Рыбница (Печӧра район)
| Посёлок | |
| Рыбница | |
|---|---|
 | |
| 64°33′25″ с. ш. 55°28′58″ в. д.GЯO | |
| Страна | Россия |
| РФ-са субъект | Республика Коми |
| Муниципальнӧй район | Печӧра район |
| Сикт овмӧдчӧмин | Кӧджарӧм (сикт овмӧдчӧмин) |
| Лӧсьӧдӧма | 1939 |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169620 |
| ОКАТО код | 87420807006 |
| ОКТМО код | 87620407116 |
|
|
|
Рыбница — Коми Республикаса Печӧра районын посёлок. Пырӧ Кӧджарӧм сикт овмӧдчӧминӧ.
Ним артмӧм
Посёлоклы нимсӧ сетӧмаӧсь Рыбница ю ним серти. Ю нимын петкӧдлӧма, мый тайӧ юын уна чери[2].
География
Посёлок пукалӧ Печӧра карсянь рытыв-лунвылӧ 105 км ылнаын.
- Ывласям
Ывласямыс шӧркодь континентвывса, гожӧмыс дженьыд да ыркыд, тӧлыс уна лымъя, кузь да кӧдзыд. Атлантическӧй циклонъяс мунӧмкӧд йитчӧм саридзса шоныд сынӧд петкӧдӧм да Войвыв океансянь арктическӧй сынӧдлӧн тшӧкыда пырӧм вӧсна поводдяыс во гӧгӧр чӧж ёна вежласьӧ.
Вогӧгӧрся шӧр температураыс −2,7°С.
Медся кӧдзыд тӧвшӧр тӧлысся шӧр температура — −19,5°С. Абсолютнӧй минимум — 55°С (1973).
Медся шоныд сора тӧлысся шӧр температура — 16°С. Абсолютнӧй максимум — +35°С (1954). Сынӧдлӧн вой-лунчӧжся нульысь вылынджык шӧр температураа лун вонас 162[3].
- Час кытш
Рыбница, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Посёлокыс артмис 1940-ӧд воясын[5]. 1939 воын «Котлас-Кӧжва» участок вылын заключённӧйяс стрӧитісны медводдза ичӧт кӧрт туй станцияяс, на лыдын и Рыбница полустанок. Кӧрт туй магистраль юкӧ посёлоксӧ кык пельӧ[6].
Сійӧ кадас посёлок нимъяссӧ сетлісны шоръяс, юяс серти. Олӧма йӧзлӧн висьталӧм серти, юын овлӧма зэв уна сикас чери: сир, гыч, сын, ком, пелядь да мукӧд. Татчӧс олысьяс, кодъяс овлӧмаӧсь посёлокын, кыйлӧмаӧсь черисӧ шабді дӧрӧмъясӧн. Юын уна чери вӧсна тайӧ юсӧ кутісны шуны Рыбницаӧн. Вӧрын вӧліны зэв уна вӧрпа да пӧтка: ошъяс, йӧраяс, ручьяс, дозмӧръясӧс, сьӧлаясӧс, косачьясӧс, байдӧгъясӧс.
4 километр сайын, Рыбница посёлоксянь войвылынджык, вӧлі 45 №-а посёлок — спецпереселенецъяслӧн оланін: немечьяслӧн, литовечьяслӧн, украинечьяслӧн, молдаванъяслӧн да с.в. Рыбница посёлоксянь 8 километр войвылынджык вӧлӧма Лазарет посёлок, кӧні неыджыд госпитальын бурдӧдісны висьысьясӧс да доймалӧмаясӧс[6].
1940-ӧд вояс заводитчигӧн кыпӧдісны медводдза кӧрт туй вокзал, а сы гӧгӧр вӧліны землянкаяс, неыджыд олан керкаяс. Рыбница посёлокын медводдза олысьясыс — заключённӧйяс, охранникъяс да зонаӧн веськӧдлысьяс, бӧрынджык спецпереселенецъяс[6].
Йӧз
| 2002[7] | 2010[8] | 2020[9] |
|---|---|---|
| 212 | ↘151 | ↘75 |
1959 воын посёлокын оліс 535 морт, 1970 воын — 652 морт, 1979 воын — 532 морт, 1989 воын — 379 морт, 1995 воын — 361 морт, 1998 воын — 318 морт, 2000 воын — 310 морт, 2002 воын — 212 морт[10].
Инфраструктура
2011 воын посёлокын вӧлі ичӧт школа — челядьӧс видзанін, пошта, фельдшер-акушер пункт, небӧгаин, клуб, вузасянінъяс[6]. 2022 воын школаыс эз нин вӧв[11].
Нималана йӧз
Тӧдчана эмторъяс
Рыбница ю вомӧн 6 пос.
Пасйӧдъяс
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Шыӧдчан кадпас: 12 ода-кора тӧлысь 2025.
- ↑ ГЕНЕРАЛЬНЫЙ ПЛАН МУНИЦИПАЛЬНОГО ОБРАЗОВАНИЯ СЕЛЬСКОГО ПОСЕЛЕНИЯ «КАДЖЕРОМ» МУНИЦИПАЛЬНОГО РАЙОНА «ПЕЧОРА» РЕСПУБЛИКИ КОМИ. ТОМ 2. // Федеральная государственная информационная система территориального планирования. Архивировано 3 вӧльгым тӧлысь 2021 года.
- ↑ Федеральный закон от 03.06.2011 № 107-ФЗ «Об исчислении времени», статья 5 (3 лӧддза-номъя тӧлысь 2011).
- ↑ Жеребцов И. Рыбница // Республика Коми. Энциклопедия. Том II. — Сыктывкар: Коми книжное издательство, 1999. — С. 567.
- ↑ 1 2 3 4 Некрасова О.В. Рыбница в судьбе односельчан: Воспоминания и фотографии. — МУ «Печорская межпоселенческая ЦБС», Центральная районная библиотека, библиотека-филиал №22 п. Рыбница. – Печора: [б.и.], 2011. – 43 с. Шыӧдчан кадпас: 12 ода-кора тӧлысь 2025.
- ↑ http://www.perepis2002.ru/content.html?id=11&docid=10715289081460.
- ↑ https://rosstat.gov.ru/free_doc/new_site/perepis2010/croc/perepis_itogi1612.htm.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Поселок Рыбница: историческая справка // Сайт Печорской межпоселенческой ЦБС.. Архивировано 23 кӧч тӧлысь 2020 года.
- ↑ Моргун Ж. Рыбница. Здесь живут настоящие хозяева. Печорское время (27 йирым тӧлысь 2022). Шыӧдчан кадпас: 12 ода-кора тӧлысь 2025.
| Печӧра муниципальнӧй районса оланінъяс | |||
|---|---|---|---|
.gif) | .svg) | ||
