Оботуров Юрий Николаевич

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Оботуров.
Оботуров Юрий Николаевич
Оботуров Ю.Н..jpg
Чужан лун 1937-ӧд вося тӧвшӧр тӧлысь 24-ӧд лун(1937-01-24) (89 арӧс)
Чужанін
Страна
Ошканпасъяс да премияяс

Оботуров Юрий Николаевич (1937-ӧд вося тӧвшӧр тӧлысь 24-ӧд лун, Абъячой, Коми АССР) — Коми Республикаса спорт да мортӧс ёнмӧдан юкӧнын уджалысь. Коми Республикаса Почёта гражданин (2025)[1].

Олантуй

Оботуров Ю. чужис 1937 вося тӧвшӧр тӧлысь 24-ӧд лунӧ Коми АССР-са Луздор районса Абъячой сиктын. 1963 воын помаліс Коми канмуса педагогика институт «физика да математика велӧдысь» специальносьт серти[2].

1965—1972 да 1980—1986 воясӧ уджаліс уна сикас чинын профсоюзъяслӧн Коми обласьтса сӧвет бердын туризм да экскурсияяс кузя областнӧй сӧветын, Коми Республикаса физкультура да спорт комитетын[2].

1972—1980 воясӧ вӧлі Сыктывкарса физкультура да спорт комитетӧн веськӧдлысьӧн[2].

1986—1993 воясӧ веськӧдліс Суйӧрсайса туризм кузя СССР-са Госкомитетлӧн (Госкоминтурист) Коми республиканскӧй юкӧнӧн[2].

1993—1995 воясӧ уджалӧма Том туристъяслӧн республиканскӧй станцияын, 1995—2000 воясӧ — челядьлы да том йӧзлы туризм кузя республикаса шӧринын[2].

1995—2005 воясӧ вӧлӧма «Югӧр» туркомплексын директорӧс вежысьӧн, директоръяслӧн сӧветса веськӧдлысьӧн[2].

2008—2010 воясӧ уджаліс «Занулльӧса» сикт овмӧдчӧминса юралысьӧн (Луздор район).

1965 воын босьтчис пыртны республикаӧ спортлысь выль сикас — места вылын ориентируйтчӧм. 1966 восянь 1979 воӧдз вӧлі Коми АССР-са сборнӧй командалӧн старшӧй тренерӧн, коді унаысь лоліс зональнӧй ордйысьӧмъясын вермысьӧн да призёрӧн, вермыліс Россияса чемпионатын, участвуйтіс СССР-са чемпионатын да ставсоюзса уна ордйысьӧмын. Тайӧ каднас вӧлі дасьтӧма СССР-са дас спорт мастерӧс. Ю. Н. Оботуровӧс унаысь бӧрйылісны Коми Республикаса спортивнӧй ориентирование федерацияӧн веськӧдлысьӧн[3].

2002 восянь 2013 воӧдз уджаліс Сыктывкарса канму университетын экономика да менеджмент кафедраса доцентӧн[2].

Общественнӧй удж

• Бӧрйылісны Сыктывкарса уджалысь йӧзлӧн ХV-ХVII созывса депутатъяслӧн сӧветын депутатӧн (1975—1981 вояс);
• Вӧлі Коми Республикаса спорт да мортӧс ёнмӧдан министерство бердын ӧтйӧза сӧветӧ пырысьӧн;
• Вӧлі Коми Республикаса туризм агентство бердын ӧтйӧза сӧветӧн веськӧдлысьӧн;
• 2012—2013 воясӧ вӧлі «Луздорса му» общественнӧй ӧтмунӧмлӧн сӧветса председательӧн;
• Россияса спортивнӧй ориентирование серти федерацияӧ  (рус.) (коми пырысь.

Наградаяс

• ВЦСПС бердын туризм да экскурсияяс котыртӧм кузя Шӧр Сӧветлӧн  (рус.) (коми «Туризмын зіля уджалӧмысь» пас (1967 во);
• СССР-са Министръяс Сӧвет бердын физкультура да спорт комитетлӧн  (рус.) (коми казьтылан медаль (1976 во);
• РСФСР-са Министръяс Сӧвет бердын физкультура да спорт Комитетлӧн Почёт грамота (1976 во);
• «Уджвывса ветеран» медаль (1989 во);
• Коми Республикаса Почёт грамота (1995 во);
• Россия Федерацияса физкультура, спорт и туризм кузя Канму комитетлӧн «Физкультура да спорт сӧвмӧдӧмын заслугаясысь» Почёт пас (2001 во);
• Россия Федерацияса уджсикасӧ велӧдан министерстволӧн «Томуловлы туризм сӧвмӧдӧмын заслугаясысь» пас (2001 во);
• «Коми Республикаса нимӧдана уджалысь» почёт ним (2002 во);
• «Россияса госкомспортлы 80 во» медаль (2003 во);
• Россияса спортивнӧй ориентирование федерациялӧн зарни пас (2005 во);
• «Коми Республикалы бура служитӧмысь» почёт пас (2010 во);
• Туризм кузя федеральнӧй агентстволӧн (Ростуризмлӧн) Почёт грамота (2011 во);
• Луздор районса Почёта гражданин (2012 во)[4];
• Коми Республикаса Почёта тренер (2015 во)[5];
• Россияса спортивнӧй ориентирование федерацияӧ почёта пырысь;
• Сыктывкарса Почёта гражданин (2020 во)[6];
• Коми Республикаса Почёта гражданин (2025).

Пасйӧдъяс

  1. ↑ Звание "Почетный гражданин" в Коми присвоено Михаилу Герцману и Юрий Оботурову (рус.). Комиинформ (15 моз тӧлысь 2025). Шыӧдчан кадпас: 20 моз тӧлысь 2025.
  2. ↑ 1 2 3 4 5 6 7 Оботуров Юрий Николаевич (рус.). Администрация МОГО «Сыктывкар». Шыӧдчан кадпас: 20 моз тӧлысь 2025.
  3. ↑ Юрий Николаевич Оботуров – основатель спортивного ориентирования как вида спорта в Республике Коми (рус.). Муниципальное учреждение культуры "Районный Центр изобразительного искусства и прикладного творчества при главе муниципального района "Прилузский" (19 ӧшым тӧлысь 2024). Шыӧдчан кадпас: 20 моз тӧлысь 2025.
  4. ↑ Оботуров Юрий Николаевич (рус.). Администрация Прилузского района. Шыӧдчан кадпас: 20 моз тӧлысь 2025.
  5. ↑ Юрий Оботуров: «В жизни, как в спорте - берешь карту, составляешь план и держишься его» (рус.). БНКоми (11 урасьӧм тӧлысь 2015). Шыӧдчан кадпас: 20 моз тӧлысь 2025.
  6. ↑ Почетные граждане города (рус.). Администрация МОГО "Сыктывкар". Шыӧдчан кадпас: 20 моз тӧлысь 2025.
Босьтӧма "https://kv.ruwiki.ru/w/index.php?title=Оботуров_Юрий_Николаевич&oldid=476224"-ысь