Чикшин (Печӧра район)
| Посёлок | |
| Чикшин | |
|---|---|
 | |
| 64°54′08″ с. ш. 56°25′13″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Печӧра |
| Сикт овмӧдчӧмин | Чикшин |
| Юралысь | Анастасия Павловна Чёрная |
| История да география | |
| Лӧсьӧдӧма | 1940 |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Пошта индекс | 169640 |
| ОКАТО код | 87420853001 |
| ОКТМО код | 87620453101 |
|
|
|
| chikchino.pechoraonline.ru | |
|
|
|
Чикшин (рочӧн Чикшино) — Коми Республикаса Печӧра районын посёлок. Пырӧ Чикшин сикт овмӧдчӧминӧ.
Ним артмӧм
Посёлоклӧн нимыс артмӧма Чикшин юсянь. Юыслӧн нимыс артмӧма чихша саами кывйысь «чирак» и —ин(а) — роч суффиксысь. Гидроним, вермас лоны, пырис коми кывйӧ Чикшина река формаын[2].
География
Посёлокыс меститчӧма Чикшин юлӧн веськыд берегын. Печӧра карӧдз 50 км, Сыктывкарӧдз — 538 км[3].
- Ывласям
Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм.
- Час кытш
Чикшин, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Артмис 1939 воын кыдзи кӧрт туй станция[3]. 1977 вося рака тӧлысь 23-ӧд лунӧ официальнӧя пасйӧма Чикшин посёлок да вӧлі котыртӧма Чикшин сиктсӧвет, шӧриннас Чикшин посёлокын[5].
Медводзсӧ Чикшинын вӧлі сӧмын некымын керка, ичӧт школа, ӧти вузасянін. Сэсся воссис лесокомбинат.
Посёлокын 1940-50 воясӧ вӧліны стрӧитчан батальон, 795 №-а леспромкомбинат, ОС-34/17 учреждение. Салдатъяс стрӧитісны керкаяс да служебнӧй объектъяс[6].
1948 воын воссис медпункт, 1952 воын — ичӧт школа, 1953 воын — клуб, 1964 воын — челядьлы сад[6].
1967 воын лесокомбинат лои вӧр лэдзан предприятиеӧн. Вӧлі кыпӧдӧма кык судта керкаяс, Культура керка, шӧр школа, детсад, фельдшерско-акушерскӧй амбулатория. 1999 воын оліс 1302 морт[3], 2000 воын посёлокын оліс 1224 морт[5].
Чикшин посёлок йӧз пӧвстын тӧдса кыдзи ПЛ-350/1 колония, кӧні лэдзисны вӧр. Сійӧ вайис канму казнаӧ вель ыджыд чӧжӧс. Юстиция министерстволысь М-222 учреждение (ПЛ-350-лысь преемниксӧ) реформируйтӧм бӧрын 2002 воын сійӧс бырӧдӧма[5][6].
Йӧз
Инфраструктура
Чикшинын эм некымын вузасянін, пошта, Сбербанклӧн юкӧн, амбулатория, шӧр школа, кӧні велӧдчӧ 130 велӧдчысь, да челядьлы сад.
Посёлокын уджалӧны сідзжӧ Войвывса ПТЮС да лесничество.
Нималана йӧз
Тӧдчана эмторъяс
• «Жертвам Печорлага» паметник;
• «Жертвам Печорлага» казьтылан крест.
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Туркин А.И. Топонимический словарь Коми АССР. Сыктывкар: Коми книжное издательство, 1986. Коми кывтӧдӧм. Шыӧдчан кадпас: 21 ода-кора тӧлысь 2025.
- ↑ 1 2 3 Чикшино // Республика Коми. Энциклопедия. Том III. — Сыктывкар: Коми книжное издательство, 2000. — С. 286.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 3 О муниципальном образовании. Администрация МО СП "Чикшино". Шыӧдчан кадпас: 21 ода-кора тӧлысь 2025.
- ↑ 1 2 3 Летопись-хронограф поселка Чикшино. Печорская ЦБС. Шыӧдчан кадпас: 21 ода-кора тӧлысь 2025.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
| Печӧра муниципальнӧй районса оланінъяс | |||
|---|---|---|---|
.gif) | .svg) | ||
