Герасимов Николай Николаевич
| Герасимов Николай Николаевич | |
|---|---|
 | |
| Чужан лун | 1956-ӧд вося ода-кора тӧлысь 19-ӧд лун |
| Чужанін | |
| Кулан лун | 2018-ӧд вося вӧльгым тӧлысь 2-ӧд лун (62 арӧс) |
| Куланін | |
| Канму | |
| Велӧдчӧм | |
| Учёнӧй степень | геология да минералогия наукаса кандидат |
| Наградаяс да премияяс |
  |
Герасимов Николай Николаевич (1956 вося ода-кора тӧлысь 19-ӧд лун, Кострома обласьт — 2018 вося вӧльгым тӧлысь 2-ӧд лун, Петыркар) — россияса геолог, канморт, геология да горнӧй делӧ серти историк, Коми Республикаса промышленносьт, транспорт да энергетика министр, Россия Федерацияса нимӧдана геолог (2009)[1][2][3], Коми Республикаса Почёта гражданин (2020).
Коми Республикаса Юралысьлӧн 2020 во моз тӧлысь 3 лунся 81 №-а Индӧдӧн сетӧма «Почёта гражданин» Коми Республикаса медвылыс почёт ним (кувсьӧм бӧрын)[4].
Олантуй
Чужис 1956 вося ода-кора тӧлысь 19-ӧд лунӧ Кострома обласьтса Ключи грездын.
1978 воын отличиеӧн помаліс М. В. Ломоносов нима Москваса канму университет «Геология да мупытшса озырлун куйлӧдъяс туялӧм» специальносьт серти.
Муніс уджавны Войвыв Уралӧ. Геолог, отрядса начальник, геолого-съёмочнӧй партияса начальник, «Полярноуралгеология» объединениелӧн геолого-поисковӧй партияса медшӧр геолог, веськӧдліс Парнокса кӧрт марганец куйлӧдын опытно-промышленнӧй перйӧмӧн.
1980—1982 воясӧ служитӧма Сӧветскӧй Армияын.
1985—1990 воясӧ вӧлі «Полярноуралгеология» котырлӧн парткомса секретарӧн.
1992—1994 воясӧ веськӧдлӧма «Родонит» ТОО-ӧн.
1995—2002 воясӧ — «Полярноуралгеология» ВАК-лӧн геология предприятиеса директор.
2000 воын дорйис Москваса канму университетын «Геологическое строение и генезис парнокского железо-марганцевого месторождения (Полярный Урал)» тема серти кандидатскӧй диссертация[5].
2002—2003 воясӧ — Коми Республикаса экономика сӧвмӧдан уджтаслӧн администрацияӧн юрнуӧдысь.
2003—2009 воясӧ — Коми Республикаса промышленносьт министр.
2010 восянь — «РН — Северная нефть» ичӧт кывкутана котырлӧн регионъяс сӧвмӧдан директор.
2015 — Коми Республикаса промышленносьт, транспорт да энергетика министр, ӧттшӧтш Коми Республикаса Веськӧдлан котырӧн Юрнуӧдысьӧс вежысь (2016).
2015—2017 воясӧ уджаліс Москваын Н. М. Федоровский нима минеральнӧй сырьёлӧн ставроссияса НИИ-ын директорӧс вежысьӧн[6].
Николай Николаевичлӧн уджыс йитчӧма Коми Республикаса геологиякӧд. Н. Н. Герасимов пуктіс тӧдчана пай Парнокса куйлӧд восьтӧмӧ, донъялӧмӧ, туялӧмӧ да тӧдмалӧмӧ. Сійӧ лоӧ куйлӧдсӧ медводдза восьтысьяс пиысь ӧтиӧн[7].
Николай Николаевич босьтчис сӧвмӧдны 90-ӧд воясӧ киссьӧм геология отрасльсӧ, пуктіс ыджыд пай сійӧс сӧвмӧдӧмӧ сэк, кор уджаліс Коми Республикаса промышленносьт министрӧн, а сідзжӧ Куйлӧдъяс перйӧм серти Россия Федерацияса Веськӧдлан котыр бердын комиссияӧ Коми Республикасянь пырысьӧн. Уна вын Н. Н. Герасимов пуктіс куйлӧдъяс перъянінъясын да Ямалсянь магистральнӧй биару провод нюжӧдігӧн гӧгӧртас видзӧмӧ[7].
Н. Н. Герасимов — геология да минералогия наукаса кандидат, геология да горнӧй делӧ серти историк.
Н. Н. Герасимов кувсис 2018 вося вӧльгым тӧлысь 2-ӧд лунӧ Петыркарын[8][9].
Семья
Вокъясыс[10]:
• Герасимов Анатолий Николаевич (1958—2015) — лызьӧн котралӧм кузя тренер, кык Олимпиада вылын да лызьӧн котралӧм кузя мирса 6 чемпионатын участвуйтысь[11];
• Герасимов Александр Николаевич (чужис 1960) — геологоразведчик, альпинист.
Наградаяс
• «Шахтёръяслӧн слава» III тшупӧда пас (2000),
• «Му пытшкӧс туялӧмын заслугаясысь» памятнӧй пас,
• «Россияса горняк» зарни пас,
• «Россия Федерацияса нимӧдана геолог» почёт ним (2009),
• «Коми Республикаса нимӧдана уджалысь» почёт ним (2001).
Библиография
- А гора остаётся горой: Литературный альманах. Сыктывкар: Геопринт, 2013. 270 с. (Редактор, автор статей и стихов).
- Памяти поэта Владимира Леоновича: Специальный выпуск по инициативе Николая Герасимова. М.: Знак, 2015. 240 с.
Пасйӧдъяс
- ↑ «Пустозерский городок невелик…» | Выбор НАО. Шыӧдчан кадпас: 17 тӧвшӧр тӧлысь 2019. Архивируйтӧма оригинала 17 тӧвшӧр тӧлысь 2018 года.
- ↑ Министр промышленности Коми Николай Герасимов: У проекта «Белкомур» есть все основания для воплощения. Шыӧдчан кадпас: 17 тӧвшӧр тӧлысь 2019. Архивируйтӧма 19 тӧвшӧр тӧлысь 2019.
- ↑ Герасимов Николай Николаевич | Люди Республики Коми | Республика Коми | Знай наших! Шыӧдчан кадпас: 17 тӧвшӧр тӧлысь 2019. Архивируйтӧма 19 тӧвшӧр тӧлысь 2019.
- ↑ Вячеславу Бибикову, Николаю Герасимову и Михаилу Сырокваше присвоено высшее почётное звание Республики Коми «Почетный гражданин»
- ↑ Герасимов Н. Н. Геологическое строение и генезис парнокского железо-марганцевого месторождения : (Поляр. Урал) : Автореф. дис. на соиск. учен. степ. к.г.-м.н. Архивса копия 19 тӧвшӧр тӧлысь 2019 Wayback Machine ресурсын : Спец. 04.00.11 / [МГУ им. М. В. Ломоносова]. — М., 2000. — 23, [1] с. : ил. ; 21 см. — Библиогр. в конце кн. (11 назв.) Архивса копия 27 урасьӧм тӧлысь 2019 Wayback Machine ресурсын
- ↑ Николай Николаевич Герасимов (19.05.1956-02.11.2018) Архивса копия 30 ӧшым тӧлысь 2018 Wayback Machine ресурсын // Разведка и охрана недр. 26 декабря 2018.
- ↑ 1 2 Книга почёта Республики Коми
- ↑ В Петербурге скончался глава Минпрома Коми Николай Герасимов, bnkomi. Шыӧдчан кадпас: 18 рака тӧлысь 2025.
- ↑ В Санкт-Петербурге скончался министр промышленности Коми Николай Герасимов, KOMI.KP. Шыӧдчан кадпас: 18 рака тӧлысь 2025.
- ↑ Моя Вохма Архивса копия 19 тӧвшӧр тӧлысь 2019 Wayback Machine ресурсын. 23 октября 2014.
- ↑ Умер Анатолий Николаевич Герасимов Архивса копия 19 тӧвшӧр тӧлысь 2019 Wayback Machine ресурсын. 12 декабря 2015.
 |
|
|---|
