Приуральскӧй (Печӧра район)

Приуральскӧй
	Посёлок
Приуральскӧй
	64°44′04″ с. ш. 57°52′06″ в. д.GЯO
Страна	Россия
РФ-са субъект	Коми Республика
Муниципальнӧй район	Печӧра
Сикт овмӧдчӧмин	Приуральскӧй
История да география
Лӧсьӧдӧма	1926
Воддза нимъяс	1962 во — Республика;
Час кытш	UTC+3:00
Йӧз
Олысь лыд	▲389 морт (2021);
Официал кыв	коми, роч
Лыдпаса идентификаторъяс
Телефон код	+7 82142
Пошта индекс	169625
ОКАТО код	87420830001
ОКТМО код	87620430101
ГКГН-ын номер	0172172
	priuralskoe.pechoraonline.ru
Петкӧдлыны/сайӧдны картаяс
	Приуральскӧй Москва Приуральскӧй

Приуральскӧй (рочӧн Приуральское) — Коми Республикаса Печӧра районын сикт. Приуральскӧй сикт овмӧдчӧминса административнӧй шӧрин.

Ним артмӧм

Ӧнія нимсӧ сиктлы сетӧмаӧсь 1962 воын Урал гӧраяс дорын сулалӧм вӧсна. Тасянь мича поводдя дырйи тыдалӧ Сабля гӧралӧн йылыс, сійӧ сиктсянь 40 км ылнаын кымын^[2].

География

Пукалӧ Печӧра юлӧн шуйга берегын Печӧра карсянь 55 км асыв-лунвывлань (80 км ю кузя) да Сыктывкарсянь 495 км асыв-войвывлань^[3].

3 км лунвывланьын сулалӧ Данилов грезд, сыкӧд сиктыс йитчӧма татчӧс туйӧн. Мукӧд оланінкӧд туй йитӧд абу (тӧвся кадӧ Печӧра кузя автозимник кындзи) ^[4].

Ывласям

Ывласямыс шӧркодь континентальнӧй, уна лымъя кузь кӧдзыд тӧв да дженьыд ыркыд гожӧм.

Час кытш

Приуральскӧй, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[5].

История

Сиктлы подувсӧ пуктіс Степан Ефимович Габов 1925 воын. Сійӧ локтіс татчӧ семьянас Висерсянь Ыджыдвидз сиктысь да медводдзаӧн кераліс аслыс керкасӧ. Местаыс сэки шусьыліс Яранкуръя. Тайӧ куръя дорас, кӧні вӧръясыс ёна озырӧсь ялаӧн, тшӧкыда сувтлывлісны асланыс стадаясӧн яранъяс-кӧр видзысьяс. 1926 вося перепись серти, 1926 вося ӧшым тӧлысьын Яранкуръя пӧчинокын вӧлӧма 1 керка, кӧні олӧма 7 морт. Тайӧ вӧлі медводдза гижӧда пасйӧд ӧнія Приуральскӧй сикт йылысь. Пӧчинокӧн сійӧ воясас шулісны перепись нуӧдтӧдз неважӧн артмӧм крестьянскӧй овмӧдчӧмин («почин» кывйысь, мӧд ногӧн кӧ, «заводитчӧм»)^[6].

1930 воын Печӧра дорын красноармеечьяслӧн С. П. Восков нима ХІ Ленинградса стрелкӧвӧй дивизиялӧн 33-ӧд стрелкӧвӧй полкысь Е. А. Габов да И. И. Бажуков котыртӧмаӧсь «Восковец» трудӧвӧй видз-му овмӧс коммуна. Кор матысса Данилов сиктса олысьяс бӧрйисны коммуналы ин, то шуисны сійӧс ас костаныс Видласянінӧн. Арнас воисны вит коммунар, пӧрӧдісны вӧр, весалісны местасӧ мыръясысь да стрӧитісны медводдза олан пывсян. Местаыслы сетісны выль ним Баняув. Водзӧ грездсӧ кутісны шуны Коммунаӧн. Тадзи пасйӧма 1932 вося карта вылын. Кор котыртӧмаӧсь колхоз, то грездлы сетӧмаӧсь выль ним — Ворошиловка — К. Е. Ворошилов нима колхоз ним серти. 1939 вося перепись дырйи — Ворошиловка грезд. Бӧрынджык став олысьясыс веськыд берегысь вуджисны лӧсьыдджык вывтасінӧ. Овмӧдчӧминлы сетісны выль ним Республика, бара жӧ колхоз ним серти. 1962 вося ода-кора тӧлысь 28-ӧд лунӧ Республика сиктсӧ нимтісны Приуральскӧй сиктӧн^[2].

Йӧз

Олысь лыд
2010^[7]	2021^[8]
318	↗389

100

200

300

400

2010

2021

Велӧдӧм

Сиктын эм И. Е. Кулаков нима шӧр школа^[9], челядьлы сад, небӧгаин, культура керка.

Нималана йӧз

Пасйӧдъяс

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ ¹ ² Туркин А.И. Топонимический словарь Коми АССР. Сыктывкар: Коми книжное издательство, 1986. (неопр.) Коми кывтӧдӧм. Шыӧдчан кадпас: 9 косму тӧлысь 2025.
↑ Азаров О. Приуральское // Республика Коми. Энциклопедия. Том II. — Сыктывкар: Коми книжное издательство, 1999. — С. 509.
↑ Портрет села Приуральское (неопр.). Фонд "Серебряная тайга". Шыӧдчан кадпас: 17 вӧльгым тӧлысь 2018. Архивируйтӧма 26 урасьӧм тӧлысь 2021.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (3 лӧддза-номъя тӧлысь 2011).
↑ О селе Приуральское (неопр.). Печорская ЦБС. Шыӧдчан кадпас: 9 косму тӧлысь 2025.
↑ https://web.archive.org/web/20160304030748/http://komi.gks.ru/wps/wcm/connect/rosstat_ts/komi/resources/2d66df004e30e856b59eff3bf8d20d64/2.3.+Численность+населения+городских+округов,+муниципальных+районов,+поселений+и+населенных+пунктов.doc (неопр.).
↑ https://rosstat.gov.ru/storage/mediabank/Tom1_tab-5_VPN-2020.xlsx (неопр.).
↑ Средняя общеобразовательная школа имени И.Е. Кулакова (неопр.). МОУ "СОШ" с.Приуральское. Шыӧдчан кадпас: 9 косму тӧлысь 2025.

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[тсл-2] ¹ ² Туркин А.И. Топонимический словарь Коми АССР. Сыктывкар: Коми книжное издательство, 1986. (неопр.) Коми кывтӧдӧм. Шыӧдчан кадпас: 9 косму тӧлысь 2025.

[3] Азаров О. Приуральское // Республика Коми. Энциклопедия. Том II. — Сыктывкар: Коми книжное издательство, 1999. — С. 509.

[4] Портрет села Приуральское (неопр.). Фонд "Серебряная тайга". Шыӧдчан кадпас: 17 вӧльгым тӧлысь 2018. Архивируйтӧма 26 урасьӧм тӧлысь 2021.

[5] Федеральный закон от 03.06.2011 № 107-ФЗ «Об исчислении времени», статья 5 (рус.) (3 лӧддза-номъя тӧлысь 2011).

[6] О селе Приуральское (неопр.). Печорская ЦБС. Шыӧдчан кадпас: 9 косму тӧлысь 2025.

[7] ttps://web.archive.org/web/20160304030748/http://komi.gks.ru/wps/wcm/connect/rosstat_ts/komi/resources/2d66df004e30e856b59eff3bf8d20d64/2.3.+Численность+населения+городских+округов,+муниципальных+районов,+поселений+и+населенных+пунктов.doc (неопр.).

[8] ttps://rosstat.gov.ru/storage/mediabank/Tom1_tab-5_VPN-2020.xlsx (неопр.).

[9] Средняя общеобразовательная школа имени И.Е. Кулакова (неопр.). МОУ "СОШ" с.Приуральское. Шыӧдчан кадпас: 9 косму тӧлысь 2025.

[1]

[2]

[3]

[4]

[5]

[6]

[7]

[8]

[9]