Знаменка (Мылдін район)

Знаменка
	Посёлок
Знаменка
	61°58′14″ с. ш. 56°51′22″ в. д.GЯO
Страна	Россия
РФ-са субъект	Коми Республика
Муниципальнӧй район	Мылдін район
Сикт овмӧдчӧмин	Знаменка (сикт овмӧдчӧмин)
История да география
Медводдзаысь пасйӧма	1956
Воддза нимъяс	Пожӧгодскӧй, Пожӧг
Час кытш	UTC+3:00
Йӧз
Олысь лыд	▼146 морт (2021);
Войтырсикасъяс	рочьяс
Официал кыв	коми, роч
Лыдпаса идентификаторъяс
Пошта индекс	169435
ОКАТО код	87236813001
ОКТМО код	87636413101
	Знаменка Москва Знаменка

Знаменка (рочӧн Знаменка) — Коми Республикаын Мылдін районса посёлок, Знаменка сикт овмӧдчӧминлӧн административнӧй шӧрин.

Ним артмӧм

Посёлоклӧн нимыс йитчӧма знамя важ роч кывкӧд — «пас, печать» либӧ знамение кывкӧд — «пас, туналӧм»^[2].

География

Посёлокыс меститчӧ районлӧн лунвыв юкӧнын Печӧра юлӧн веськыд берегын, Мылдін посёлоксянь веськыда лунвыв-асыв-лунвывлань 88 километр ылнаын.

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см^[3].

Час кытш

Знаменка, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[4].

История

1940-ӧд воясся топография картаяс вылын абу индӧма. 1956 вося лыддьӧгын — Мамыль сикт сӧветын вӧр лэдзысьяслӧн Пожӧгодскӧй (Пожӧг) посёлок. 1950-ӧд вояс помся топография картаяс вылын — Пожӧгса вӧр участок. 1959 вося рака тӧлысь 27-ӧд лунӧ нимтӧма Знаменка посёлокӧн. 1959 воын тані оліс 92 морт. 1959 вося рака тӧлысь 27-ӧд лунсянь 1971 вося моз тӧлысь 10-ӧд лунӧдз — Мамыль сикт сӧветса шӧрин. 1971—1986 воясӧ пырӧ Комсомольск сикт сӧветӧ. 1986 вося сора тӧлысь 10-ӧд лунсянь — Знаменка сикт сӧветса шӧрин. 1970 воын посёлокын оліс 1080 морт, 1979 воын — 1123 морт, 1989 воын — 847 морт, на пиысь 68 % рочьяс; 1992 воын — 843 морт, 2000 воын — 515 морт^[5].

Елизавета Михайловна Ткачевалӧн казьтылӧмъясысь:

«1953 вося кӧч тӧлысся ӧти лунӧ, Печӧра юлӧн веськыд берегын, Мамыль грездлы паныд, чеччисны Ылыдздінысь воӧм том йӧз. Медводз татчӧ воӧм 12 мортыс овмӧдчӧмаӧсь Мамыльӧ. Аскиа посёлок местаӧ кутісны вайны пӧвъясысь чукӧртӧм керкаяс. Регыд найӧ кутісны сулавны Пожӧг ю вом дорын. Выль посёлоксӧ кутісны шуны Усть-Пожӧгӧн, регыд тані вӧлі восьтӧма Пожӧгса вӧр пункт. Ӧлӧмыс тані вӧлі сьӧкыд: биыс эз вӧв, вӧдитчим ас вӧчӧм сисьясӧн. Но олім гажаа. Вӧрсӧ пӧрӧдлісны вуджъя пила отсӧгӧн, ки помысь тэчлісны бунтъясӧ, хлыстъяссӧ кыскалісны си доддьӧн. Сёрӧнджык нин делянка вылӧ вайисны газогенераторнӧй тракторъяс. Посёлок быдмис, кыпалісны выль керкаяс, воссисны нянь пӧжаланін да конюшня. 1959 воын вӧр пункт лои медбуръяс лыдын, сы йылысь тӧдмаліс став страна. Уджын ыджыд петкӧдласъясысь сылы вӧлі сетӧма РСФСР-са Медвылыс Сӧветса Президиумлысь вуджан Гӧрд Знамя. Вуджан знамя сетӧмкӧд йитӧдын кыпыд чукӧртчылӧм дырйи вӧлі шуӧма сетны Усть-Пожӧглы Знаменка выль ним, кыдзи нималана посёлоклы. 1960 восянь Знаменка лоис Мамыль сикт сӧветлӧн шӧринӧн. Медводдза веськӧдлысьӧн лоис Валентина Ивановна Ушакова. Вӧлі стрӧитӧма медводз ичӧт, сэсся шӧр школа, пошта, клуб. 70-ӧд воясӧ вӧлі кыпӧдӧма кык судта квайт керка. Уджаліс больнича стационарӧн, вӧлі аслас рентген. Вӧлі восьтӧма кык детсад, столӧвӧй, кулинария магазинъяс»^[6].

Йӧз

Олысь лыд
1989	2000^[7]	2002	2010^[8]	2021^[9]
845	↘515	↘413	↘291	↘146

100

200

300

400

500

600

700

800

900

2021

2002 воын посёлокын пыр оліс 413 морт (рочьяс 74 %)^[10], 2010 воын — 291 морт^[11].

Нималана эмторъяс

Знаменка (важ йӧзлӧн) оланін (рочӧн Знаменская стоянка) — археология памятник. Меститчӧ Знаменка посёлок войвыв помын, Печӧра юлӧн веськыд берегын. Сэтысь аддзӧма би изъя кӧлуй, биа из вӧчан колясъяс, гырнич вӧчӧмторъяс. Восьтӧмаӧсь 1962 воын В. И. Канивец да В. Е. Лузгин. Оланіныс артмӧма сёр ыргӧн-бронза нэмся кадӧ^[12].

Пасйӧдъяс

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
↑ Муниципальное образование сельского поселения «Знаменка» Троицко-Печорского района Республики Коми. Материалы по обоснованию генерального плана. Текстовая часть (неопр.). Федеральная государственная информационная система территориального планирования (2014). Шыӧдчан кадпас: 9 йирым тӧлысь 2025.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
↑ Сельское поселение «Знаменка» (неопр.). МБУК Троицко-Печорский районный музей Республика Коми. Шыӧдчан кадпас: 8 йирым тӧлысь 2025.
↑ Сельское поселение «Знаменка» (неопр.). Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 9 йирым тӧлысь 2025.
↑ Троицко-Печорский район. Троицко-Печорск. Краткая справка (неопр.).
↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).
↑ https://rosstat.gov.ru/storage/mediabank/Tom1_tab-5_VPN-2020.xlsx (неопр.).
↑ Коряков Ю.Б. База данных «Этно-языковой состав населённых пунктов России» (неопр.). Шыӧдчан кадпас: 9 йирым тӧлысь 2025. Архивируйтӧма 13 сора тӧлысь 2014.
↑ Всероссийская перепись населения 2010. Итоги переписи по Республике Коми. Том 1 Численность, размещение, возрастно-половой состав населения (неопр.). Федеральная служба государственной статистики (2018). Шыӧдчан кадпас: 9 йирым тӧлысь 2025. Архивируйтӧма 11 сора тӧлысь 2021.
↑ Сельское поселение «Знаменка» (неопр.). Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 9 йирым тӧлысь 2025.

Литература

Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Мылдін районлӧн официальнӧй сайт (рус.). admtrpk.gosuslugi.ru.
Знаменка сикт овмӧдчӧминлӧн сайт (рус.). znamenka-r11.gosweb.gosuslugi.ru.

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[2] Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.

[3] Муниципальное образование сельского поселения «Знаменка» Троицко-Печорского района Республики Коми. Материалы по обоснованию генерального плана. Текстовая часть (неопр.). Федеральная государственная информационная система территориального планирования (2014). Шыӧдчан кадпас: 9 йирым тӧлысь 2025.

[4] Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).

[5] Сельское поселение «Знаменка» (неопр.). МБУК Троицко-Печорский районный музей Республика Коми. Шыӧдчан кадпас: 8 йирым тӧлысь 2025.

[6] Сельское поселение «Знаменка» (неопр.). Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 9 йирым тӧлысь 2025.

[7] Троицко-Печорский район. Троицко-Печорск. Краткая справка (неопр.).

[8] Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).

[9] ttps://rosstat.gov.ru/storage/mediabank/Tom1_tab-5_VPN-2020.xlsx (неопр.).

[10] Коряков Ю.Б. База данных «Этно-языковой состав населённых пунктов России» (неопр.). Шыӧдчан кадпас: 9 йирым тӧлысь 2025. Архивируйтӧма 13 сора тӧлысь 2014.

[11] Всероссийская перепись населения 2010. Итоги переписи по Республике Коми. Том 1 Численность, размещение, возрастно-половой состав населения (неопр.). Федеральная служба государственной статистики (2018). Шыӧдчан кадпас: 9 йирым тӧлысь 2025. Архивируйтӧма 11 сора тӧлысь 2021.

[12] Сельское поселение «Знаменка» (неопр.). Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 9 йирым тӧлысь 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

Мылдін районса муниципальнӧй юкӧнъяс
Кар овмӧдчӧмин	Мылдін
Сикт овмӧдчӧмин	Знаменка Комсомольск-на-Печоре Куръя Митрӧпандікост Мылва Улыс Омра Покча Приуральскӧй Ылыдздін Якша