс
Пошта индекс	169665
ОКАТО код	87420823003
ОКТМО код	87620423111
	Краснӧй Яг Краснӧй Яг

Краснӧй Яг (рочӧн Красный Яг) — Коми Республикаса Печӧра районын посёлок. Пырӧ Озёрнӧй сикт овмӧдчӧминӧ.

Ним артмӧм

Посёлоклӧн нимыс артмӧма красный роч да яг коми кывйысь, вежӧртасыс «мича яг»^[2].

География

Сулалӧ Печӧра юлӧн шуйга берегын.

Ывласям

Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм. Медся шоныд тӧлысьлӧн (сора тӧлысь) шӧркодь температураыс — +16 °C; медся кӧдзыд тӧлысьлӧн (тӧвшӧр тӧлысь) — −19,5 °C^[3].

Час кытш

Краснӧй Яг, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[4].

История

Татчӧс легенда серти, сиктлы подувсӧ пуктӧмаӧсь ХVIII нэм заводитчигӧн, 1703 воын. ХVIII — ХIX нэм шӧрса ревизия материалъясын абу пасйӧма. Пасйӧма 1843 воын промышленник В. Н. Латкинлӧн гижӧдъясын кыдзи сизим керкаа Краснӧй Бор грезд, «уездын медбӧръя»; «сійӧс шуӧма тайӧ нимнас, сы вӧсна мый сійӧс кытшалӧма Печӧра шуйгаладор берегса мича джуджыд вӧр, мыс помсяньыс матын, рытыввывлань кежӧмӧн… гӧгӧр зэв бур пӧскӧтинаяс, діяс вылын кык аршин кузьта турун…»^[5]^[6].

Краснӧй Яг — ГУЛАГ-лӧн (рус.) (коми лагер, кытчӧ пуксьӧдлісны «народлысь вӧрӧгъясӧс». 1934 воын вӧлі котыртӧма С. Киров нима колхоз. Краснӧй Яг грездын олысьяс уджалісны сідзжӧ Вылыс Печора участокын, видзӧдісны ю бӧрся. 1943 воын Краснӧй Яг грездсӧ бырӧдӧмаӧсь, сы местаӧ котыртӧмаӧсь лагерса отделение. 1943 воын С. Киров нима колхозсӧ вуджӧдӧмаӧсь Бызӧвӧй грездӧ, Краснӧй Яг грездса став олысьсӧ сӧвтӧмаӧсь баржаяс вылӧ да мӧдӧдӧмаӧсь Бызӧвӧй грездӧ^[6].

1943 воын Интаса из шом перъян шахтаяс стрӧитӧмлӧн ӧдйӧ содӧмкӧд да из шом перйӧмлӧн содӧмкӧд йитӧдын, медым могмӧдны СССР-са НКВД-лӧн Интастройса шахтаясын олысьяслысь видз-му овмӧс прӧдукцияын содысь коланлунсӧ, вӧлі котыртӧма СССР-са НКВД-лӧн Интастройса совхоз^[6].

Краснӧй Ягысь налысь став олысьяссӧ мӧдлаӧ овмӧдӧм бӧрын, прӧстмӧм керкаяссӧ да овмӧсъяссӧ вӧлі сетӧма лагерлы. 1944 воын Инталагса 100 мортӧс мӧдӧдісны Краснӧй Ягӧ. Ыстывлісны татчӧ кызвыннас слабмӧм йӧзӧс. Заключённӧйяс уджалісны муяс вылын, быдтісны градвыв пуктасъяс, лысьтісны мӧсъясӧс^[7].

1945 воын Краснӧй Ягын уджаліс нин Инталагса 500 заключённӧй^[7].

А во мысти татчӧ вуджӧдісны Печоржелдорлагса нывбаба-заключённӧйяслысь кага керка. Сёрӧнджык татчӧ воисны Адакысь Инталагса кага керкаысь быдтасъяс. А 1947 вося йирым тӧлысьӧ и Краснӧй Яг совхоз вуджис Печоржелдорлаг кипод улӧ^[7]. А посёлок шӧрын лои кага шойна — Кага керкаын челядьыс ёна кулалісны. Тайӧ шойнаын куйлӧ 100-ысь унджык кага^[8].

Сталин кулӧм бӧрын заводитчис ГУЛАГ бырӧдан кузь процесс, коді помасис сӧмын 1960 вося тӧвшӧр тӧлысьын. 1954 воын котыртчис Краснӧягса сиктсӧвет. 1956 воын Краснӧй Яг видз-му овмӧссӧ вуджӧдісны Транспортнӧй строительство министерстволӧн Главнӧй управление улӧ — тадзи помасис сылӧн лагернӧй историяыс. 1956 восянь — Краснӧй Яг посёлок^[6].

2011 воын Печӧра муниципальнӧй районлӧн муниципальнӧй юкӧнса Сӧветлӧн водзмӧстчӧм серти ӧтувтісны сылӧн мутасын меститчӧм Озёрнӧй, Краснӧй Яг да Кедрӧвӧй Шор сикт овмӧдчӧминъяслысь муниципальнӧй юкӧнъяссӧ, да Краснӧй Яг посёлок пырис Озёрнӧй сикт овмӧдчӧминӧ^[9]^[10].

Йӧз

Олысь лыд
1989	2002	2010^[11]	2020^[12]
584	↘366	↘313	↘163

100

200

300

400

500

600

1989

2002

2010

2020

Инфраструктура

Посёлокын эм челядьлы сад, культура керка, небӧгаин, ФАП, связь юкӧн, кык вузасянін да асшӧр уджалысьяслӧн кык производственнӧй база. 2013 воын тупкисны начальнӧй школа. Краснӧй Яг гӧгӧр меститчӧмаӧсь мусир комплекслӧн предприятиеяс, «МТС» компаниялӧн линейнӧй вышка.

Тӧдчанаторъяс

Поклоннӧй крест ГУЛАГ лагерса челядьӧс дзебанінын

• 2010 воын, Айму вӧсна Ыджыд тышын Вермӧмсянь 65 во тыран воӧ, Краснӧй Ягын вӧлі восьтӧма казьтылан плита, коді нэммӧдіс 21 олысьӧслысь — 1941—1945 воясся Айму вӧсна Ыджыд тышын участвуйтысьяслысь — нимъяссӧ.
• 2014 вося лӧддза-номъя тӧлысь 12-ӧд лунӧ сувтӧдісны Поклоннӧй крест ГУЛАГ лагерса челядьӧс дзебанінын^[6].

Нималана йӧз

Пасйӧдъяс

↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
↑ Афанасьев А.П. Топонимия Республики Коми. Словарь-справочник. Сыктывкар: Коми книжное издательство, 1996. (неопр.) Коми кывтӧдӧм. Шыӧдчан кадпас: 16 лӧддза-номъя тӧлысь 2025.
↑ Генеральный план П.Озёрный, П.Красный Яг, П.Кедровый Шор, Д.Бызовая, Д.Медвежская, Д. Конецбор муниципального образования сельского поселения «Озёрный». Том 2. // Федеральная государственная информационная система территориального планирования. — 2016.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
↑ Латкин В. Н. Дневник Василия Николаевича Латкина во время путешествия на Печору в 1840—1843 годах : [арх. 24 тӧвшӧр тӧлысь 2021]. — СПб. : Императорское географическое общество, 1853. — С. 78.
↑ ¹ ² ³ ⁴ ⁵ Мой красный лес – мой Красный Яг (рус.). МБУ «Печорская межпоселенческая централизованная библиотечная система». Шыӧдчан кадпас: 16 лӧддза-номъя тӧлысь 2025.
↑ ¹ ² ³ Прокофьева Н. Сто маленьких могильных холмиков Красного Яга (неопр.) (20 тӧвшӧр тӧлысь 2022). Шыӧдчан кадпас: 16 лӧддза-номъя тӧлысь 2025.
↑ Асюнькина Л. А. Мой красный лес — мой Красный Яг. — Печора, 2011
↑ Об объединении муниципальных образований сельских поселений «Озёрный», «Красный Яг» и «Кедровый Шор», расположенных на территории муниципального образования муниципального района «Печора» в Республике Коми, и внесением в связи с ним изменений в некоторые законы Республики Коми. Закон Республики Коми от 05 октября 2011 года № 107-РЗ (рус.). Архивируйтӧма 1 урасьӧм тӧлысь 2021.
↑ МО СП «Озёрный». О поселении (неопр.). // Официальный сайт сельского поселения «Озёрный». Шыӧдчан кадпас: 17 кӧч тӧлысь 2016. Архивируйтӧма 13 косму тӧлысь 2014.
↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

Ыстӧгъяс

• Муниципальное образование сельское поселение «Озёрный»

[_bb269f5efc12a657-1] ttps://rosstat.gov.ru/vpn/2020/Tom1_Chislennost_i_razmeshchenie_naseleniya

[2] Афанасьев А.П. Топонимия Республики Коми. Словарь-справочник. Сыктывкар: Коми книжное издательство, 1996. (неопр.) Коми кывтӧдӧм. Шыӧдчан кадпас: 16 лӧддза-номъя тӧлысь 2025.

[3] Генеральный план П.Озёрный, П.Красный Яг, П.Кедровый Шор, Д.Бызовая, Д.Медвежская, Д. Конецбор муниципального образования сельского поселения «Озёрный». Том 2. // Федеральная государственная информационная система территориального планирования. — 2016.

[4] Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).

[lat-5] Латкин В. Н. Дневник Василия Николаевича Латкина во время путешествия на Печору в 1840—1843 годах : [арх. 24 тӧвшӧр тӧлысь 2021]. — СПб. : Императорское географическое общество, 1853. — С. 78.

[ПЦБС-6] ¹ ² ³ ⁴ ⁵ Мой красный лес – мой Красный Яг (рус.). МБУ «Печорская межпоселенческая централизованная библиотечная система». Шыӧдчан кадпас: 16 лӧддза-номъя тӧлысь 2025.

[Прок.-7] ¹ ² ³ Прокофьева Н. Сто маленьких могильных холмиков Красного Яга (неопр.) (20 тӧвшӧр тӧлысь 2022). Шыӧдчан кадпас: 16 лӧддза-номъя тӧлысь 2025.

[8] Асюнькина Л. А. Мой красный лес — мой Красный Яг. — Печора, 2011

[zkrk2011-9] Об объединении муниципальных образований сельских поселений «Озёрный», «Красный Яг» и «Кедровый Шор», расположенных на территории муниципального образования муниципального района «Печора» в Республике Коми, и внесением в связи с ним изменений в некоторые законы Республики Коми. Закон Республики Коми от 05 октября 2011 года № 107-РЗ (рус.). Архивируйтӧма 1 урасьӧм тӧлысь 2021.

[10] МО СП «Озёрный». О поселении (неопр.). // Официальный сайт сельского поселения «Озёрный». Шыӧдчан кадпас: 17 кӧч тӧлысь 2016. Архивируйтӧма 13 косму тӧлысь 2014.

[11] Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).

[12] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[1]

[2]

[3]

[4]

[5]

[6]

[7]

[8]

[9]

[10]

[11]

[12]