Покча (Мылдін район)
| Сикт | |
| Покча | |
|---|---|
 | |
| 62°56′41″ с. ш. 56°07′10″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Мылдін район |
| Сикт овмӧдчӧмин | Покча |
| История да география | |
| Медводдзаысь пасйӧма | 1719 |
| Воддза нимъяс | Пичьдинскӧй, Покчинскӧй (Пичдін) |
| Час кытш | UTC+3:00 |
| Йӧз | |
| Олысь лыд | |
| Официал кыв | коми, роч |
| Лыдпаса идентификаторъяс | |
| Телефон код | +7 821 |
| Пошта индекс | 169441[1] |
| ОКАТО код | 87236855001 |
| ОКТМО код | 87636455101 |
| ГКГН-ын номер | 0170026 |
|
|
|
Покча (рочӧн Покча) — Россиялӧн Коми Республикаын Мылдін районса сикт, Покча сикт овмӧдчӧминлӧн административнӧй шӧрин.
Ним артмӧм
Вермас лоны сиктлӧн нимыс йитчӧма Покча ӧтувъя перымса рӧдвуж нимкӧд, мый эскӧдӧма топонимия серти литератураын. Сиктлӧн нимыс, дерт, йитчӧма и Вылыс Пидж да Улыс Пидж гидронимъяскӧд. Индӧм нимъяса юясыс усьӧны Печӧра юӧ, а налӧн ю вомъяслы паныд Печӧра мӧдар берегын буретш и меститчӧ Покча сиктыс. Татчӧс йӧзыс шуӧны сійӧс Пидздінӧн — «Педз (Пидж) ю вом дорын». Гашкӧ, Йидж сёлькуп пиччэ кывйысь — «сир»[3].
География
Грездыс меститчӧ Печӧра юлӧн шуйга берегын, сылы паныд берегын сулалӧ Русанов посёлок, Мылдін посёлоксянь 30 километр ылнаын[4].
- Ывласям
Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи медся кӧдзыд тӧвшӧр тӧлысьын шӧркодь температураыс −18 °C (градусникын медся ыджыд лыдпасыс вӧлӧма −51 °C), медся шоныд сора тӧлысьын 15,9 °C (медся ыджыд температура вӧлӧма 35 °C). Шӧркодя вонас усьӧ 590 мм лым-зэр, та дырйи 409 миллиметрыс усьӧ косму тӧлыссянь вӧльгым тӧлысьӧдз. Вонас шоныд луныс сӧмын 176[5].
- Час кытш
Покча, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[6].
История
Артмис 1707 во бӧрын, казьтывсьӧ 1719 вося ревизскӧй мойдъясын: Пичьдинскӧй грезд, 1 овмӧс, 5 мужичӧй (нывбабаяс йылысь лыдпасъяс абуӧсь). Сиктлы подувсӧ пуктіс крестьянин Трофим Григорьевич Логинов.
• 1890 воын воссис грамота школа. Медводдза велӧдысьӧн лоис Ермолин Афанасий Васильевич.
• 1901 воын стрӧитӧма Казанскӧй ӧти судта пу вичко, 1904 восянь — единоверческӧй.
• ХІХ нэм помын — ХХ нэм заводитчигӧн воссис земскӧй пошта станция.
• 1928 воын вӧлі котыртӧма керка-лыддьысянін.
• 1929 вося рака тӧлысь 8-ӧд лунӧ Покча сиктын котыртчис «Выль олысь» колхоз. 1939 вося ставсоюзса выставка вылын сійӧ вӧлі медбур колхозъяс лыдын.
• 1930 воын сиктын вӧліны школа, лыддьысян керка, паракодъяслы сулаланін, потребительскӧй котыр, ӧта-мӧдлы отсӧг сетан крестьяналӧн комитет, милиция участок, фельдшер-акушер пункт.
• 1936 воын Покчаын заводитісны стрӧитны баржаяс.
• 1946 воын вӧлі котыртӧма Покчаса культура керка.
• 1784 воын — Покчинскӧй грезд, 25 овмӧс, 195 морт.
• 1859 воын — Покчинскӧй грезд (Пичдін), 67 овмӧс да 314 морт.
Печӧра юлӧн веськыд берегын, Покча сиктлы пӧшти воча, видзьяс вылын эм «Трӧш оланін». Важ олысьяс эскӧдӧмаӧсь, мый Трофим ХVІІ нэмын на чери кыян Пидж ю вом да Печӧраса джуджыд Куръя дорын стрӧитӧма ассьыс керкасӧ, кытчӧ вуджӧдӧма Мылдінысь семьясӧ. Тулыснас Печӧра ойдліс да босьтліс сійӧ местасӧ. Семья шуис овмӧдчыны шуйгавывса джуджыд берегӧ, кӧні вӧліны бур муяс. Тадзи тыдалӧ, мый Покча сикт чужӧма XVII нэмын на, а абу XVIII нэмын[7].
Йӧз
1926 воын Покча сиктын вӧлі 95 овмӧс да 326 олысь.
1970 воын Покчаын оліс 882 морт. 1979 во кежлӧ коли 360 морт. 1989 воын сиктын вӧлі 371 олысь, комияс; 1992 воын — 403 олысь; 2000 воын — 394 морт да 132 овмӧс; 2012 воын — 340 морт, 118 овмӧс[7].
Инфраструктура
• «Покча» сикт овмӧдчӧминлӧн администрация;
• «Г. А. Фёдоров нима Мылдін овмӧдчӧминкостса шӧр библиотека» муниципальнӧй сьӧмкуд культура учреждениелӧн филиал[11].
Пасйӧдъяс
- ↑ Почтовые индексы Троицко-Печорский р-н. Шыӧдчан кадпас: 18 йирым тӧлысь 2025. Архивируйтӧма 7 сора тӧлысь 2019.
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ О муниципальном образовании. Официальный сайт сельского поселения «Покча». Шыӧдчан кадпас: 18 йирым тӧлысь 2025.
- ↑ Генеральный план сельского поселения «Покча» муниципального образования муниципального района «Троицко-Печорский». Федеральная государственная информационная система территориального планирования. Шыӧдчан кадпас: 18 йирым тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ 1 2 История с. Покча. Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 19 йирым тӧлысь 2025.
- ↑ Троицко-Печорский район. Троицко-Печорск. Краткая справка.
- ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
- ↑ Список организаций в регионе Республика Коми, Районы Республики Коми, Троицко-Печорский район, Административные территории Троицко-Печорского р-на, село Покча. Шыӧдчан кадпас: 18 йирым тӧлысь 2025.
Литература
• Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.
Ыстӧгъяс
• Мылдін районлӧн официальнӧй сайт (рус.). admtrpk.gosuslugi.ru.
• «Покча» сикт овмӧдчӧминлӧн сайт (рус.). pokcha-r11.gosweb.gosuslugi.ru.
| Мылдін районса муниципальнӧй юкӧнъяс | ||
|---|---|---|
| Кар овмӧдчӧмин |  | |
| Сикт овмӧдчӧмин | ||
| Мылдін районса оланінъяс | ||
|---|---|---|
|
| |