Гуменюк Анатолий Степанович
| Гуменюк Анатолий Степанович | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 | |||||||||||||||||
| Дата рождения | 1933 вося моз тӧлысь 23-ӧд лун | ||||||||||||||||
| Место рождения | Украина ССР-ын Хмельницкӧй обласьтса Медисовка сикт | ||||||||||||||||
| Гражданство |
 СССР |
||||||||||||||||
| Род деятельности | горный инженер, государственный деятель | ||||||||||||||||
| Награды и премии |
|
||||||||||||||||
Гуменюк Анатолий Степанович (1933 вося моз тӧлысь 23-ӧд лун, Украина ССР-ын Хмельницкӧй обласьтса Медисовка сикт) — горнӧй инженер, Россияын мусир да биару промышленносьт котыртысь, Коми Республикаса Почёта гражданин (2014).
Коми Республикаса Юралысьлӧн 2014 во моз тӧлысь 20-ӧд лунся 81 №-а Индӧдӧн сетӧма «Почёта гражданин» Коми Республикаса медвылыс почёт ним[1].
Олантуй
Чужис 1933 вося моз тӧлысь 23-ӧд лунӧ Медисовка сиктын (Теофиполь районса Винница обласьт Украина ССР-ын, ӧні Украинаса Хмельницкӧй обласьтын). Батьыс — Степан Иванович, райпотребсоюзын бухгалтер. Мамыс —Анна Герасимовна, колхозница.
Айму вӧсна Ыджыд война заводитчӧмсянь семьяыскӧд тшӧтш эвакуируйтісны Полтава обласьтса Хорольскӧй районын Новоивановка сиктӧ. Немеч войскаӧн Новоивановка оккупируйтӧм бӧрын 1942 вося рака тӧлысьын бӧр локтіс чужан сиктӧ, кодӧс сӧвет войска мездісны 1944 вося рака тӧлысь 7-ӧд лунӧ. 1952 воын помаліс теофипольса шӧр школа ад пырис велӧдчыны Львовса политехническӧй институтӧ.
Коми Республикаын Анатолий Степанович заводитіс уджавны 1957 восянь Львовса политехническӧй институтлысь мусир перйыны велӧдан факультет помалӧм бӧрын «Войвожнефтегазразведка» трестлӧн ремонтно-механическӧй заводса инженер-конструктор чинсянь Войвожын. Нёль тӧлысь мысти вӧлі индӧма медшӧр инженерӧн, а сэсся заводса директорӧн. 1968 воӧдз уджаліс тайӧ трестын веськӧдлан чинъясын: 1 №-а вышкомонтажнӧй управлениеса (ВМУ) медшӧр инженерӧн, сэсся 2 №-а ВМУ-са директорӧн. Трест тайӧ воясӧ нуӧдіс геологическӧй разведка Европаса Войвылын медыджыд куйлӧдъясын: Ускарса мусир да Вуктылса газоконденсатнӧй[2]. Геология туялан юкӧнын, мусир да биару комплексъясын уджаліс 30 воысь дырджык[3].
1968 воын заводитіс уджавны «Вуктылнефтегазразведка» геологоразведочнӧй трестын производствоӧн веськӧдлысьӧс вежысьӧн, трестсӧ вӧлі лӧсьӧдӧма Коми АССР-ын геологоразведочнӧй уджъяс паськӧдӧм да Вуктылса куйлӧд освоитӧм ӧддзӧдӧм могысь.
1970 восянь 1975 воӧдз веськӧдліс Вуктылса биару перъян веськӧдлӧмӧн. Тайӧ воясӧ биару вогӧгӧрся перйӧмсӧ петкӧдӧма проектнӧй тшупӧд вылӧ (вонас 15 миллиард кубометр); ВГПУ-лӧн вынъясӧн заводитӧма освоитны Кардор обласьтса биару куйлӧдъяс.
1975 воын — «Комигазпром» Всесоюзнӧй промышленнӧй ӧтувса производство серти начальникӧс вежысь да КПСС-лӧн Уква карса комитетса секретар.
1976 вося ӧшым тӧлыссянь — «Коминефть» производственнӧй ӧтувса начальник (бӧрынджык генеральнӧй директор). 1983 воын сылӧн веськӧдлӧм улын вӧлі перйӧма сійӧ кад кежлӧ вӧвлытӧм ыджда — 19 миллионысь унджык тонна мусир[4].Сылӧн водзмӧстчӧмӧн Коми Республикаын лӧсьӧдӧма мусир да биару перйӧмын вына промышленносьт: Европаса Войвылын туялісны, тӧдмалісны да перйисны 32-ысь унджык мусир, мусир-биару да биару конденсат куйлӧд; кыпӧдісны Вуктылса биару конденсат перъянін, Ускарса промышленнӧй узел, Вуктыл да Ускар каръяс, стрӧитісны уджалан посёлокъяс: Улыс Одес, Ярега, Нефтепечорск, Верхнеколвинск[3].
1986 воын, кор странаын лоисны мусир перъян да буритчан оборудование качествокӧд йитчӧм мытшӧдъяс да ковмисны йӧз, кодъяс бурджыка вермисны кыпӧдны тайӧ уджсӧ, Анатолий Степановичӧс вуджӧдісны СССР-са химия да мусир машиностроение министерстволӧн Мусир да буритчан оборудование вӧчан медшӧр веськӧдланінӧ. Выль чинын уджалігӧн сійӧ пуктіс пай мусир да биару сӧвмӧдӧмӧ эз сӧмын Европаса Войвылын, но и страна пасьтала[3].
1991 восянь да — «НИПЕК» корпорацияса медыджыд директор, «Коминефть» ВАК-ын, "«Коминефтепродукт» ВАК-ын, «Южтяжмаш» ПАК-ын веськӧдлысь чинъясын.
1998 воын петіс пенсия вылӧ.
2003 восянь гижӧ литературно-публицистическӧй уджъяс. Анатолий Степанович гижис Коми Республикаын мусир да биару отрасльлы сиӧм очеркъяс да небӧгъяс: «Тимано-Уральский треугольник», «Земля моей судьбы» и «Энциклопедия топливно-энергетического комплекса Европейского Севера». Гижис 73 наука удж, нёль монография, асшӧрысь да мукӧдкӧд ӧтвылысь пыртіс олӧмӧ 21 изобретение[3].
Небӧгъяс
- Гуменюк А. С. Тимано-Уральский треугольник. — б. м.: б. и., 2005. — 516 с. — ISBN 5-7934-0081-8.
- Гуменюк А. С. Земля моей судьбы. История. Публицистика. Размышления. — М.: Пик, 2006. — 448 с. — ISBN 5-7358-0301-8.
- Гуменюк А. С. Территория жизни. Историко-публицистическое повествование. — М.: Юбилейная книга, 2019. — 784 с. — ISBN 978-5-6041631-2-2.
Наградаяс
• «Почёт пас» орден (1966),
• «Уджвывса Гӧрд Дӧрапас» орден (1973),
• Ленин орден (1974),
• Октябрса революция орден (1983),
• Войтыръяслӧн Ёрталун орден (1981),
• «Уджын отличиеысь» медаль (1961),
• «Бур уджысь. В. И. Ленинлӧн чужан лунсянь 100 во тырӧмлы сиӧмӧн» (1970),
• «Уджвывса ветеран» медаль (1985),
• Коми АССР-са почёта рационализатор ним (1966),
• Мусир промышленносьтса отличник ним (1983),
• «Коми Республикаса нимӧдана уджалысь» ним (2013),
• Коми Республикаса Почёта гражданин (2014),
• Иван Павлович Морозов орден (2023)[5].
Пасйӧдъяс
- ↑ Геннадию Рассохину, Зосиме Паневу и Анатолию Гуменюку присвоены высшие звания Республики Коми «Почётный гражданин»
- ↑ Анатолий Гуменюк:"Я на всю жизнь запомнил 23 партийных взыскания. Но и правительственные награды меня не обходили", komiinform.ru. Шыӧдчан кадпас: 7 рака тӧлысь 2025.
- ↑ 1 2 3 4 Книга почёта Республики Коми
- ↑ Уроженцы Коми земли, прославившие Республику за ее пределами, НБ РК. Шыӧдчан кадпас: 7 рака тӧлысь 2025.
- ↑ УКАЗ ГЛАВЫ РЕСПУБЛИКИ КОМИ О награждении орденом Ивана Павловича Морозова. Администрация Главы Республики Коми (16 моз тӧлысь 2023).
Литература
- Анатолию Степановичу Гуменюку — 80 лет! // Нефтяное хозяйство. — 2013. — № 8. — С. 57. — ISSN 0028-2448.
- Плякин А. М., Федорович Р. Н. Заслуженные работники Российской Федерации // Ухтинцы — заслуженные работники России. — Ухта: б. и., 2018. — С. 59. — 173 с.
- Чешко В. Н. Бесценный капитал Миннефтегазстроя СССР. — М.: Союз-Дизайн, 2022. — Т. IV. — С. 87. — 472 с. — ISBN 978-5-00016-034-3.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
- Ленин ордена кавалеръяс
- Уджвывса Гӧрд Дӧрапас орденса кавалеръяс
- Октябрса Революция орденса кавалеръяс
- «Почёт пас» ордена кавалеръяс
- Войтыръяслӧн Ёрталун ордена кавалеръяс
- «Уджвывса ветеран» медальӧн наградитӧмаяс
- «Уджын отличиеысь» медальӧн наградитӧмаяс
- Коми Республикаса Почёта гражданинъяс
- Персоналия анбурӧд
- Чужисны 1933 воын
- Чужисны моз тӧлысь 8-ӧд лунӧ