Николаев Герман Борисович
| Николаев Герман Борисович | |
|---|---|
 | |
| Чужан лун | 1938 вося лӧддза-номъя тӧлысь 26-ӧд лун |
| Чужанін | Казань кар, Татарскӧй АССР, СССР |
| Канму |
 СССР →  Россия |
| Мыйся уджыс | инженер-стрӧитчысь |
| Ошканпасъяс да премияяс |
|
Николаев Герман Борисович (1938 вося лӧддза-номъя тӧлысь 26-ӧд лун, Татарскӧй АССР-са Казань кар) — инженер-стрӧитчысь, Коми Республикаса канморт[1], Коми Республикаса Почёта гражданин (2023).
Коми Республикаса Юралысьлӧн 2023 во моз тӧлысь 8 лунся 83 №-а Индӧдӧн сетӧма «Почёта гражданин» Коми Республикаса медвылыс почёт ним[2].
Олантуй
Чужис 1938 вося лӧддза-номъя тӧлысь 26-ӧд лунӧ Татарскӧй АССР-са Казань карын.
1960 воын Казаньса инженерно-строительнӧй институт помалӧм бӧрын уджаліс Мордовскӧй АССР-са да Татарскӧй АССР-са промышленнӧй стрӧйбаяс вылын. Коми Республикаӧ воис 1964 воын Ставсоюзса ударнӧй комсомол стройка вылӧ — стрӧитны Сыктывкарса вӧр промышленносьт комплекс[3].
Разнӧй кадӧ Герман Борисович юрнуӧдіс татшӧм трестъясӧн: «Комипромжилстрой» (1970—1976), «Бумпромстрой» (1976—1982), «Сыктывкарстрой», «Главкомистрой» (1982—1993)[1][4].
Сылӧн юрнуӧдан кадӧ помӧдз стрӧитісны ЛПК, выльмӧдісны Зӧвсьӧртса завод, стрӧитісны ДСП-100 завод, фанера вӧчан завод, кытӧм материалъяс вӧчан фабрика, Зеленечса порсь видзан комплекс, Эжваын да Сыктывкарын чипан видзан фабрикаяс. Сідзжӧ стрӧитісны 1,5 млн кв. метр гӧгӧр оланін Сыктывкарын, Ускарын да мукӧд районын, матӧ 20 школа, челядьӧс видзанін да мукӧд социальнӧй объект[4].
1993—1996 воясын Герман Борисович юрнуӧдіс Коми Республикаӧс экономика боксянь сӧвмӧдан уджтаслӧн дирекцияӧн[1]. Босьтчис проектируйтны да стрӧитны титанӧвӧй рудаяс, Тиманын бокситъяс, интаса марганеч перъян да переработайтан объектъяс[4].
1996 восянь веськӧдліс «Белкомур» проектын «Кардор-Сыктывкар-Перым» кӧрт туй магистраль стрӧитӧмӧн, сэсся виччысьтӧг сійӧс вештісны тайо проектысь[5].
2003 воын Г. Б. Николаев заводитіс уджавны Сыктывкарса вӧр институтын велӧдысьӧн. 2004 воын сетісны техническӧй наукаяс кандидатлысь ним[6].
Пенсия вылӧ петӧм бӧрын Герман Борисович сиис ассьыс олӧмсӧ ветеранъяслӧн организациялы. 2014 восянь лоӧ «Главкомистрой» ветеранъяслӧн сӧветӧн веськӧдлысьӧс вежысьӧн.
Разнӧй кадӧ Г. Б. Николаев вӧлі КПСС-лӧн Коми обкомса бюроӧ пырысьӧн, сійӧс унаысь бӧрйылісны Коми АССР-лӧн Медвылыс Сӧветса, карлӧн да районлӧн Сӧветъясса депутатӧн[4].
Наградаяс
• «РСФСР-са нимӧдана стрӧитчысь» ним,
• «Коми Республикаса йӧзкост овмӧсын нимӧдана уджалысь» почёт ним,
• Уджвывса Гӧрд Дӧрапас орден,
• Войтыръяслӧн Ёрталун орден,
• «Коми Республикалы бур вӧчӧмысь» Коми Республикаса отличие пас,
• Сыктывкар карса Почёта гражданин[7].
Пасйӧдъяс
- ↑ 1 2 3 Вьюхин В. Николаев Герман Борисович // Республика Коми. Энциклопедия. Том II. — Сыктывкар: Коми книжное издательство, 1999. — С. 341.
- ↑ Почетными гражданами Коми в 2023 году стали Игорь Шпектор и Герман Николаев, Комиинформ. Шыӧдчан кадпас: 24 рака тӧлысь 2025.
- ↑ Глава Коми присвоил высшее почетное звание республики заслуженному строителю и легендарному мэру, bnkomi. Шыӧдчан кадпас: 24 рака тӧлысь 2025.
- ↑ 1 2 3 4 Книга почёта Республики Коми
- ↑ От гигантов индустрии до жилых кварталов, Регион. Шыӧдчан кадпас: 24 рака тӧлысь 2025.
- ↑ На благо строительной отрасли и профильного образования: 85 лет Герману Борисовичу Николаеву, СЛИ. Шыӧдчан кадпас: 24 рака тӧлысь 2025.
- ↑ Почетные граждане города, Администрация МО ГО "Сыктывкар". Шыӧдчан кадпас: 24 рака тӧлысь 2025.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
