Тимушбор (Мылдін район)

Босьтӧма Рувикиысь
Посёлок
Тимушбор
Тимушбор.jpg
63°07′40″ с. ш. 55°58′26″ в. д.GЯO
Страна  Россия
РФ-са субъект Коми Республика
Муниципальнӧй район Мылдін район
Сикт овмӧдчӧмин Митрӧпандікост
Шӧрин вылна 111 м
Час кытш UTC+3:00
Йӧз
Олысь лыд 83[1] морт (2010)
Официал кыв коми, роч
Лыдпаса идентификаторъяс
Пошта индекс 169443
ОКАТО код 87236844007
ОКТМО код 87636444111
Тимушбор (Мылдін район) (Россия)
Точка
Тимушбор
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтТимушбор (Мылдін район) (Республика Коми)
Описание изображения
Точка
Точка
Тимушбор

Тимушбор (рочӧн Тимушбор) — Россиялӧн Коми Республикаын Мылдін районса Митрӧпандікост сикт овмӧдчӧминӧ пырысь посёлок.

Ним артмӧм

Посёлок ним подулын — Тимуш ас ним (каноническӧй Тимофей нимысь) да роч бор кыв — «лыска вӧр». Артмӧ, мый Тимушбор — «Тимофейлӧн лыска вӧр»[2].

География

Посёлокыс меститчӧ Коми Республикалӧн асыв-лунвыв юкӧнын, Печӧра увтасінын[3], Печӧра юлӧн веськыд берегын, Мылдін кар кодь посёлоксянь, районлӧн административнӧй шӧринсянь, веськыда войвывлань-рытыв-войвывлань 41 километр ылнаын; Митрӧпандікост сикт овмӧдчӧминсянь 28 километр ылнаын[4]. Саридз веркӧсвесьтса вылнаыс — 111 метра.

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи медся кӧдзыд тӧвшӧр тӧлысьын шӧркодь температураыс −18 °C (градусникын медся ыджыд лыдпасыс вӧлӧма −51 °C), медся шоныд сора тӧлысьын 15,9 °C (медся ыджыд температура вӧлӧма 35 °C). Шӧркодя вонас усьӧ 590 мм лым-зэр, та дырйи 409 миллиметрыс усьӧ косму тӧлыссянь вӧльгым тӧлысьӧдз. Вонас шоныд луныс сӧмын 176[3].

Час кытш

Тимушбор, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[5].

История

1938 вося карта вылын сійӧ местаас, кӧні ӧні сулалӧ Тимушбор, пасйӧма Колидынь оланін, 1945 вося карта вылын — Гаевлӧн керка да (нимтӧм) барак. 1940-ӧд воясся топография картаяс вылын — (нимтӧм) баракъяс. Коми АССР-са олан пунктъяслӧн 1956 вося лыддьӧгын казьтывсьӧ кыдзи Тимошбор вӧр лэдзысьяслӧн посёлок [6].

Висьталӧмъяс серти, 1952 вося лӧддза-номъя тӧлысьын Печӧра юлӧн веськыд берегӧ, Петрушин грездлы паныд, чеччисны 4 морт — куим слесар да механик Евгений Иванович Мезенцев. Группалы вӧлі индӧма мог — котыртны сезонся, гожся вӧр заптӧм. Тадзи заводитчыліс Митрӧпан вӧр пункт улӧ пырысь Тимушборса мастерскӧй участоклӧн уджыс. Сёрӧнджык, во мысти, мастерскӧй участок лои вӧр пунктӧн.

Тимушбор 60-ӧд воясӧ

Евгений Иванович Мезенцевлӧн казьтылӧмъяс:

«1952 вося лӧддза-номъя тӧлысь заводитчигӧн, механикъяслысь курсъяс помалӧм бӧрын, менӧ мӧдӧдісны Митрӧпан вӧр пунктӧ сменаса механикӧн. Сэсянь ыстісны Мылдінӧ, леспромхозса директорӧн сэки вӧлі Николай Александрович Сухоруков. Сійӧ тшӧктіс вичмӧдӧм автомашинаяссӧ, кодъяс уджалісны пес вылын, ректыны Печӧра юлӧн веськыдладор берегас, Петрушин грездлы паныд»

Е. И. Мезенцев висьтавліс, мый вӧр лэдзанінсӧ вӧлі арталӧма 25 вылӧ. Медводдза делянкаясыс вӧліны посёлоксянь дзик матынӧсь, та вӧсна машинаяс вермисны вӧчны луннас 5-6 рейсӧдз. Уджалісны ставныс бура. Бригадаяс котыртӧм йылысь сёрни эз вӧв, быдӧн вӧчис ассьыс нормасӧ, коді мыйта вермис. Но мукӧддырйиыс пӧрӧдлісны сы мында, мый эз удитлыны петкӧдны став вӧрсӧ улыс складӧ, сійӧ воштывліс ассьыс донсӧ. Водзӧ вылӧ кутісны котыртны бригадаяс, медводз сквознӧй, сэсся ыдждӧдӧм. Вӧр пункт зіля уджаліс, посёлок оліс[7].

Йӧз

Олысь лыд
2002[8]2010[9]2020[10]
146↘83↘35
25
50
75
100
125
150
2002
2010
2020

1959 воын посёлокын оліс 729 морт, рочьяс; 1970 воын — 323 морт, 1979 воын — 295 морт, 1989 воын — 277 морт, на пиысь 40 % рочьяс, 28 % комияс; 1992 воын — 257 морт, 2000 воын — 188 морт[6], 2014 воын — 434 морт, 2015 воын — 103 морт, 2016 воын — 97 морт, 2017 воын — 93 морт, 2018 воын — 91 морт, 2019 воын — 85 морт, 2020 воын — 76 морт, 2021 воын — 72 морт, 2022 воын — 71 морт, 2023 воын — 67 морт, 2024 воын — 66 морт[11].

Аюлов да энюлов серти юклӧм

2010 воын йӧзӧс ставроссияса гижалӧм серти посёлокын олысьяс лыдын 51,8 % вӧлі мужичӧй, 48,2 % — аньяс.

Войтырсикасъяс

2002 воын йӧзӧс ставроссияса гижалӧм серти посёлокын олысь 146 мортысь 44 % вӧліны рочьяс да 39 % коми[12].

Нималана эмторъяс

Петрушинса (важ йӧзлӧн) оланін

Меститчӧ Тимушбор посёлоклӧн мутасын, Петрушин грездлы паныд, нимтӧм шор вомсянь вылынджык. Чукӧртӧма кремния кӧлуй, пластинкаяс, отщепъяс, кильяс да жугласторъяс. Восьтӧма 1951 воын Г. А. Черновӧн. Оланіныс пырӧ мезолит да ыргӧн-бронза нэмъясӧ.

Улыс Петрушинса (важ йӧзлӧн) оланін

Меститчӧ Печӧра юлӧн веськыд берегын, Тимушбор посёлок помын сулалысь керкаясысь рытыв-войвылынджык. Чукӧртӧма кремния кӧлуй да кремний индустрия колясъяс, сёй дозмук торпыригъяс. Восьтӧма 1959 воын Г. А. Черновӧн. Оланіныс пырӧ уна сикас кадӧ — водз неолит (мезолит) кадӧ, ыргӧн-бронза нэмӧ[13].

Инфраструктура

Тимушбор посёлокса дизельнӧй электрическӧй станция («Коми коммунальнӧй технологияяс» АК)[4].

Пасйӧдъяс

  1. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (рус.). Шыӧдчан кадпас: 26 кӧч тӧлысь 2025. Архивируйтӧма 4 рака тӧлысь 2016.
  2. ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
  3. ↑ 1 2 Генеральный план сельского поселения «Митрофан-Дикост» муниципального образования муниципального района «Троицко-Печорский». Федеральная государственная информационная система территориального планирования. Шыӧдчан кадпас: 22 йирым тӧлысь 2025.
  4. ↑ 1 2 О муниципальном образовании. Официальный сайт администрации сельского поселения «Митрофан-Дикост». Шыӧдчан кадпас: 23 йирым тӧлысь 2025.
  5. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  6. ↑ 1 2 История поселения «Митрофан-Дикост». Официальный сайт МБУК Троицко-Печорский районный музей Республика Коми. Шыӧдчан кадпас: 22 йирым тӧлысь 2025.
  7. ↑ История Тимушбора от Дудницкой А.Е. Шыӧдчан кадпас: 23 йирым тӧлысь 2025.
  8. ↑ http://www.perepis2002.ru/content.html?id=11&docid=10715289081460.
  9. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  10. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  11. ↑ История (рус.). Официальный сайт администрации сельского поселения «Митрофан-Дикост». Шыӧдчан кадпас: 23 йирым тӧлысь 2025.
  12. ↑ Коряков Ю. Б. База данных «Этно-языковой состав населённых пунктов России». Шыӧдчан кадпас: 22 йирым тӧлысь 2025. Архивируйтӧма 27 рака тӧлысь 2020.
  13. ↑ История поселения «Митрофан-Дикост» (рус.). Официальный сайт МБУК Троицко-Печорский районный музей Республика Коми. Шыӧдчан кадпас: 22 йирым тӧлысь 2025.

Литература

  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
  • Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Босьтӧма "https://kv.ruwiki.ru/w/index.php?title=Тимушбор_(Мылдін_район)&oldid=482776"-ысь