Бибиков Вячеслав Сергеевич
| Бибиков Вячеслав Сергеевич | |
|---|---|
| Бибиков Вячеслав Сергеевич | |
 | |
| Дата рождения | 1938 вося сора тӧлысь 30-ӧд лун |
| Место рождения | Путимец грезд, Орёл обласьт, СССР |
| Гражданство |
 СССР →  Россия |
| Род деятельности | Коми Республикаса Юралысьӧс вежысь, архитектура, стрӧитчӧм, коммунальнӧй овмӧс да энергетика министр (1994-2004) |
| Награды и премии |
|
Бибиков Вячеслав Сергеевич (1938 вося сора тӧлысь 30-ӧд лун, Орёл обласьтса Путимец грезд) — канморт, Коми Республикаса Юралысьӧс вежысь, архитектура, стрӧитчӧм, коммунальнӧй овмӧс да энергетика министр (1994—2004), Россия Федерацияса нимӧдана стрӧитчысь, Коми Республикаса Почёта гражданин (2020).
Коми Республикаса Юралысьлӧн 2020 во моз тӧлысь 3 лунся 81 №-а Индӧдӧн сетӧма «Почёта гражданин» Коми Республикаса медвылыс почёт ним[1].
Олантуй
Чужис 1938 вося сора тӧлысь 30-ӧд лунӧ Орёл обласьтса Путимец грездын. Помаліс Ленинградса инженерно-стрӧительнӧй институт «инженер-стрӧитель» специальносьт серти[2].
Вячеслав Сергеевич Бибиковлӧн уджыс йитчӧма Коми Республикакӧд. 1968 восянь сійӧ вӧлі «Ухтастрой» трестса медшӧр инженерӧн, 1969 восянь 1976 воӧдз уджаліс Вӧркута карса «Печоршахтострой» трестса керка стрӧитан комбинатса главнӧй инженерӧн, а сідзжӧ веськӧдліс Ускарын «Усинскстрой» строительно-монтажнӧй трестӧн.
1982 восянь 1986 воӧдз Вячеслав Бибиков юрнуӧдіс Сыктывкар «Бумпромстрой» трестӧн[3].
1986 восянь 1990 воӧдз сійӧ вӧлі Коми АССР-са Министръяс Сӧветӧн веськӧдлысьӧс вежысьӧн, Коми ССР-са архитектура да стрӧитчӧм кузя комитетӧн веськӧдлысьӧн[4].
1994 восянь 2004 воӧдз уджаліс Комиын архитектура, стрӧитчӧм, коммунальнӧй овмӧс да энергетика кузя министрӧн, вӧлі Коми Республикаса Юралысьӧс вежысьӧн[4].
В. С. Бибиков пуктіс зэв ыджыд пай Коми Республика сӧвмӧдӧмӧ. Сы отсӧгӧн Вӧркутаын, Укваын, Ускарын да Сыктывкарын кыпӧдісны уна производственнӧй стрӧйба, социальнӧй да культурно-бытӧвӧй объект, олан керка. На лыдысь торйӧн колӧ пасйыны Сыктывкарса ЛПК[3].
В. С. Бибиков дыр кад чӧж уджаліс производствоын, кужис унатор босьтны тӧд вылӧ. Буретш та вӧсна республикаӧн юрнуӧдысьяс индісны сійӧс Коми АССР-са (бӧрынджык ССР-са) Министръяс Сӧветӧн Юрнуӧдысьӧс вежысьӧн, Архитектура да стрӧитчӧм серти Коми ССР-са канму комитетӧн веськӧдлысьӧн, а бӧрынджык — Коми Республикаса Юралысьӧс вежысьӧн, архитектура, стрӧитчӧм, коммунальнӧй овмӧс да энергетика министрӧн[3].
Наградаяс
• Уджвывса Гӧрд Дӧрапас орден;
• «Айму водзын заслугаясысь» IV тшупӧда орден;
• «Почёт пас» орден;
• «Россия Федерацияса нимӧдана стрӧитчысь» ним;
• «Коми Республикаса народнӧй овмӧсын нимӧдана уджалысь» ним;
• Коми Республикаса Почёта гражданин (2000);
• Ускар карса Почёта гражданин (1999)[5].
Пасйӧдъяс
- ↑ Вячеславу Бибикову, Николаю Герасимову и Михаилу Сырокваше присвоено высшее почётное звание Республики Коми «Почетный гражданин»
- ↑ Расторгуев А. Бибиков Вячеслав Сергеевич // Республика Коми. Энциклопедия. Том I. — Сыктывкар: Коми книжное издательство, 1997. — С. 259.
- ↑ 1 2 3 Книга почёта Республики Коми
- ↑ 1 2 Госсовет Коми выбрал бывшего министра строительства для присвоения высшего почетного звания республики, bnkomi. Шыӧдчан кадпас: 18 рака тӧлысь 2025.
- ↑ Вячеслав Сергеевич Бибиков, Администрация округа "Усинск". Шыӧдчан кадпас: 18 рака тӧлысь 2025.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
