Митрӧпандікост (Мылдін район)

Митрӧпандікост
	Посёлок
Митрӧпандікост
	63°11′14″ с. ш. 56°08′07″ в. д.GЯO
Страна	Россия
РФ-са субъект	Коми Республика
Муниципальнӧй район	Мылдін район
Сикт овмӧдчӧмин	Митрӧпандікост (сикт овмӧдчӧмин)
Шӧрин вылна	102 м
Час кытш	UTC+3:00
Йӧз
Олысь лыд	▼281 морт (2021);
Официал кыв	коми, роч
Лыдпаса идентификаторъяс
Пошта индекс	169445
ОКАТО код	87236844001
ОКТМО код	87636444101
	Митрӧпандікост Москва Митрӧпандікост

Митрӧпандікост (рочӧн Митрофан-Дикост) — Россиялӧн Коми Республикаын Мылдін районса посёлок. Митрӧпандікост сикт овмӧдчӧминлӧн административнӧй шӧрин.

Ним артмӧм

Посёлоклӧн нимыс артмӧма куим коми кывйысь: ас ним Митрӧпан, ді да кост кывъясысь. Тайӧс позьӧ гӧгӧрвоӧдны сыӧн, мый посёлокыс сулалӧ Печӧра юлӧн шуйга берегын, Митрӧпанді дісянь неылын, неыджыд костын^[2].

География

Посёлокыс меститчӧ Коми Республикалӧн асыв-лунвыв юкӧнын, Печӧра увтасінын^[3], Печӧра юлӧн шуйга берегын, Мылдін кар кодь посёлоксянь, районлӧн административнӧй шӧринсянь, веськыда войвывлань 45 километр ылнаын. Саридз веркӧсвесьтса вылнаыс — 102 метра.

Ывласям

Ывласямыс шӧркодь континентальнӧй, гожӧмыс дженьыд да ыркыдкодь, тӧлыс уна лымъя, кузь да кӧдзыд. Вогӧгӧрся шӧркодь температураыс −1,2 °C, та дырйи медся кӧдзыд тӧвшӧр тӧлысьын шӧркодь температураыс −18 °C (градусникын медся ыджыд лыдпасыс вӧлӧма −51 °C), медся шоныд сора тӧлысьын 15,9 °C (медся ыджыд температура вӧлӧма 35 °C). Шӧркодя вонас усьӧ 590 мм лым-зэр, та дырйи 409 миллиметрыс усьӧ косму тӧлыссянь вӧльгым тӧлысьӧдз. Вонас шоныд луныс сӧмын 176^[3].

Час кытш

Митрӧпандікост, кыдз и ставнас Коми Республика, меститчӧ МСК (москваса кад) час кытшын. UTC серти кадыс торъялӧ +3:00 вылӧ^[4].

История

Котыртӧма 1930 во бӧрын. 1950 воын казьтывсьӧ кыдзи Митрӧпан вӧр участок, кӧні оліс 362 морт. Сійӧ жӧ воас вуджӧдӧма Савинобор сиктсӧветысь выльӧн котыртӧм Митрӧпан сиктсӧветӧ. Коми АССР-са олан пунктъяслӧн 1956 вося лыддьӧгын казьтывсьӧ кыдзи вӧр лэдзысьяслӧн Митрӧпандікост посёлок. 1965 вося сора тӧлысь 30-ӧд лунсянь вӧлі Митрӧпан сиктсӧветлӧн шӧринӧн. 1959 воын посёлокын оліс 778 морт; 1970 воын — 1029 морт; 1989 воын — 741 морт^[5].

Митрӧпандікостын Шӧр улича (юкӧн)

Хронология

1940-ӧд вояс

Посёлок артмӧмыс йитчӧма Вельскса кылӧдчан участок восьтӧмкӧд. Митрӧпандікост посёлок вӧлі восьтӧма кыдзи вӧр лэдзысьяслӧн посёлок. Унджык уджалысьыс вӧлі миян странаса уна пельӧсысь ыстӧм йӧз. Посёлокӧ воӧм бӧрын найӧ босьтчисны стрӧитны баракъяс, кӧні найӧ олісны эз ӧти во. Вӧрын уджыс вӧлі зэв сьӧкыд, йӧз мырсисны водз асывсянь сёр рытӧдз. Торйӧн нин сьӧкыд вӧлі сёянӧн. Кынӧмпӧтсӧ быдӧн шедӧдіс ас ног: кодкӧ кыйис чери либӧ вӧраліс, кодкӧ кӧдзис-пуктысис.

1950-ӧд вояс

Олӧмыс муніс водзӧ. Вӧрсӧ заптылӧмаӧсь зэв уна да кылӧдлӧмаӧсь ю кузя. Вочасӧн йӧзлӧн олӧмыс кутіс бурмыны. Стрӧитісны пывсян, сёян-юанӧн вузасянін, ӧтуволанін, выль керкаяс. Восьтісны фельдшер-акушер пункт. Ичӧт школа вӧлі меститчӧма Вельскса кылӧдчан участоклӧн контораын. Медводдза велӧдысьнас вӧлӧма Елена Михайловна Роговец. Сылӧн казьтылӧмъяс серти медся сьӧкыд вӧлі тӧлын. Эз тырмыны велӧдчан небӧгъяс да мукӧд кӧлуй. Электричество пыдди вӧлі карасин лампа. Ачыс классыс вӧлі кӧдзыд. Неыджыд кӧрт пач ӧдва шонтіс жырсӧ. Велӧдчан луныс муніс сменаӧн-джынйӧн. Ачыс велӧдысьыс оліс школа бердын.

Посёлоксӧ сӧмын на заводитлісны стрӧитны да кызвыннас сэні вӧліны барак-ӧтуволанінъяс.

1960-ӧд вояс

Посёлокын олӧмыс пыр бурмис. Вӧрсӧ пӧрӧдісны пыр унджык. Делянкаясын пӧрӧдчӧм бӧрся видзӧдісны Митрӧпан грездса лесникъяс, найӧ жӧ садитісны лыска пуяслысь уна сюрс быдмӧг. Посёлокын олысьыс содіс. Вӧлі кыпӧдӧма кык судта школа, кӧні челядь велӧдчисны медводдзасянь 8-ӧд классӧдз. Велӧдысьяс эз тырмыны, та вӧсна уна педагог ӧтпырйӧ нуӧдіс некымын дисциплина. Челядь велӧдчисны кык сменаӧн.

Вӧлі восьтӧма участковӧй больнича да стационар, пошта, сберкасса, радиоузел, магазинъяс, нянь пӧжаланін, песласянін.

1970,1980-ӧд вояс

Кӧть олӧмыс бурмис, йӧз лыдыс кутіс чинны. Ыстӧм йӧзӧс реабилитируйтӧм бӧрын унаӧн бӧр бергӧдчисны асланыс чужанінас. А найӧ, кодъяс колины, кыпӧдісны клуб, библиотека, выль пывсян, КБО (бытӧвӧя могмӧдан комбинат).

Школа бердын восьтісны интернат, кӧні олісны орчча Мирнӧй да Тимушбор посёлокъясысь, Кӧдач да Митрӧпан грездъясысь велӧдчысьяс. Быдмис-сӧвмис леспромхоз.

1990-ӧд, 2000-ӧд вояс

Вӧлі тупкӧма КБО, пывсян, нянь пӧжаланін, песласянін. Леспромхоз лоис банкротӧн. Йӧзыслы быть лои мунны нажӧвитчыны орчча Сосногорск районӧ. Посёлокын заводитісны уджавны асшӧр уджалысьяс. Дас кык во чӧж вӧрсӧ заптіс асшӧр предприятие. Вӧлі восьтӧма асшӧр магазинъяс.

Ӧні посёлокын уджалӧны пошта, сберкасса, фельдшер-акушер пункт, лесничество, библиотека, СДК (сиктса культура керка), кык лавка, котельнӧй. 2012 восянь уджалӧ торъя пӧжарнӧй пост. 2014 воын лои Ӧтуввез. 2024 вося ӧшым тӧлысьын лоис сотӧвӧй связь.

Посёлокын олысьыс пыр чинӧ. Пыр олӧ 200 гӧгӧр морт^[6].

Йӧз

Олысь лыд
2000^[7]	2010^[8]	2021^[9]
493	↘351	↘281

100

200

300

400

500

2000

2010

2021

1959 во — 778, 1979 во — 739, 1989 во — 741, 1992 во — 739, 2000 во — 493, 2014 во — 434, 2021 во — 320, 2022 во — 307, 2023 во — 276, 2024 во — 262^[10].

Аюлов да энюлов серти юклӧм

2010 воын йӧзӧс ставроссияса гижалӧм серти посёлокын олысьяс лыдын 48,4 % вӧлі мужичӧй, 51,6 % — аньяс.

Войтырсикасъяс

2002 воын йӧзӧс ставроссияса гижалӧм серти посёлокын 416 мортысь 44 % вӧліны рочьяс, коми — 34 %^[11].

Инфраструктура

«Митрӧпандікост» сикт овмӧдчӧминса администрация;
Россияса Сбербанк публичнӧй акционер котыр, Коми ОСБ 8617 СДО (специализируйтӧм содтӧд офис) 8617\0113 №;
Митрӧпандікост посёлокса пошта связь юкӧн («Россияса пошта» ФГУП-лӧн Сосногорскса почтамт);
Митрӧпандікост посёлокса ФАП («Мылдін районса шӧр больнича» йӧзлысь дзоньвидзалун видзан канму сьӧмкуд учреждение);
Митрӧпандікост посёлокса культура керка сиктса филиал («Мылдін районса Культура керка» муниципальнӧй культура учреждение);
библиотека («Г. А. Фёдоров нима Мылдін овмӧдчӧминкостса шӧр библиотека» муниципальнӧй сьӧмкуд культура учреждение);
котельнӧй («Шоныд сетан Коми компания» акционер котырлӧн Мылдінса филиал);
Митрӧпанса участковӧй лесничество («Мылдінса лесничество» КУ);
9 №-а уджӧдан участок, «Ростелеком» публичнӧй акционер котырлӧн Коми филиал;
«Рытыв-Войвыв Россети» публичнӧй акционер котырлӧн Коми Республикаын филиал, Уква районлӧн электричество везъяс «Шӧр электричество везъяс» производство юкӧн;
7, 16 №-а торъя пост («Пӧжарысь видзчысян службаӧн да гражданаӧс видзӧмӧн веськӧдланін» Коми Республикаса канму казённӧй учреждение);
2 вузасянін (минимаркет);
АУ, мутас весалӧм да пелькӧдӧм серти мукӧд удж, кутшӧмӧс абу пыртӧма мукӧд группировкаӧ,
АУ, легкӧвӧй такси да шоперӧн кӧртымалан легкӧвӧй автомашина удж^[12].

Нималана эмторъяс

Митрӧпандікост (важ йӧзлӧн) оланін — археология памятник. Меститчӧ Печӧра юлӧн веськыд берегын, Митрӧпандікост посёлоклы паныд, Пиляшор вомсянь вылынджык. Аддзӧма биа изйысь вӧчӧмторъяс: кӧлуй, отщепъяс, пластинкаяс. Восьтӧма 1965 воын В. И. Канивец. Оланіныс пырö мезолит либӧ водз неолит памятник чукӧрӧ^[13]

Пасйӧдъяс

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.
↑ ¹ ² Генеральный план сельского поселения «Митрофан-Дикост» муниципального образования муниципального района «Троицко-Печорский» (неопр.). Федеральная государственная информационная система территориального планирования. Шыӧдчан кадпас: 12 йирым тӧлысь 2025.
↑ Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).
↑ Жеребцов И.Л., Фаузер В.В., Рожкин Е.Н., Вишнякова Д.В. Сельское население Коми в середине XIX - XX веке : расселение, состав, численность. — Сыктывкар: Федеральное государственное бюджетное учреждение науки Коми научный центр Уральского отделения Российской академии наук, 2005. — С. 194. — 220 с.
↑ Поселок Митрофан-Дикост (рус.). Официальный сайт администрации сельского поселения «Митрофан-Дикост». Шыӧдчан кадпас: 10 йирым тӧлысь 2025.
↑ Троицко-Печорский район. Троицко-Печорск. Краткая справка (неопр.).
↑ Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).
↑ https://rosstat.gov.ru/storage/mediabank/Tom1_tab-5_VPN-2020.xlsx (неопр.).
↑ Поселок Митрофан-Дикост (рус.). Официальный сайт администрации сельского поселения «Митрофан-Дикост». Шыӧдчан кадпас: 12 йирым тӧлысь 2025.
↑ Коряков Ю. Б. База данных «Этно-языковой состав населённых пунктов России» (неопр.). Шыӧдчан кадпас: 12 йирым тӧлысь 2025. Архивируйтӧма 27 рака тӧлысь 2020.
↑ О муниципальном образовании (рус.). Официальный сайт администрации сельского поселения «Митрофан-Дикост». Шыӧдчан кадпас: 12 йирым тӧлысь 2025.
↑ История поселения «Митрофан-Дикост» (рус.). Официальный сайт МБУК Троицко-Печорский районный музей Республика Коми. Шыӧдчан кадпас: 12 йирым тӧлысь 2025.

Литература

Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар: Коми книжное издательство, 1994. — 272 с. — ISBN 5-7555-0488-1.
Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
Республика Коми: Энциклопедия. — Сыктывкар: Коми книжное издательство, 1997—2000. — Т. 1—3.
Административно-территориальное и муниципальное устройство Республики Коми (на 1 августа 2006 г.). Издание шестое, официальное. — Сыктывкар: ГУ «ТФИ РК», 2006. — С. 278.

Ыстӧгъяс

Мылдін районлӧн официальнӧй сайт (рус.). admtrpk.gosuslugi.ru.
«Митрӧпандікост» сикт овмӧдчӧминлӧн сайт (рус.). mitrofan-dikost-r11.gosweb.gosuslugi.ru.

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[2] Афанасьев А. П. Топонимия Республики Коми: Словарь-справочник. — Сыктывкар: Коми книжное издательство, 1996.

[стп-3] ¹ ² Генеральный план сельского поселения «Митрофан-Дикост» муниципального образования муниципального района «Троицко-Печорский» (неопр.). Федеральная государственная информационная система территориального планирования. Шыӧдчан кадпас: 12 йирым тӧлысь 2025.

[4] Федеральный закон от 03.06.2011 № 107-ФЗ «Об исчислении времени», статья 5 (рус.) (15 сора тӧлысь 2025).

[5] Жеребцов И.Л., Фаузер В.В., Рожкин Е.Н., Вишнякова Д.В. Сельское население Коми в середине XIX - XX веке : расселение, состав, численность. — Сыктывкар: Федеральное государственное бюджетное учреждение науки Коми научный центр Уральского отделения Российской академии наук, 2005. — С. 194. — 220 с.

[6] Поселок Митрофан-Дикост (рус.). Официальный сайт администрации сельского поселения «Митрофан-Дикост». Шыӧдчан кадпас: 10 йирым тӧлысь 2025.

[7] Троицко-Печорский район. Троицко-Печорск. Краткая справка (неопр.).

[8] Всероссийская перепись населения 2010 года. Численность населения городских округов, муниципальных районов, поселений и населённых пунктов (неопр.).

[9] ttps://rosstat.gov.ru/storage/mediabank/Tom1_tab-5_VPN-2020.xlsx (неопр.).

[10] Поселок Митрофан-Дикост (рус.). Официальный сайт администрации сельского поселения «Митрофан-Дикост». Шыӧдчан кадпас: 12 йирым тӧлысь 2025.

[11] Коряков Ю. Б. База данных «Этно-языковой состав населённых пунктов России» (неопр.). Шыӧдчан кадпас: 12 йирым тӧлысь 2025. Архивируйтӧма 27 рака тӧлысь 2020.

[12] О муниципальном образовании (рус.). Официальный сайт администрации сельского поселения «Митрофан-Дикост». Шыӧдчан кадпас: 12 йирым тӧлысь 2025.

[13] История поселения «Митрофан-Дикост» (рус.). Официальный сайт МБУК Троицко-Печорский районный музей Республика Коми. Шыӧдчан кадпас: 12 йирым тӧлысь 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Мылдін районса муниципальнӧй юкӧнъяс
Кар овмӧдчӧмин	Мылдін
Сикт овмӧдчӧмин	Знаменка Комсомольск-на-Печоре Куръя Митрӧпандікост Мылва Улыс Омра Покча Приуральскӧй Ылыдздін Якша