Еремей (Мылдін район)

Еремей
	Грезд
Еремей
	62°37′40″ с. ш. 57°33′03″ в. д.GЯO
Страна	Россия
РФ-са субъект	Коми Республика
Муниципальнӧй район	Мылдін район
Сикт овмӧдчӧмин	Приуральскӧй (сикт овмӧдчӧмин, Мылдін)
Час кытш	UTC+3:00
Йӧз
Олысь лыд	▼114 морт (2020);
Официал кыв	коми, роч
Лыдпаса идентификаторъяс
Пошта индекс	169426
ОКАТО код	87236811003
ОКТМО код	87636411106
	Еремей Москва Еремей

Еремей (рочӧн Еремеево ) — Коми Республикаын Мылдін районса грезд. Пырӧ Приуральскӧй сикт овмӧдчӧминӧ.

Ним артмӧм

Грездсӧ шуӧма тадзи сійӧс подув пуктысь — вӧралысь-прӧмысловик Еремей Бажуков ним серти. Ойконимлӧн роч формаыс артмӧма -ево суффикс отсӧгӧн^[2].

География

Грездыс меститчӧ Ылыдз юлӧн веськыд берегын, Приуральскӧй посёлоксянь 6 км ылнаын. Сыктывкарсянь Мылдінӧдз — 515 км, Мылдінсянь Еремейӧдз — 123 км.

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи тӧвшӧр тӧлысьын шӧркодь температураыс −18 °C, сора тӧлысьын 16 °C. Ломтысян кадколастлӧн кузьтаыс 254 лун, суткинас шӧркодь температураыс −7,40 °C. Зумыд лым эшкын артмӧ шӧркодя йирым тӧлысь 26-ӧд лунӧ да сылӧ ода-кора тӧлысь 14-ӧд лунӧдз. Местаясын лым толаяслӧн шӧркодь джудждаыс воӧ 74 сантиметрӧдз. Медся джуджыд толаяс — 116 см, медся ляпкыд — 38 см^[3].

Еремейын толаяс

Час кытш

Еремей, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[4].

История

Коми вӧралысьяслӧн Еремей грезд сулалӧ Ылыдз ю бокын. Нимтӧмаӧсь сійӧс подув пуктысь — вӧралысь-прӧмысловик Еремей Бажуков кузя, коді овмӧдчӧма татчӧ 1808 воын да лӧсьӧдӧма семья.

Легенда серти, Ылыдз бердса муясӧ медводдзаӧн овмӧдчӧмаӧсь вит кыйсьысь вок: Еремей, Максим, Ефим, Гаврил, Антон. Найӧ казялісны чериӧн да звер-пӧткаӧн озыр местаяссӧ да эз нин вермыны эновтны тайӧ мусӧ. Ӧні кольӧма сӧмын Еремеей грезд.

Еремей грездын пыжъяс

Еремей грездыс аслыспӧлӧс. Сэні видзӧны кыйсян-вӧралан да культура традицияяссӧ: вӧралысьяс ӧнӧдз на вӧдитчӧны камус лызьӧн, новлӧны морӧс вылас лузан, коді видзӧ найӧс лёк поводдя дырйи, кутчысьӧны приметаясӧ да кыйсян-вӧралан культъясӧ. Сэні пыдди пуктӧны пӧль-пӧчьяснысӧ, татчӧс войтыр лӧсьӧдӧмаӧсь рӧдвуж пу, коді заводитчӧ грездлы подув пуктысь Еремей Бажуковсянь на^[5].

Еремейын олысьяс вӧралӧны, кыйӧны чери, кодкӧ уджалӧ вӧр лэдзанінын либӧ мукӧд сикт-грездын. Ӧні Еремей грезд пыр туристъяс мунӧны Войвыв Уралса медся мича инъяс дорӧ — Маньпупунёр плато дорӧ. Гожӧмын — пыжъясӧн, тӧлын — снегоходъясӧн^[6].

Йӧз

Олысь лыд
2002^[7]	2010^[8]	2020^[9]
224	↘198	↘114

50

100

150

200

250

300

2002

2010

2020

1970	1979	1989	1992	1995	2002	2006	2010
290	209	272	259	271	224	222	198

Инфраструктура

Еремей грездын связь юкӧнсӧ восьтӧмаӧсь Айму вӧсна Ыджыд тыш кадӧ либӧ война бӧрын медводдза воӧ. 1946—1947 воясӧ сэні уджаліс Богословский Василий. 1953 восянь пенсия вылӧ петтӧдз связь юкӧнын уджаліс Елизавета Васильевна Бажукова.

Школасӧ тані восьтісны 1943 вося кӧч тӧлысь 1 лунӧ. Медводдза велӧдысьӧн вӧлі Карманов Семён Николаевич (уджаліс 1950 воӧдз). Ӧні Еремейын уджалӧ школа-сад.

Челядьлы школаӧдзса учреждениеыс воссис 1949 воын. Веськӧдлысьнас вӧлі Людмила Алексеевна Матвеева (бӧрынджык ичӧт школаын велӧдысь).

Библиотека воссис 1949 воын, Еремей сиктса Сӧвет котыртан воӧ^[10].

2024 во вылӧ Еремей грездын вӧлі медпункт, челядьӧс видзанін, пошта, магазинъяс, клуб, таксофон^[11].

«Вöралысьяслöн гаж»

«Вӧралысьяслӧн гаж» — Вылыс Печӧраса вӧралысьяслӧн республикаса гаж, нуӧдсьӧ 2003 восянь Коми Республикаын Мылдін районса Еремей грездын кык вонас ӧтчыдысь. Конкурсантъяслӧн арлыдыс — 18 арӧссянь да ыджыдджык. Эмӧсь томуловлы торъя ордйысьӧмъяс. Гажсӧ котыртысьясӧн лоӧны Коми Республикаса национальнӧй политика министерство, «Мылдін» муниципальнӧй районса администрация, «Мылдін» муниципальнӧй районса администрацияын культураӧн веськӧдланін, «Мылдін районса культура керка» муниципальнӧй культура учреждение.

Вöралысьяслöн гаж

ХVІІІ—ХІХ нэмъясын вӧралысь котыръяс чукӧртчылісны кыйсьӧм водзвылын урчитӧм местаӧ да сёрнитчылісны, коді кутшӧм туйті кутас мунны, медым тӧд вылӧ вӧлі босьтӧма быдӧнлысь коланлунсӧ. Вылыс Печӧраса да Ылыдзса вӧралысьяслӧн Урал сайӧ походъяс дырйи татшӧм чукӧртчанінӧн вӧлӧма Еремей грезд. Тайӧ традицияыс кольӧма да лоӧма республикаса гажӧн.

Мылдін районын вӧралысьяслысь гажсӧ медводдзаысь котыртлӧмаӧсь 2001 вося рака тӧлысьын Покча сиктын. Гажсӧ нимтӧмаӧсь «Ни пуха, ни пера». Гажсӧ вӧлі сиӧма вӧралысьяслӧн династияяслы.

Еремейын гажыс заводитчӧ ритуалсянь: пармаӧ петтӧдз пестӧны бипур, пӧртйын пусьӧ яй, быдӧнлы кисьтӧны чӧсмасянтор — крепыд сур. Вӧралысьяс асланыс нывъёртъясныскӧд артмӧдӧны кытш: ветлӧдлӧны кыкӧн-кыкӧн бипур гӧгӧр. Би чиститӧ став лёксьыс пармаӧ, ылі туйӧ петтӧдз. Водзӧ мунӧ «Медбур кыйсьысь» ордйысьӧмъяс. Вӧралысьяс ордйысьӧны татшӧм кужӧмлунъясын:

«Ӧзты бипур» конкурс;
«Шыӧн ош вылӧ» конкурс (колӧ веськавны копьёӧн пасӧ);
«Лэч ӧктӧм» конкурс (колӧ вӧчны ягса звер-пӧтка вылӧ лэчьяс);
«Стӧча лыйсьысь» конкурс;
«Зібъясьӧмӧн ю вомӧн» конкурс (колӧ вуджны юсӧ пыжӧн зібъясьӧмӧн).

Конкурсъясын колӧ петкӧдлыны вын, ӧд, стӧчлун, ставсӧ, мый колӧ вӧралысьлы пармаын кыйсигӧн. Кыдзи и пыр, гаж дырйи грездса олысьяс да гӧсьтъяс пырӧдчӧны «Ылыдзса маршӧ». Тайӧ йӧктӧмыс чужис грездын ХХ нэм заводитчигӧн^[12].

Нималана эмторъяс

Еремей грездын кольӧма важ традиционнӧй йӧзкостса творчествоса эмтор — «Ылыдзса марш», сылы 100 воысь унджык нин. Пӧрысь олысьяслӧн висьталӧм серти, грездын сійӧ чужӧма ХХ нэм заводитчигӧн. Матысса сикт-грездса войтыр чукӧртчылӧмаӧсь Ылыдз ю дорын да йӧктывлӧмаӧсь кытшын, тайӧ вермис кыссьыны уна час чӧж. Коркӧ петкӧдлывлӧмаӧсь 60 сикас фигураӧдз, но миян лунъясӧдз кольӧма абу ставыс.

Еремейын Вӧралысьяслӧн гажыс буретш помасьӧ Ылыдзса маршӧн. Сійӧ артмӧма 36 хореографическӧй фигураысь, кутшӧмъясӧс йитӧ уна сикас йӧзкостса йӧктӧм: барыня, краковяк, коми войпук. Марш дырйи петкӧдлӧны вӧралысьяслӧн да видз-му вӧдитысьяслӧн олӧм-вылӧмкӧд да кыйсьӧм-вӧралӧмкӧд йитчӧм элементъяс, шуам, «дзиръя», «керка», «тыв», «капуста», «кӧрзина», «пила» да с.в.^[13].

Пасйӧдъяс

↑ Итоги ВПН-2020. Том 1 Численность и размещение населения
↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
↑ Городское поселение «Троицко-Печорск». Генеральный план. Обоснование. Пояснительная записка. Том 2 (неопр.). Федеральная государственная информационная система территориального планирования (2016). Шыӧдчан кадпас: 8 йирым тӧлысь 2025.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
↑ Великаны становятся ближе: в Коми открывается маршрут на Маньпупунёр через Троицко-Печорский район (неопр.). Комсомольская правда. Шыӧдчан кадпас: 9 йирым тӧлысь 2025.
↑ Еремеево. Последняя деревня на краю цивилизации (неопр.). ЖЖитель: путешествия и авиация. Шыӧдчан кадпас: 9 йирым тӧлысь 2025.
↑ http://www.perepis2002.ru/content.html?id=11&docid=10715289081460 (неопр.).
↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).
↑ Бажуков В. А. [https://www.trpmcb.ru/content/menu/191/Baghukov-V.N.-kniga-poslednii-variant.pdf?ysclid=mgj6n52wj7286258792 О прошлом память возвращая. Неизданные рукописи, очерки и рассказы краеведов Троицко-Печорского района]. — 2018.
↑ Великаны становятся ближе: в Коми открывается маршрут на Маньпупунёр через Троицко-Печорский район (неопр.). Комсомольская правда. Шыӧдчан кадпас: 9 йирым тӧлысь 2025.
↑ Республиканский праздник охотника «Вöралысьяслöн гаж» (неопр.). Отдохни По-Коми. Событийный календарь. Шыӧдчан кадпас: 8 йирым тӧлысь 2025.
↑ Сельское поселение «Приуральский» (неопр.). Официальный сайт МБУК Троицко-Печорский районный музей Республика Коми. Шыӧдчан кадпас: 21 йирым тӧлысь 2025.

Литература

По земле пяти охотников (неопр.). Газета «Республика». Шыӧдчан кадпас: 9 йирым тӧлысь 2025.
Информация о Республиканский праздник охотников (неопр.). БНКоми. Шыӧдчан кадпас: 9 йирым тӧлысь 2025.
Жеребцов И. Л., Фаузер В. В., Рожкин Е. Н. Сельское население Коми в середине XIX—XX веке: расселение, состав, численность. — Сыктывкар, 2005. — 220 с.
Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Мылдін районлӧн официальнӧй сайт (рус.). admtrpk.gosuslugi.ru.
«Приуральскӧй» сикт овмӧдчӧминлӧн сайт (рус.). priuralskij.gosuslugi.ru.

[_1c30933fb872b4ab-1] Итоги ВПН-2020. Том 1 Численность и размещение населения

[2] Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.

[3] Городское поселение «Троицко-Печорск». Генеральный план. Обоснование. Пояснительная записка. Том 2 (неопр.). Федеральная государственная информационная система территориального планирования (2016). Шыӧдчан кадпас: 8 йирым тӧлысь 2025.

[4] Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).

[5] Великаны становятся ближе: в Коми открывается маршрут на Маньпупунёр через Троицко-Печорский район (неопр.). Комсомольская правда. Шыӧдчан кадпас: 9 йирым тӧлысь 2025.

[6] Еремеево. Последняя деревня на краю цивилизации (неопр.). ЖЖитель: путешествия и авиация. Шыӧдчан кадпас: 9 йирым тӧлысь 2025.

[7] ttp://www.perepis2002.ru/content.html?id=11&docid=10715289081460 (неопр.).

[8] Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).

[9] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[10] Бажуков В. А. [https://www.trpmcb.ru/content/menu/191/Baghukov-V.N.-kniga-poslednii-variant.pdf?ysclid=mgj6n52wj7286258792 О прошлом память возвращая. Неизданные рукописи, очерки и рассказы краеведов Троицко-Печорского района]. — 2018.

[11] Великаны становятся ближе: в Коми открывается маршрут на Маньпупунёр через Троицко-Печорский район (неопр.). Комсомольская правда. Шыӧдчан кадпас: 9 йирым тӧлысь 2025.

[12] Республиканский праздник охотника «Вöралысьяслöн гаж» (неопр.). Отдохни По-Коми. Событийный календарь. Шыӧдчан кадпас: 8 йирым тӧлысь 2025.

[13] Сельское поселение «Приуральский» (неопр.). Официальный сайт МБУК Троицко-Печорский районный музей Республика Коми. Шыӧдчан кадпас: 21 йирым тӧлысь 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Мылдін районса муниципальнӧй юкӧнъяс
Кар овмӧдчӧмин	Мылдін
Сикт овмӧдчӧмин	Знаменка Комсомольск-на-Печоре Куръя Митрӧпандікост Мылва Улыс Омра Покча Приуральскӧй Ылыдздін Якша