Волосница (Мылдін район)

Босьтӧма Рувикиысь
Грезд
Волосница
Волосница Троицко-Печорский район.jpg
61°43′12″ с. ш. 57°09′59″ в. д.GЯO
Страна  Россия
РФ-са субъект Коми Республика
Муниципальнӧй район Мылдін район
Сикт овмӧдчӧмин Куръя (сикт овмӧдчӧмин)
Медводдзаысь пасйӧма 1809 во
Час кытш UTC+3:00
Йӧз
Олысь лыд 26 морт (2007 во)
Войтырсикасъяс рочьяс
Официал кыв коми, роч
Лыдпаса идентификаторъяс
Пошта индекс 169438
ОКАТО код 87236833002
ОКТМО код 87636433111
Волосница (Мылдін район) (Россия)
Точка
Волосница
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтВолосница (Мылдін район) (Республика Коми)
Описание изображения
Точка
Точка
Волосница

Волосница (рочӧн Волосница) — Коми Республикаын Мылдін районса Куръя сикт овмӧдчӧминӧ пырысь грезд.

Ним артмӧм

Грездлӧн нимыс йитчӧма Волосница гидронимкӧд (Печӧра юлӧн шуйга вож). Нимыс йитчӧма волок роч апеллятивкӧд — «ӧти ю ковтысысь мӧдӧ пыжъяс кыскалан ин». Волосница кыв артмӧма волочница роч кывйысь — «неыджыд вӧлӧк». Гидронимыс эскӧдӧ, мый Волосница (Печӧра ю ковтыс) да Вогулка (Кама ю ковтыс) юяс костын збыльысь вӧлӧма вӧлӧк[1].

География

Грездыс меститчӧ Коми Республикаын Мылдін район лунвылын, Печӧра юлӧн веськыд берегын Куръя сиктсянь, ӧти нима сикт овмӧдчӧминлӧн административнӧй шӧринсянь 25 километра ылнаын[2] да Мылдін посёлоксянь веськыда лунвыв-асыв-лунвывлань 120 гӧгӧр километр ылнаын.

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см[3].

Час кытш

Волосница, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].

История

Легенда серти, вӧлі артмӧдӧма 1671 воын[K 1] Чердінын олысь Семен Девятковӧн[5]. 1731 вося «Провинция Соли Камской верхней части» карта вылын[6], мый пырӧ Иван Кирилловлӧн «Ставроссияса империя атласӧ», пасйӧма кыдзи «Усть-Волосница грезд» да петкӧдлӧма Печӧра юлӧн шуйга берегын Волосница юлӧн сэтчӧ усянінсянь улынджык.

1792 вося Россияса атласысь карта вылын Перымса наместничествоӧ пырысь Усть-Волосница

1792 вося Россияса атласысь Вӧлӧгдаса наместничестволӧн карта вылын «Усть-Волосницасӧ» петкӧдлӧма Печӧра юлӧн веськыд берегын[7]. История наукаса доктор И. Л. Жеребцовлӧн видзӧдлас серти, грездыс артмис XVIII—XIX нэмъяс тшупӧдын[2]. Сійӧ вӧлі меститчӧ Кама бердсянь Печӧра ю вылӧ петкӧдан туй вылын (Волоснича да Вогулка юяс костын вӧлӧма вӧлӧк, кыті вузасьысьяс Камасянь веськавлісны Печӧра ковтысӧ)[5][2][8][9]. И. Л. Жеребцов чайтӧ, мый грездлы подувсӧ пуктӧмаӧсь Кама вожса йӧз — рочьяс либӧ рочмӧм пермякъяс[2].

Пырліс Перым губернияса Чердін уездӧ (сэсся — Урал обласьтса Ныроб районӧ)[2].

1809 воын тані вӧлі 3 овмӧс, 1840 воын — 5 овмӧс[2], 1844 воын — 14 овмӧс[10]. Вӧліны куим класса земскӧй школа, вузасян лавка[10]. 1909 воын — 17 овмӧс, 99 олысь, 1927 воын — 24 овмӧс, 106 олысь[2].

1928 воын Куръя сикт сӧветса олысьяс, кытчӧ пырис Усть-Волосница, корисны, медым найӧс йитасны Коми (Зыряна) асвеськӧдлан обласьт дорӧ. Кӧть тані и олісны рочьяс, найӧ экономика боксянь вӧлі топыдджыка йитчӧмаӧсь Мылдін районса коми грездъяскӧд, а эз Кама бердса роч сиктъяскӧд[2]. 1931 вося косму тӧлысь 10-ӧд лунӧ ВЦИК Президиум шуис[5] пыртны Печӧра йывса сикт-грездъяссӧ, Коми асвеськӧдлан обласьтӧ, но тайӧс вӧлі олӧмӧ пӧртӧма сёрӧнджык[2]. 1938 да 1945 воясся картаяс вылын, 1940 воясся топографическӧй картаяс вылын — «Усть-Волосница»[2]. Сӧмын 1949 во помын грездсӧ вӧлі пыртӧма Коми АССР-ӧ[2]. 1956 вося олан пунктъяслӧн лыддьӧгын — «Волосница», татчӧс колхозыс шусис «Уджвывса Герой»[2].

1959 воын грездын олӧма 159 морт, 1970 воын — 106, 1979 воын — 74, 1989 воын — 44 (23 мужичӧй, 21 ань), 1995 во заводитчигӧн — 29 морт[2], 2000 воын — 24 морт. 2002 воын пыр оліс 25 морт (рочьяс 92 %)[11], 2010 воын — 20 морт[12].

Йӧз

Вояс да олысь лыд
1909 1927 1959 1970 1979 1989 2000 2007
99 106 159 106 74 44 24 26

Нималана эмторъяс

Усть-Волосница (важ йӧзлӧн) оланін (рочӧн Усть-Волосницкая стоянка) — археология памятник. Меститчӧ Выль Куръя посёлоксянь рытыввывлань, Печӧра юлӧн шуйга берегын. Аддзӧма культура визь, кытысь сюрӧма би изъя кӧлуй, биа из вӧчан колясъяс, сёй дозмук торъяс. Восьтӧма 1962 воын В. И. Канивец. Оланіныс артмӧма сёр бронза нэмӧ[13].

Гӧгӧрвоӧдӧмъяс

  1. ↑ 1681 воын сар Фёдор Алексеевичлӧн грамотаӧн Вогулка (Кама ковтыс) да Волосница (Печӧра ковтыс) юяс костын Печӧраса вӧлӧксӧ — тӧдчана туй, кыті вузасьысьяс Кама бердсянь веськавлісны Печӧра вожӧ — 5 во вылӧ сетлісны кӧртымӧ Чердінын олысь Сенька Девятковлы.
    Видзӧд: Грамота (1681 г.) Царя Феодора Алексеевича о переоброчке Печерского волока // Русская старина. — 1907. — № 10. (текст воспроизведен на сайте vostlit.info)

Пасйӧдъяс

  1. ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
  2. ↑ 1 2 3 4 5 6 7 8 9 10 11 12 13 Жеребцов И. Л. Населенные пункты Республики Коми: историко-демографический справочник. — М.: Наука, 2001. — С. 86—87. — 579 с. — ISBN 5-02-008421-2.
  3. ↑ Городское поселение «Троицко-Печорск». Генеральный план. Обоснование. Пояснительная записка. Том 2. Федеральная государственная информационная система территориального планирования (2016). Шыӧдчан кадпас: 8 йирым тӧлысь 2025.
  4. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  5. ↑ 1 2 3 с. Куръя (рус.). Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 8 йирым тӧлысь 2025. Архивируйтӧма 14 моз тӧлысь 2020.
  6. ↑ Карта 1731 года «Провинции Соли Камской верхняя часть» из Атласа Кирилова. Руниверс: Электронная энциклопедия и библиотека. Шыӧдчан кадпас: 8 йирым тӧлысь 2025.
  7. ↑ Карта Вологодского наместничества. Российский атлас 1792 года. Шыӧдчан кадпас: 8 йирым тӧлысь 2025.
  8. ↑ Волосница (Мылдін район) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  9. ↑ Волосница (Мылдін район) // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  10. ↑ 1 2 Малая Родина в лицах и фактах : Троицко-Печорский район до 1907 года: дайджест по страницам районной газеты «Заря» / сост. Л.Г. Шахтарова. — Троицко-Печорск: МБУК «Троицко-Печорская МЦБ», 2012. — С. 10. — 30 с.
  11. ↑ Коряков Ю. Б. База данных «Этно-языковой состав населённых пунктов России» (рус.). // Lingvarium Project. Шыӧдчан кадпас: 8 йирым тӧлысь 2025. Архивируйтӧма 16 вӧльгым тӧлысь 2017.
  12. ↑ Всероссийская перепись населения 2010. Итоги переписи по Республике Коми. Том 1 Численность, размещение, возрастно-половой состав населения. Территориальный орган Федеральной службы государственной статистики по Республике Коми (2018). Шыӧдчан кадпас: 8 йирым тӧлысь 2025.
  13. ↑ Село Куръя. Официальный сайт МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 10 йирым тӧлысь 2025.

Литература

  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
  • Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Босьтӧма "https://kv.ruwiki.ru/w/index.php?title=Волосница_(Мылдін_район)&oldid=482680"-ысь