Казановский Евгений Степанович
| Казановский Евгений Степанович | |||
|---|---|---|---|
 | |||
| Чужан лун | 1938 вося урасьӧм тӧлысь 18-ӧд лун | ||
| Чужанін | Коми АССР-са Печӧра районлӧн Песчанка посёлок | ||
| Канму | |||
| Наука юкӧн | ветеринария | ||
| Велӧдчӧм | Саратовса зоотехническӧй ветеринарнӧй институт | ||
| Учёнӧй степень | ветеринарнӧй наукаяс доктор | ||
| Наградаяс да премияяс |
|
||
Казановский Евгений Степанович (1938 вося урасьӧм тӧлысь 18-ӧд лун, Коми АССР-са Печӧра районлӧн Песчанка посёлок) — ветеринарнӧй наукаяс доктор, Коми Республикаса Почёта гражданин (2024).
Коми Республикаса Юралысьлӧн 2024 во моз тӧлысь 19 лунся 98 №-а Индӧдӧн сетӧма «Почёта гражданин» Коми Республикаса медвылыс почёт ним[1].
Олантуй
Чужис 1938 вося урасьӧм тӧлысь 18-ӧд лунӧ Коми АССР-са Печӧра районлӧн Песчанка посёлокын.
1956 воын пырис велӧдчыны Саратовса зоотехническӧй ветеринарнӧй институтӧ.
1961 воын институт помалӧм бӧрын ыстӧм серти воис Печӧраын районкостса ветеринарно-бактериологическӧй лабораторияӧ, кӧні уджаліс ихтиопатология, а сёрӧнджык — биохимия да радиобиология юкӧнӧн веськӧдлысьӧн.
1968 воын лоис Печӧраса ветлабораторияын да Изьва-Печӧраса наука-туялан ветеринарнӧй станцияын наука удж серти директорӧс вежысьӧн, 1973 воын — тайӧ ӧтулыслӧн директорӧн. Сэні сійӧ веськӧдліс 50 воысь дырджык[2].
Евгений Степанович Казановский — Коми Республикаын зэв тӧдчана морт, Комиын ветеринарнӧй наукаяс дзик ӧти доктор. Сійӧ пуктіс ыджыд пай аймуын кӧр видзӧм сӧвмӧдӧмӧ. Туяліс, кутшӧм лёктор вермӧны вайны кӧръяслы фосфорорганическӧй инсектицидъяс[2].
2008—2010 воясӧ Евгений Степанович дасьтіс да бура пӧртіс олӧмӧ войвыв кӧръяс пӧвстын медся тшӧкыда паныдасьлысь вуджан висьӧмъяс да паразитозъяс (сибирскӧй язва, энтомозъяс, некробактериоз да ӧткымын гельминтоз) бырӧдӧм серти мероприятиеяс. Найӧ отсалісны бурмӧдны видз-му овмӧсса пемӧсъяслысь дзоньвидзалунсӧ[2].
Наука удж
1980 воын кандидат ним вылӧ диссертация дорйӧм бӧрын лоис старшӧй научнӧй сотрудникӧн[3].
1990 воын дорйис «Ветеринарно-санитарное обоснование применения фосфорорганических инсектицидов в оленеводстве, их токсичность для оленей и эффективность при эдемагенозе» ветеринарнӧй наукаяс доктор ним вылӧ диссертация[4].
2009 воын босьтіс «Фармацевтическая композиция для профилактики сибирской язвы и лечения энтомозов у жвачных животных» патент[4].
Йӧзӧдіс 130-ысь унджык наука удж[5].
Наградаяс
• Кӧр видзан юкӧнын вермӧмъясысь СССР-са ВДНХ-лысь бронза медаль (1975),
• Россияса видз-му овмӧс наукаяс академиялӧн Почёт грамота (1998),
• Коми АССР-са да Коми Республикаса видз-му овмӧс министерствояслӧн Почёт грамота (1983, 2004, 2006),
• СССР-са Министръяс Сӧветлӧн да ВЦСПС-лӧн Почёт грамота (1987),
• Инновацияяс юкӧнын вермӧмъясысь Коми Республикаса Веськӧдлан котырлӧн премияа лауреат (2012),
• «Печӧра карса почёта гражданин» ним (2008),
• Коми Республикаса Почёта гражданин (2024) да мукӧд.
Ыстӧгъяс
- ↑ Глава Республики Коми Владимир Уйба подписал Указ о присвоении высшего почётного звания Республики Коми «Почётный гражданин» в 2024 году
- ↑ 1 2 3 Книга почёта Республики Коми
- ↑ Дело жизни ученого Казановского – северный олень, Правительство РК. Шыӧдчан кадпас: 13 рака тӧлысь 2025.
- ↑ 1 2 Глава Коми присвоил высшее почетное звание республики выдающимся ветеринару, геологу и строителю, bnkomi.ru. Шыӧдчан кадпас: 13 рака тӧлысь 2025.
- ↑ Единственный в Коми доктор ветеринарных наук Евгений Казановский отмечает 87-летие, komiinform. Шыӧдчан кадпас: 13 рака тӧлысь 2025.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
