Шпектор Игорь Леонидович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Шпектор.
Игорь Леонидович Шпектор
Игорь Шпектор Наръяна-Марын (2017)
Игорь Шпектор Наръяна-Марын (2017)
Флаг
Вӧркута кар кытшлӧн мӧд мэр
Флаг
1998 вося рака тӧлысь — 2007 вося рака тӧлысь 28-ӧд лун
Водзвывса уджалысь Сегаль Александр Зямович
Удж водзӧ нуӧдысь Будовский Валерий Леонидович
Чужис 1938 вося йирым тӧлысь 5-ӧд лун
Харьков, УССР, СССР
Куліс 2020 вося кӧч тӧлысь 5-ӧд лун
Петыркар, Россия
Ютыр КПСС (1991 воӧдз)
Велӧдчӧм Харьковса инженерно-строительнӧй институт
Уджсикас шоныдӧн и ваӧн могмӧдан да весалан стрӧйбаяс кузя инженер
Удж политик,
кар кытшса юралысь
Эскӧм атеист
Наградаяс
Орден Александра Невского Орден Дружбы Орден «Знак Почёта»
«За трудовую доблесть» медаль Медаль «Ветеран труда»
Shahter slava 1.jpg Miner Glory 2kl png.png Miner Glory 3kl png.png Коми Республикаса Почёта гражданин

Шпектор Игорь Леонидович (1938 вося йирым тӧлысь 5-ӧд лун, Харьков, СССР — 2020 вося кӧч тӧлысь 5-ӧд лун, Петыркар, Россия) — 1998 вося рака тӧлыссянь 2007 вося рака тӧлысьӧдз Вӧркута кар кытшса мэр, Войкытшсайса да Ылі Войвывса каръяслӧн союзса президент, 2009 восянь Россия Федерацияса Общественнӧй палатаӧ пырысь[1], Россияса естественнӧй наукаяс академияӧ тырвыйӧ пырысь (академик)[2], Коми Республикаса Почёта гражданин (2023).

Коми Республикаса Юралысьлӧн 2023 во моз тӧлысь 8 лунся 83 №-а Индӧдӧн сетӧма «Почёта гражданин» Коми Республикаса медвылыс почёт ним[3].

Олантуй

Чужис 1938 вося йирым тӧлысь 5-ӧд лунӧ Харьков карын. 1960 воӧдз служитіс Сӧветскӧй Армияын разведка юкӧнын. 1960 восянь уджаліс Харьковын подшипниковӧй заводын инженерӧн, «Водоканал НИИпроект» институтын инженерӧн.

1968—1994 воясын уджаліс Вӧркута карын «Тепловодоканал» управлениеса медшӧр инженерӧн. 1994 восянь — «Тепловодоканал» управлениеса начальник.

Шпекторлӧн веськӧдлӧм улын вӧлі стрӧитӧма вӧр-ва видзан 40-ысь унджык объект, на лыдын Усва ю вылын гидроузел. Шахтаса ва весалан проектлӧн автор да СССР-ын татшӧм медводдза станция стрӧитысь начальник (ставсӧ найӧс Вӧркутаын стрӧитӧма куимӧс)[2].

И. Л. Шпектор 1992 восянь юрнуӧдіс Вӧркута карын Войтырысь бӧрйӧм депутатъяслӧн сӧветӧн. Ӧкмысысь бӧрйылісны Вӧркута районлӧн да карлӧн сӧветъясса депутатӧн, куимысь — Коми Республикалӧн Медвылыс Сӧветса да Каналан Сӧветса депутатӧн[4].

1998 вося рака тӧлыссянь 2007 вося рака тӧлысьӧдз кыкысь бӧрйылісны Вӧркута карса мэрӧн. Вӧркутаса администрацияӧн юрнуӧдігӧн И. Л. Шпектор торйӧн тӧждысис кар бурмӧдӧм-мичмӧдӧм, культура учреждениеяслысь удж бурмӧдӧм, олысьясӧс страналӧн лунвыв регионъясӧ овмӧдӧм вӧсна. Сылӧн водзмӧстчӧм серти Вӧркута карын 1999 восянь быд во нуӧдӧны «Заполярные игры» спартакиада, кӧні участвуйтӧ странаса 30-ысь унджык кар[4].

1992 восянь, Россиялӧн Войкытшсайса да Ылі Войвывса каръяслысь союз котыртӧмсянь, да 2020 вося кӧч тӧлысьӧдз вӧлі сылӧн Президентӧн[4].

1995 восянь 1997 воӧдз Игорь Леонидович вӧлі Россия Федерацияса Президент бердын меставывса асвеськӧдлӧм серти Сӧветӧ пырысьӧн, Россияса Госкомсеверлӧн коллегияӧ пырысьӧн[4].

2014 вося косму тӧлыссянь вӧлі Россия Федерацияса стрӧитчан, оланін да коммунальнӧй овмӧс министерстволӧн Общественнӧй сӧветӧн веськӧдлысьӧс (С. В. Степашинӧс) вежысьӧн[5][6].

Быд чинын Игорь Леонидовичӧс торйӧдіс зільлун, стрӧглун, пуктӧм мог дорӧ лэдзчысьтӧмлун[4].

Пенсия вылӧ петӧм бӧрын да бӧръя олан лунъясӧдз Игорь Леонидович зіля нуӧдіс йӧзкостса удж[4].

2007 восянь оліс Петыркарын[7].

И. Л. Шпектор кувсис 2020 вося кӧч тӧлысь 5-ӧд лунӧ.

Наградаяс

• Ёрталун орден (2005.04.03) — уна вося бура уджалӧмысь[8],
• Александр Невскӧй орден (2018.12.27) — уна вося бура уджалӧмысь[9],
• «Почёт пас» орден (1986.04.29),
• «Россия Федерацияса оланін да коммунальнӧй овмӧсын нимӧдана уджалысь» ним,
• «Коми Республикаса йӧзкостса овмӧсын нимӧдана уджалысь» почёт ним (1993),
• «Шахтёръяслӧн слава» куим тшупӧда пас,
• «За трудовую доблесть» медаль (1976.03.05),
• «Уджвывса ветеран» медаль (1988).

Семья

Шпектор И. Л. вӧлі гӧтрасьлӧма кыкысь, медводдза гӧтырыс кувсьӧма. Эм кык нук. Пиыс Леонид Шпектор — 2002 восянь 2003 вося лӧддза-номъя тӧлысь 6-ӧд лунӧдз вӧлі Рытыв-Войвыв федеральнӧй кытшын Коми Республикаса Веськӧдлан котырӧс петкӧдлысьӧн, таӧдз веськӧдліс Петыркарын сыӧн лӧсьӧдӧм «Росспан Инвестмент» АОЗТ компанияӧн, сэсся веськӧдліс «International Motors S.R.L» панамаса компаниялӧн Асыввыв Европаса департаментӧн. Ӧні уджалӧ да олӧ Москваын[10].

Пасйӧдъяс

  1. ↑ Игорь Шпектор — Список членов Общественной палаты РФ (2012)
  2. ↑ 1 2 {{статья|автор=|заглавие=Шпектор Игорь Леонидович|издание=Республика Коми. Энциклопедия. Том III |место=Сыктывкар|издательство= Коми книжное издательство |год= 2000 |страницы=308|ref=}
  3. ↑ Почетными гражданами Коми в 2023 году стали Игорь Шпектор и Герман Николаев, Комиинформ. Шыӧдчан кадпас: 24 рака тӧлысь 2025.
  4. ↑ 1 2 3 4 5 6 Книга почёта Республики Коми
  5. ↑ О совете / Общественный совет при Минстрое России. osminstroy.ru. Шыӧдчан кадпас: 17 лӧддза-номъя тӧлысь 2019.
  6. ↑ О совете / Общественный совет при Минстрое России. osminstroy.ru. Шыӧдчан кадпас: 17 лӧддза-номъя тӧлысь 2019.
  7. ↑ Игорь Шпектор — Мне снится Воркута
  8. ↑ Указ президента № 387 о награждении госнаградами (рус.). Российская газета. Шыӧдчан кадпас: 17 лӧддза-номъя тӧлысь 2019.
  9. ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»
  10. ↑ Бывший представитель Коми возвращается в бизнес
Босьтӧма "https://kv.ruwiki.ru/w/index.php?title=Шпектор_Игорь_Леонидович&oldid=471924"-ысь