Кӧджарӧм (Печӧра район)
| Посёлок | |
| Кӧджарӧм | |
|---|---|
 | |
| 64°41′50″ с. ш. 55°53′56″ в. д.GЯO | |
| Страна |
 Россия |
| РФ-са субъект | Республика Коми |
| Муниципальнӧй район | Печӧра |
| Сикт овмӧдчӧмин | Кӧджарӧм |
| История да география | |
| Лӧсьӧдӧма | 1933 |
| Посёлок | 1950 |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169630 |
| ОКАТО код | 87420807001 |
| ОКТМО код | 87620407101 |
|
|
|
Кӧджарӧм (рочӧн Каджеро́м) — Коми Республикаса Печӧра районын посёлок. Кӧджарӧм сикт овмӧдчӧминлӧн шӧрин.
Ним артмӧм
Нимыс артмӧма Кӧджӧрӧмъёль ю ним серти, мый ас кадӧ артмӧма коми сёрнисикаса кывъясысь: печ. кӧджӧрӧм «вомын, ю вожъяс костын веськыд сёртас, кӧдж», изьва кӧджэрэм «важ ю сёртас»[2]. Ю визулыс веськӧдӧ ю воргасӧ. А посёлокыс сулалӧ юлӧн веськыдджык юкӧнын, кӧдж орӧмин вылын.
География
Меститчӧ Исакова юлӧн шуйга берегын, Кӧджарӧмъёль ю вомсянь неылын, кӧрт туй дорын, Печӧра карсянь 86 км ылнаын.
- Час кытш
Кӧджарӧм, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[3].
История
1933 воын вӧлі котыртӧма Кожваса лесопункт, а вӧр делянкаясыс вӧліны Усть-Усинск район пасьта. На пӧвстысь ӧти лои Кӧджарӧм инын. Посёлокын медводдза олысьясӧн лоины спецпереселенецъяслӧн Песчанка посёлокысь ыстӧм вӧлӧгдаса, воронежа да кардорса кресьтяна[4].
1935 воын лесопунктлысь нимсӧ вӧлі вежӧма Кожваса леспромхозӧн, кӧні медводз заптісны пес Усва ю кузя ветлысь ювывса флотлы. Став уджсӧ вӧчисны ки помысь.
Айму вӧсна Ыджыд тыш заводитчигӧн странаса правительство сувтӧдіс мог — регыдъя кадӧн нюжӧдны кӧрт туйяс Вӧркутаса из шом дорӧ. Колӧ вӧлі могмӧдны ломтасӧн паровозъяс, и леспромхозӧн веськӧдлӧмсӧ 1941 вося ӧшым тӧлысьын вуджӧдісны Кӧджарӧм посёлокӧ — кӧрт туйлань матӧджык. 1941 воыс и лыддьыссьӧ посёлоклы подув пуктан официальнӧй кадпасӧн[5]. Татчӧ каторжнӧй удж вылӧ 1941 вося гожӧмын вӧлі вайӧдӧма сӧветскӧй немечьясӧс, а война помас да войнабӧрса медводдза воясӧ — власовецъясӧс, вӧвлӧм сӧветскӧй военнопленнӧйясӧс, литовскӧй, украинскӧй националистъясӧс Сӧветскӧй Союзлӧн мездӧм мутасъясысь[4].
Война чӧжӧн леспромхозын заптісны да петкӧдісны 375 сюрс м³ пес да делӧвӧй вӧр, мый мунліс медсясӧ Вӧркутаса шахтаяслы крепежъяс вылӧ.
1942 вося топографическӧй карта вылын посёлоксӧ вӧлі пасйӧма «Вӧрлэдзысь», но сьӧкыда шусяна нимыс абу овмӧдчӧма. ОГПУ сводкаясын спецпоселениесӧ, кӧні вӧлі 44 №-а спецкомендатура, индӧма кыдзи «Каджер»[4].
1950 вося кӧч тӧлысь 18-ӧд лунӧ Кӧджарӧмлы сетісны уджалысьяслысь посёлок статус да ӧнія нимсӧ. Посёлокса сӧветӧн медводдза веськӧдлысьӧн лоис войнаса ветеран Феофан Александрович Артеев. Сійӧ кадас сэні олісны 165 кулак, 171 власовец, 111 оуновец (украинскӧй националистъяс), 94 немеч, 16 литовец[4].
1997 воын посёлоклы сетісны сикт кодь посёлок статус[5].
Йӧз
Инфраструктура
Кӧджарӧмын эм лесничество, Печӧраса электрическӧй сетьяслӧн Кӧджарӧмса участок, ЖКУ участок, «Севертрейд» ичӧт кывкутана котыр. Посёлокын уджалӧны шӧр школа интернатӧн, аптека, больнича, библиотека, Культура керка, челядьлы шылад школа, детсад, пошта.
Нималана йӧз
Тӧдчана эмторъяс
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Шыӧдчан кадпас: 5 ода-кора тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 4 Маточкина Э.В. Нам родиной стал Каджером. Шыӧдчан кадпас: 5 ода-кора тӧлысь 2025.
- ↑ 1 2 Азаров О., Мельник Н. Каджером // Республика Коми. Энциклопедия. Том II. — Сыктывкар: Коми книжное издательство, 1999. — С. 50.
- ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
- ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
- ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
- ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
| Печӧра муниципальнӧй районса оланінъяс | |||
|---|---|---|---|
.gif) | .svg) | ||
