Улыс Омра (Мылдін район)

Босьтӧма Рувикиысь
Тайӧ терминыслӧн эмӧсь мӧд вежӧртасъяс, видзӧд Улыс Омра.
Посёлок
Улыс Омра
Нижняя Омра Троицко-Печорский район.jpg
Канпас
Канпас
62°45′20″ с. ш. 55°49′49″ в. д.GЯO
Страна  Россия
РФ-са субъект Республика Коми
Муниципальнӧй район Мылдін район
Сикт овмӧдчӧмин Улыс Омра
История да география
Посёлок  1992
уджалысьяслӧн посёлок 1955
Час кытш UTC+3:00
Йӧз
Олысь лыд
Официал кыв коми, роч
Лыдпаса идентификаторъяс
Пошта индекс 169425
ОКАТО код 87236850001
ОКТМО код 87636450101
Улыс Омра (Мылдін район) (Россия)
Точка
Улыс Омра
Red pog.svg
Москва
Чилимдін районУскар кар кытшИнта кар кытшВӧркута кар кытшПечӧра районИзьва районУдора районЕмдін районСыктывдін районСыктыв районЛуздор районКойгорт районКӧрткерӧс районКулӧмдін районМылдін районВуктыл кар кытшСосногорск районУква кар кытшКняжпогост районЯран асвеськӧдлан кытшЯмал-Яран асвеськӧдлан кытшХанты-Вӧгул асвеськӧдлан кытш — ЮграПерым крайСвердловск обласьтАрхангельск обласьтКиров обласьтКострома обласьтВӧлӧгда обласьтУлыс Омра (Мылдін район) (Республика Коми)
Описание изображения
Orange pog.svg
Сыктывкар
Точка
Улыс Омра

Улыс Омра (рочӧн Нижняя Омра) — Россиялӧн Коми Республикаын Мылдін районса посёлок. Улыс Омра сикт овмӧдчӧминлӧн административнӧй шӧрин.

Ним артмӧм

Посёлоклӧн нимыс йитчӧма Улыс Омра гидронимкӧд. Улыс Омра — ю, Сойва юлӧн шуйга вож. Коми «Улыс Омра» — «омраӧн (быдмӧг) озыр улыс ю». Улыс кывберд петкӧдлӧ, мый эм ӧти нима объект вылыс кывбердӧн (Вылыс Омра ю)[2].

Канпас

Примитӧма 2001 воын. Канпасыс — тайӧ ромб, кӧні серпасалӧма овмӧдчӧминлысь медшӧр удж сикасъяссӧ: мусир перйӧм да вӧр заптӧм[3]

География

Посёлокыс меститчӧ Сойва юлӧн шуйга берегын (Печӧра юлӧн ковтыс), кӧні усьӧ Улыс Омра ю, Мылдін кар кодь посёлоксянь, районлӧн административнӧй шӧринсянь, рытыв-войвывлань 20 километр ылнаын. Сыктывкар ӧдз — 478 километр[4].

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см[5].

Час кытш

Улыс Омра, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[6].

История

Войнабӧрса вит воӧ Мылдін район вӧвлытӧма сӧвмис-дзоридзаліс. Айму вӧсна Ыджыд тыш бӧрын Мылдін районын заводитісны ёнджыка корсьны мусир да биару.
• 1949 воын Улыс Омраысь аддзисны биару. Тайӧ жӧ воас Омраӧ вайӧны заключённӧйяслысь медводдза этап. 1951 воын аддзисны мусир. Заводитісны перйыны куйлӧдсӧ, чужис посёлок, сійӧс официальнӧя пасйисны 1955 вося ӧшым тӧлысь 1 лунӧ кыдзи Улыс Омраса уджалысьяслӧн посёлок.
• 1949 во — медицина служба котыртӧм. Сӧветскӧй улича вылын, кык жыръя да ичӧтик кухняа ичӧтик пу керкаын, меститчӧ медводдза амбулатория (медводдза врач — П. И. Канев)
• 1953—1975 вояс — Улыс Омра — «Войвожнефтегазоразведка» трестлӧн базӧвӧй посёлок. Тані уджалісны буритчан экспедиция, вышкомонтажникъяслӧн, капитальнӧя стрӧитчан контора, автотранспорт колонна да мукӧд специализируйтӧм службаяс. Промышленнӧй предприятиеяс — Липецкса ЛПХ (1963 во), Ставропольса ЛПХ (1963 во), Белгородса ЛПХ Л/У (1965 во).
• 1955 воын Дизельнӧй уличаса 4 керкаын воссисны пошта. Пошта новлысьяс лыдын вӧліны Л. И. Болотова, А. Д. Галицкая. Пошта уджавны заводитӧм бӧрын посёлокӧ заводитісны воны газетъяс.
• 1955 воын ЖКК-лӧн жырйын воссис аптека. Лекарствояссӧ дасьтісны да лэдзисны В. А. Плехова да В. Т. Нагаева.
• 1957 во — кыпӧдісны 260 места вылӧ 2 судтаа школа.
• 1958 воын заводитіс уджавны нянь пӧжалан завод.
• 1967 во — воссис 530 места вылӧ 3 судта школа.
• 1980 во — Улыс Омра посёлокса сӧвет мутасын оліс 4500 морт, школаын лыддьыссис 1005 велӧдчысь. Медсанчасьтын 50 койка вылӧ уджалісны 8 врач, 33 шӧр медицина уджалысь, 31 могмӧдысь ичӧт персонал. Йӧзыс быд тӧлысь босьтлісны 38 сюрс экземпляр газет-журнал (265 ним). Телефон станцияын вӧлі 450 номер.
• 1980 во — восьтісны МСКОШИ (школа-интернат).
• 1989 воын посёлокын оліс матӧ 30 войтырсикаса 2443 морт.
• 1992 вося сора тӧлысь 14-ӧд лунӧ лоис посёлокӧн.
• 2002 во — восьтісны Челядь керка
• 2003 во — восьтӧма социальнӧя реабилитируйтан шӧрин[7][8][9].

Майя Александровна Белковалӧн казьтылӧмъясысь (олӧ Улыс Омраын 1952 восянь. Сэки посёлокын вӧлі нёль улича — Сӧветскӧй, Школадор, Комсомольскӧй да Дизельнӧй):

«Посёлокын олысьыс этша вӧлі. А зонаыс ыджыд, уна пукалысь. Найӧ стрӧитісны керкаяс, бурӧвӧйяс, нюжӧдісны туйяс… 1953 восянь заводитісны стрӧитны Чойвыв улича. Водзӧ стрӧитісны Сӧветскӧй да Школадор уличаяс. Восьтісны выль столӧвӧй. 1954 вося вӧльгым тӧлысь 7-ӧд лунӧ посёлокса олысьяс чукӧртчылісны выльӧн на кыпӧдӧм клубӧ. Тайӧ жӧ воас Улыс Омраса дзолюклы воссисны выль детсадъяс — „Березка“ да „Малышок“. 1955 воын кыпӧдісны ва сетан башня да пывсян, магазин. Заводитісны стрӧитны Мир улича да водзӧ йитісны Октябр уличасӧ Ухтаса трассакӧд. Пыртісны уджӧ Первомай улича пельӧсын кык судта медводдза керка. 1958 воын заводитіс уджавны нянь пӧжалан завод. Выльысь стрӧитісны электростанция да котельнӧй.

Сійӧ воясӧ посёлокын вӧлі нелямынысь унджык вӧв. Васӧ новлӧдлісны вӧла додьясын 1959 воӧдз. Сэсся нин — машинаясӧн, сувтӧдісны колонкаяс»[9]</ref>.

Йӧз

Олысь лыд
1959[10]1970[11]1979[12]1989[13]2010[14]2012[15]
5311↘4172↘3351↘2443↘791↗1119
2021[16]
↘566
1000
2000
3000
4000
5000
6000
1970
2021

1989 воын посёлокын оліс 2443 морт. 1998 вося статистика мыччӧдъяс серти олысь лыдыс вӧлі 1548 морт, 762 овмӧс. 2000 воын — 1391 морт, 2012 воын — 1119 морт. 2023 вося тӧвшӧр тӧлысь 1 лун вылӧ Улыс Омра посёлокын оліс 640 морт[8].

Инфраструктура

2013 воын Улыс Омраын уджалісны социальнӧй юкӧнса татшӧм учреждениеяс: Культура керка, подув школа — сад, 15 №-а Челядь керка, Улыс Омраса врачебнӧй амбулатория, «Нижнеомринская нефть» ИКК (мусир перйӧм), нянь пӧжалан завод[17].

Нималана йӧз

Швецов Виктор Григорьевич — серпасасьысь.

Швецов Виктор Григорьевич — серпасасьысь

Нималана эмторъяс

Айму вӧсна Ыджыд тышын участвуйтысь землякъяслы казьтылан плита Сувтӧдӧма 2010 воын.

Школа стрӧйба вылын мемориальнӧй пӧв: "Быков Геннадий Геннадьевич пӧртіс олӧмӧ Афганистанын интернациональнӧй мог. 367-ӧд парашютно-десантнӧй полкса снайпер. Пӧгибнитіс тышын 1985 вося кӧч тӧлысь 26-ӧд лунӧ. Повтӧмлунысь наградитӧма «Гӧрд Звезда» орденӧн. Казьтылан пӧвсӧ сувтӧдӧма 2004 воын.

Историческӧй места — Ухтпечлаг лагпунктын пукалысьяслӧн зона да шойна места[9].

Сойваса биологическӧй заказник

Котыртӧма 1984 воын Коми АССР-са Министръяс Сӧветлӧн 1984 во рака тӧлысь 29 лунся 90 №-а шуӧм серти. Мог — видзны важысь кольӧм крежвывса флора комплекссӧ.

Сійӧ сулалӧ Улыс Омра посёлок гӧгӧрын. Сойва ю ковтысын, сылӧн площадьыс — 4000 га, кузьтаыс — 20 км: Гришестав урочищесянь Омра ю вомӧдз. Заказниклӧн Урал дорӧ матыслун вӧсна флораын эмӧсь сибырса сикасъяс, кутшӧмъяслӧн пайыс 8 % гӧгӧр. Ньыв, коз, сус да ниа пуясысь кындзи на лыдӧ пырӧны маръямоль, адонис да ӧткымын мукӧд быдмӧг.

Сойваса биологическӧй заказник

Заказник мутасын быдмӧны:
• 199 рӧдысь да 68 котырысь 315 сикас сосудистӧй быдмӧг;
• 57 рӧдысь да 29 котырысь 96 сикас коръя-заа нитш;
• 37 рӧдысь да 23 котырысь 65 сикас печеночник да сылӧн кык торъя сикас;
• 38 рӧдысь да 23 котырысь 100 сикас да ӧти сикасув рой;
• 56 рӧдысь да 32 котырысь 98 сикас афиллофор тшак[18].

Пасйӧдъяс

  1. ↑ https://rosstat.gov.ru/storage/mediabank/Tom1_tab-5_VPN-2020.xlsx
  2. ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
  3. ↑ Символика (рус.). Официальный сайт администрации сельского поселения «Нижняя Омра». Шыӧдчан кадпас: 18 йирым тӧлысь 2025.
  4. ↑ Поселок Нижняя Омра (рус.). Официальный сайт администрации сельского поселения «Нижняя Омра». Шыӧдчан кадпас: 16 йирым тӧлысь 2025.
  5. ↑ Муниципальное образование сельского поселения «Знаменка» Троицко-Печорского района Республики Коми. Материалы по обоснованию генерального плана. Текстовая часть (рус.). Федеральная государственная информационная система территориального планирования (2014). Шыӧдчан кадпас: 15 йирым тӧлысь 2025.
  6. ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
  7. ↑ История (рус.). Официальный сайт администрации сельского поселения «Нижняя Омра». Шыӧдчан кадпас: 17 йирым тӧлысь 2025.
  8. ↑ 1 2 Нижняя Омра (рус.). Официальный сайт администрации сельского поселения «Нижняя Омра». Шыӧдчан кадпас: 17 йирым тӧлысь 2025.
  9. ↑ 1 2 3 Сельское поселение «Нижняя Омра» (рус.). МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 18 йирым тӧлысь 2025.
  10. ↑ Всесоюзная перепись населения 1959 года. Численность городского населения РСФСР, её территориальных единиц, городских поселений и городских районов по полу.
  11. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
  12. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  13. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  14. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  15. ↑ Троицко-Печорский район. Троицко-Печорск. Краткая справка.
  16. ↑ https://rosstat.gov.ru/storage/mediabank/Tom1_tab-5_VPN-2020.xlsx.
  17. ↑ Сельские поселения Троицко-Печорского района. Нижняя Омра (рус.). МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 15 йирым тӧлысь 2025.
  18. ↑ Достопримечательности (рус.). Официальный сайт администрации сельского поселения «Нижняя Омра». Шыӧдчан кадпас: 17 йирым тӧлысь 2025.

Литература

  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
  • Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
  • Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
  • Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Босьтӧма "https://kv.ruwiki.ru/w/index.php?title=Улыс_Омра_(Мылдін_район)&oldid=482731"-ысь