Райда (конкурс)
«Райда» конкурс — коми нывъяс пӧвстын республикаса конкурс, мый вӧзйис нуӧдны «Коми войтыр» ӧтмунӧм. Медводдзаысь вӧлі нуӧдӧма 2006 воын Сыктывкарын.
Медводз конкурссӧ нуӧдӧны кар-районъясын, а та бӧрын – кыдзи пыр, Коми Республикаса юркарын. Тані нин нывъяс вермасьӧны І места – «Райда», ІІ места – «Катшасин», ІІІ места – «Пӧлӧзнича» нимъяс вӧсна.
Конкурсыс колӧ сы могысь, медым петкӧдлыны коми нылӧс, кыдзи чужан кыв да культура, семьяын оласног видзысьӧсь да такӧд ӧттшӧтш ӧнія олӧмын водзмӧстчысь да зіль мортӧс. Таысь кындзи, конкурс котыртысьяс пуктӧны ас водзаныс мог – тӧдмӧдны да ӧтувтны республикаса районъясын олысь том коми йӧзӧс.
История
Райда — 2006
Медводдза «Райда» конкурсын вермасис 15 ныв.
Вермысьяс
• I. «Райда» ним — Яна Васильченкова (Кулӧмдін районса Пожӧг сикт)
• II. «Катшасин» ним — Наталья Чаланова (Сыктывкар)
• III. «Пӧлӧзнича» ним — Анастасия Есева (Кӧрткерӧс район)
• «Медся муса ныв» (видзӧдысьяссянь приз) — Александра Канева (Инта)[1]
Жюри
«Коми войтыр» ӧтмунӧмӧн юрнуӧдысь Валерий Марков (веськӧдлысь), Коми Республикаса нимйӧза гижысь Владимир Тимин, Коми Республикаса Каналан Сӧветса депутат А.С. Цыпанов, коми фольклор туялысь А.Н. Рассыхаев.
Райда — 2008
II республикаса конкурсӧ пырӧдчис 15 ныв.
Вермысьяс
• I. «Райда» ним — Юлия Седрисева (Емдін районса Туискерӧс сикт)
• II. «Катшасин» ним — Наталья Казминова (Кулӧмдін районса Керчомъя сикт)
• III. «Пӧлӧзнича» ним — Яна Сажина (Сыктывкар)
• «Медся муса ныв» (видзӧдысьяссянь приз) — Анастасия Ветошкина (Кӧрткерӧс районса Висер сикт)[2][3].
Жюри
Жюриӧн веськӧдліс «Коми войтыр» ӧтмунӧмӧн веськӧдлысь Сергей Габов.
Райда — 2010
2010 вося йирым тӧлысь 29-ӧд-30-ӧд лунъясӧ муніс III республикаса конкурс.
Вермысьяс
• I. «Райда» ним — Ирина Терентьева (Изьва районса Изьва сикт)
• II. «Катшасин» ним — Нина Тарабукина (Кулӧмдін районса Куж сикт)
• III. «Пӧлӧзнича» ним — Анастасия Ветошкина (Сыктывкар)
• «Медся муса ныв» (видзӧдысьяссянь приз) — Антонина Подорова (Кӧрткерӧс районса Одыб сикт)[4].
Райда — 2012
IV республикаса «Райда» конкурс вӧлі ӧшым тӧлысь 1-2-ӧд лунъясӧ[5]. Артмис 5 петкӧдчӧмысь. Вермасьӧмӧ пырӧдчис 13 ныв: Мастыкина Евгения (Ускар каркытшса Нӧвикбӧж грезд), Налётова Ирина (Сыктывкарса Эжва район), Палева Виктория (Удора район), Игнатова Ольга (Кӧрткерӧс район), Семенчина Елена (Сыктывдін район), Растворова Мария (Печора районса Яранкуръя (Приуральскӧй) сикт), Тищенко Олеся (Сыктыв район), Володина Надежда (Койгорт район), Бабикова Софья (Изьва район).
IV-ӧд «Райда» конкурслӧн Гала-концерт муніс Фин-йӧгра этнокультура шӧринын (Сыктывдін районса Ыб сикт) ӧшым тӧлысь 2-ӧд лунӧ.[6]
Вермысьяс
• I. «Райда» ним — Александра Макарова (Инта кар, чужлӧма Кӧрткерӧс районса Шойнаты сиктын)
• II. «Катшасин» ним — Светлана Логинова (Кулӧмдін районса Куж сикт)
• III. «Пӧлӧзнича» ним — Анастасия Артемьева (Сыктывкар)
• «Медся муса ныв» (видзӧдысьяссянь приз) — Анастасия Терентьева (Сосногорск)
Жюри
Жюриӧн веськӧдлысь — «Юрган» телеканалысь журналист Ӧльӧксан Пивкин.
Райда — 2015
V «Райда» конкурс кӧсйисны нуӧдны 2014 вося ӧшым тӧлысь 5-6-ӧд лунъясӧ Кулӧмдін сиктын[7], но сьӧм абутӧмла вуджӧдісны 2015 во вылӧ[8].
Вермасьӧм муніс 2015 вося урасьӧм тӧлысь 20—21-ӧд лунъясӧ[9]. Кулӧмдінса культура керка сценаын Гала-концерт дырйи ловзьӧдісны Райда мича ныв йылысь важся висьталӧм: кыдзи сійӧс гусяліс Ягморт, а Туган аслас ёртъясыскӧд отсасисны-мездысисны.
Конкурс артмис 5 вермасьӧмысь: 4-ӧд петкӧдчӧмын налы колӧ вӧлі коми драматург Николай Дьяконовлӧн пьеса серти снимайтӧм «Свадьба с приданым» кинофильмысь юкӧн комиӧн висьтавны.
Вермасьӧмӧ пырӧдчис 8 ныв: Сыктывкарысь, Укваысь да Сосногорскысь, Кулӧмдін, Удора, Койгорт, Сыктыв да Сыктывдін районъясысь.
Вермысьяс
• I. «Райда» ним — Мария Юшкова (Кулӧмдін районса Куж сикт) да Анастасия Юдина (Уква кар)
• II. «Пӧлӧзнича» ним — Анна Котова (Сыктывдін район)
• III. «Катшасин» ним — Марина Роноева (Удора район)
• «Медся муса ныв» — Мария Юшкова (Кулӧмдін районса Куж сикт)
Та кындзи, мукӧд нывлы вӧлі сетӧма татшӧм нимъяс:
• «Шонді ныв» — Ксения Истомина (Сосногорск район).
• «Сьӧлӧмшӧр» — Ирина Туркина (Койгорт район).
• «Визув ёль» — Виктория Канева (Сыктывкар).
• «Шӧвктуг» — Людмила Гриценко (Сыктыв район).
Жюри
Жюриӧн веськӧдлысь — Надежда Русинова («Коми войтыр» ӧтмунӧмлӧн Кулӧмдін районса юкӧнын веськӧдлысьӧс вежысь).
Райда — 2017
VI республикаса конкурс нуӧдӧма Сыктывкарын Коми республикаса войтырлӧн ёртасян керкаын ӧшым тӧлысь 1—2 лунъясӧ. Конкурс артмӧма нёль вермасьӧмысь: «Тані ме ола, тані ме кола» видеовизитка, «Важыс да ӧнія» кужӧмлунъяса конкурс, «Вочакыв», «Карнан новлӧдлӧм».
Вермысьяслы юркытшъяс дасьтӧма Перым крайысь сюмӧдӧн вӧчасьысь Валентина Петухова. Медводдзаысь вынсьӧдӧма конкурслӧн логотип. Авторыс — модельер-конструктор Наталья Загуменнова.
Вермасьӧмӧ пырӧдчис 10 ныв: Зинаида Лодыгина (Мылдін районса Покча), Анна Махотина (Удора район), Александра Ногиева (Сосногорск), Мария Решетникова (Сыктывдін район Ыб сикт), Юлия Сычева (Сыктывкар, чужӧма Удора районса Буткан грездын), Варвара Чугаева (Койгорт районса Грива сикт)[10].
Вермысьяс
• I. «Райда» ним — Анастасия Третьякова (Кулӧмдін сикт, чужлӧма Пожӧгдін грездын)
• II. «Катшасин» ним — Юлия Канева (Уква кар, чужлӧма Ускар каркытшса Денисов грездын)
• III. «Пӧлӧзнича» ним — Анастасия Казакова (Кӧрткерӧс сикт)
• «Медся муса ныв» (видзӧдысьяссянь приз) — Ирина Терентьева (Ямал-Яран асвеськӧдлан кытшса Салехард кар)[11][12].
• Контактын ӧтуввез-конкурсын вермысь — Анна Махотина (Удора район). Ӧтуввезйын гӧлӧсуйтіс 11 сюрс сайӧ морт, на пиысь 1600 сайӧ гӧлӧс сетӧма А.Махотина вӧсна.
Жюри
Искусствояс гимназияысь велӧдысь, «Ордым» театр-студияӧн веськӧдлысь Виктор Напалков (веськӧдлысь), Драма театрӧн веськӧдлысь М.Н. Матвеев, «Юрган» телеканалса журналист А.Г. Пивкин, Коми республикаса национальнӧй политика министрӧс вежысь В.В. Попов, «Коми войтыр» ӧтмунӧмса секретар А.Н. Рассыхаев[13].
Райда — 2019
2019 вося ӧшым тӧлысь 6-7 лунъясӧ муніс VII республиканскӧӥ конкурс. Конкурсӧ пырӧдчисны коми нывъяс Сыктывкарысь, Печӧраысь, Изьва районысь, Кӧрткерӧс районысь, Койгорт районысь, Кулӧмдін районысь и Удора районысь[14]. Нывъяс вермасисны татшӧм конкурсъясын: «Тані ме ола, тані ме кола!», «Традицияяс и ӧнія лун» енби конкурс, «Тан колӧ чужны, тан колӧ кужны…» чужанін йылысь видеопрезентация, интеллектуальнӧй конкурс и «Карнан новлӧдлӧм» этнодефиле[15][16].
Вермысьяс
• I. «Райда» ним — Юлия Филиппова (Изьва район)
• II. «Катшасин» ним — Кристина Третьякова (Кулӧмдін район)
• III. «Пӧлӧзнича» ним — Лариса Мартюшева (Сыктывкар)
• «Медся муса ныв» номинация (видзӧдысьяссянь приз) — Ксения Мишарина (Кӧрткерӧс район)[17].
Райда — 2021
«Райда-2024» коми нывъяс костын VIII республиканскӧӥ конкурс муніс 2021 вося ӧшым тӧлысь 6-ӧд лунӧ. Вӧлі 4 творческӧй вермасьӧм: «Чужи сэнi, кӧнi ӧзйӧ Войвыв кодзув…» визитнӧй карточка, Коми Республикалы 100 во тыригкежлӧ «Ов да выв, Коми му!» чолӧмалӧм, «Ме – Коми мулӧн ныв» енби конкурс, а сідзжӧ «Вочакыв» интеллектуальнӧй конкурс. Мӧд луннас вӧлі гала-концерт да дефиле.
Вермысьяс
• I. «Райда» ним — Валерия Вокуева (Сыктывкар)
• II. «Катшасин» ним — Карина Артеева (Печӧра кар)
• III. «Пӧлӧзнича» ним — Юлия Пашнина (Кулӧмдін район)
• «Медся муса ныв» номинация (видзӧдысьяссянь приз) — Юлия Пашнина (Кулӧмдін район)
• «Визув ёль» номинация (ӧтуввез-кипасалӧм серти) — Валерия Филиппова (Изьва район)[18].
• «Шӧвктуг» номинация – Вероника Амосова (Удора район).
• «Сьӧлӧмшӧр» номинация – Ксения Габова (Сыктыв район).
• «Шондi ныв» номинация – Виктория Макарова (Кӧрткерӧс район)[19].
Райда — 2024
2024 вося косму тӧлысь 6-7 лунъясӧ муніс IX республиканскӧӥ конкурс[20]. Коми Республикаса вужвойтырлӧн шылада-драмаа театр сцена вылын прӧйдитісны «Райда-2024» коми нывъяс костын IX республиканскӧӥ конкурслӧн гала-концертыс да конкурсӧ пырӧдчысьяслӧн дефиле.
Контактын «Райда-2024» котыр: https://vk.com/raida_komi.
Вермысьяс
• I. «Райда» ним да Маньпупунер вылӧ ветлӧм шедӧдысь — Татьяна Седрисева (Сыктывкар)
• II. «Пӧлӧзнича» ним — Виктория Терентьева (Изьва район)
• III. «Катшасин» ним да «Медся муса ныв» номинацияын вермысь — Елена Рокина (Кулӧмдін район)
Таысь ӧтдор, ӧтуввез-кипасалӧмын медводдза местаысь «Мырпом тусь» ним сетісны Анастасия Палевалы Удора районысь, а «Биармиа» номинацияын вермис Галина Ануфриева Сыктывкарса Эжва районысь[21].
Ӧшмӧсъяс
• Артеев А. «Мича Райда» может стать «Звездой Севера» // «Молодежь Севера», 2006 во, ӧшым 21 лун, 51 №
• Берестяная корона для Райды / В Сыктывкаре прошел II республиканский конкурс красоты среди представительниц коренного народа // «Республика» газет, 2008 во. 232 (3906) №, ӧшым тӧлысь 16-ӧд лун
• IV Республиканский конкурс коми девушек «Райда-2012» пройдет в Финно-угорском этнопарке // «Финугор» сайт (26.11.2012)
• Морохина Е. Мича «Райда» — интаса ныв // Йӧлӧга, 2012. ӧшым тӧлысь 7-ӧд лун, 49 №.
Ыстӧдъяс
- ↑ «Мича Райда» может стать «Звездой Севера»
- ↑ Маркова А. В Коми подвели итоги республиканского конкурса красоты «Райда» // «Комиинформ» юӧр сетан агентство (2008.12.15 лун; рочӧн)
- ↑ «Девочка с куклой» победила в национальном конкурсе красоты «Райда-2008»
- ↑ Коми красавицы рубили младенцев под корытом и общались с лешими на конкурсе «Райда-2010»
- ↑ IV Республиканский конкурс коми девушек "Райда-2012" впервые пройдет на площадке Этнопарка
- ↑ Морохина Е. Мича «Райда» — интаса ныв // Йӧлӧга, 2012. ӧшым тӧлысь 7-ӧд лун, 49 №.
- ↑ Николаева А. «Райду» выберут в Усть-Куломе // «Республика» газет, 2014 во, кӧч тӧлысь 25-ӧд лун
- ↑ Впервые финал "Райды" проведут не в Сыктывкаре, а в районе Республики Коми
- ↑ В конкурсе коми красавиц «Райда» впервые оказалось две победительницы // БНКоми сайт (2015.02.22; рочӧн)
- ↑ «Райда» объединила традиции и современность
- ↑ Шпарвассер И. «Райдой—2017» стала Анастасия Третьякова из Усть-Кулома // «Комиинформ» юӧр сетан агентство (2017.11.02 лун; рочӧн)
- ↑ Усть-куломская красавица завоевала берестяную корону
- ↑ Баканов И. От школьницы до учительницы: в Сыктывкаре представили участниц конкурса «Райда» // «Комиинформ» юӧр сетан агентство (2017.11.01 лун; рочӧн)
- ↑ Номинацию «Райда – 2019» завоевала девушка из Ижемского района
- ↑ Коми девушки посоревнуются за титул «РАЙДА–2019»
- ↑ Вовк Л.На VII республиканском конкурсе выбрали самую красивую коми девушку
- ↑ В Сыктывкаре выбрали лучшую коми девушку
- ↑ "Райдой-2021" стала сыктывкарка
- ↑ В Сыктывкаре определили самую красивую коми девушку
- ↑ Конкурс коми девушек "Райда-2024" стартовал в Доме дружбы народов РК
- ↑ Победительницей конкурса «Райда-2024» стала Татьяна Седрисева