Мылва (Мылдін район)
| Посёлок | |
| Мылва | |
|---|---|
 | |
| 62°41′06″ с. ш. 56°12′05″ в. д.GЯO | |
| Страна |
 Россия |
| РФ-са субъект | Коми Республика |
| Муниципальнӧй район | Мылдін район |
| Сикт овмӧдчӧмин | Мылва (сикт овмӧдчӧмин) |
| История да география | |
| Лӧсьӧдӧма | 1950 |
| Воддза нимъяс | Затон-Сплав |
| Час кытш | UTC+3:00 |
| Йӧз | |
| Олысь лыд | |
| Войтырсикасъяс | рочьяс, коми |
| Официал кыв | коми, роч |
| Лыдпаса идентификаторъяс | |
| Пошта индекс | 169439 |
| ОКАТО код | 87236847001 |
| ОКТМО код | 87636447101 |
|
|
|
Мылва (рочӧн Мылва) — Россиялӧн Коми Республикаын Мылдін районса посёлок, Мылва сикт овмӧдчӧминлӧн административнӧй шӧрин.
Ним артмӧм
Посёлоклӧн нимыс йитчӧма Войвыв Мылва гидронимкӧд. Войвыв Мылва ю — Печӧра юлӧн шуйга вож. Ним подулас ханты мил («джуджыд») да коми ва кывъяс. Войвыв Мылва — «войвывлань кывтысь джуджыд ю» вежӧртасын ним-гибрид[2].
География
Посёлокыс меститчӧ веськыда Мылдін кар кодь посёлок, районлӧн административнӧй шӧрин мудорын, Мылдінлӧн медшӧр юкӧнсянь Войвыв Мылва юлӧн паныд берегын.
- Ывласям
Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см[3].
- Час кытш
Мылва, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ[4].
История
Посёлоксӧ котыртӧма 1950 воын кыдзи Затонса вӧр кылӧдан участок[5]. Медводдза нимыс вӧлӧма Затон-Сплав. Ӧнія нимсӧ сетӧма 1976 воын[6].
1954 воын Затонса кылӧдчан участок — тайӧ ичӧтик посёлок, кӧні вӧлі пӧвъясысь чукӧртӧм сӧмын куим керка: ӧтуволанін, кык патераа керка да вузасян магазин. Вадорын сулалісны механическӧй мастерскӧйяс, суднояс сувтӧдӧм да дзоньталӧм вылӧ база. Кылӧдісны вӧрсӧ пуръясӧн, кӧшельясӧн. Флотӧ пырисны 4 катер: 25 №-а (В. Ф. Попов, А. Д. Шавердук), 20 №-а (Г. М. Влахов, И. Т. Гречкин), 23 №-а (А. И. Зубов, Клар Альбрек), 14 №-а (П. Т. Никольский, В. С. Попов); кык ичӧтик катер да ас вынӧн ветлысь кык лебёдка — «Блокстад» да «Унжовец». Медся ыджыд отсасьысьясӧн вӧліны вӧвъяс. Найӧ кыскалісны ва да пес, петкӧдісны вӧр.
Спецпосёлокъяс (кылӧдчан участокъяс, вӧр участокъяс) пырлісны Ухтпечлаг системаӧ. Медводдза олысьясӧн лоины репрессируйтӧм граждана. Тайӧ мутасыс пырліс Мылдінса 65 №-а спецкомендатураӧ[7].
Йӧз
| 2021[8] |
|---|
| 636 |
2002 воын посёлокын пыр оліс 735 морт (рочьяс 55 %, коми 30 %)[9].
Инфраструктура
- «Мылва» сикт овмӧдчӧминса администрация;
- Челядьӧс видзанін;
- «Мылдін районса культура керка» муниципальнӧй культура учреждениелӧн Мылва сикт кодь посёлокын Сиктса культура керка филиал;
- Библиотека;
- «КТК» ВАК Мылдінса филиаллӧн Мылваса участок;
- ФАП;
- Пошта да мукӧдтор[10].
2020 воын «Войтырлӧн сьӧмкуд» серти пӧшти 700 сюрс шайт вылӧ Мылваын бырӧдӧмаӧсь санкционируйттӧм свалкаяс да разьӧмаӧсь сотчӧм керкаяс.
2021 воын «Войтырлӧн сьӧмкуд» отсӧгӧн овмӧдчӧминын збыльмӧдӧма куим проект, на лыдын Мылваын разьӧмаӧсь важ стрӧйбасӧ, кӧні коркӧ вӧлі клуб, а сідзжӧ сувтӧдӧмаӧсь ӧта-мӧдкӧд орчча 12 патераа кык керкаын олысьяслы вынйӧр сӧвмӧдӧм могысь восьса енэж улын тренажёръяс да мукӧд стрӧйба («Спортивный дворик» проект)[11].
Пасйӧдъяс
- ↑ https://rosstat.gov.ru/storage/mediabank/Tom1_tab-5_VPN-2020.xlsx
- ↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
- ↑ Муниципальное образование сельского поселения «Мылва» Троицко-Печорского района Республики Коми. Материалы по обоснованию генерального плана (рус.). Федеральная государственная информационная система территориального планирования (2014). Шыӧдчан кадпас: 15 йирым тӧлысь 2025.
- ↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
- ↑ История поселения (рус.). Официальный сайт сельского поселения «Мылва» (2013). Шыӧдчан кадпас: 15 йирым тӧлысь 2025. Архивируйтӧма 15 моз тӧлысь 2020.
- ↑ Сельское поселение «Мылва» (рус.). МБУК Троицко-Печорский районный историко-краеведческий музей им. А.Н.Попова. Шыӧдчан кадпас: 15 йирым тӧлысь 2025.
- ↑ Сельское поселение «Мылва» (рус.). Официальный сайт МБУК Троицко-Печорский районный музей Республика Коми. Шыӧдчан кадпас: 15 йирым тӧлысь 2025.
- ↑ https://rosstat.gov.ru/storage/mediabank/Tom1_tab-5_VPN-2020.xlsx.
- ↑ Коряков Ю.Б. База данных «Этно-языковой состав населённых пунктов России» (рус.). Шыӧдчан кадпас: 15 йирым тӧлысь 2025. Архивируйтӧма 13 сора тӧлысь 2014.
- ↑ О муниципальном образовании (рус.). Официальный сайт администрации муниципального образования сельского поселения «Мылва». Шыӧдчан кадпас: 15 йирым тӧлысь 2025.
- ↑ Один день из жизни сельского поселения: глава Мылвы Ольга Сирук (рус.). ИА Комиинформ. Шыӧдчан кадпас: 15 йирым тӧлысь 2025.
Литература
- Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
- Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
- Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
- Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.
Ыстӧгъяс
- Мылдін районлӧн официальнӧй сайт (рус.). admtrpk.gosuslugi.ru.
- «Мылва» сикт овмӧдчӧминлӧн сайт (рус.). mylva-r11.gosweb.gosuslugi.ru.
| Мылдін районса муниципальнӧй юкӧнъяс | ||
|---|---|---|
| Кар овмӧдчӧмин |  | |
| Сикт овмӧдчӧмин | ||
| Мылдін районса оланінъяс | ||
|---|---|---|
|
| |