Сырокваша Михаил Иванович
| Сырокваша Михаил Иванович | |
|---|---|
 | |
| Чужан лун | 1926 вося йирым тӧлысь 10-ӧд лун |
| Чужанін | Честный посёлок, Климово район, Брянск обласьт |
| Кулан лун | 2024 вося косму тӧлысь 17-ӧд лун |
| Куланін | Брянск |
| Канму |
 СССР →  Россия |
| Служитан вояс | 1943—1950 |
| Наградаяс да премияяс |
       |
Сырокваша Михаил Иванович (1926 вося йирым тӧлысь 10-ӧд лун, Брянск обласьтлӧн Климово районса Честный посёлок — 2024 вося косму тӧлысь 17-ӧд лун, Брянск) — Айму вӧсна Ыджыд тышын участвуйтысь, Коми Республикаса Почёта гражданин (2020).
Коми Республикаса Юралысьлӧн 2020 во моз тӧлысь 3 лунся 81 №-а Индӧдӧн сетӧма «Почёта гражданин» Коми Республикаса медвылыс почёт ним[1][2].
Олантуй
Чужис 1926 вося йирым тӧлысь 10-ӧд лунӧ Брянск обласьтлӧн Климово районса Плавка сиктын[3] (мӧд ӧшмӧсъяс серти — Честный посёлокын[4][5]).
1943 воын М. И. Сыроквашаӧс босьтісны Айму вӧсна Ыджыд тышса фронт вылӧ. Михаил Иванович воюйтіс 3-ӧд Белорусскӧй фронт вылын 39-ӧд армиялӧн 262-ӧд стрелкӧвӧй дивизияса 945-ӧд стрелкӧвӧй полкын, кодкӧд ӧттшӧтш мездіс Беларусь да Литва, босьтіс Асыввыв Пруссия, войскакӧд ӧтлаын форсируйтіс Неман, Кёнигсберг штурмуйтігӧн ранитчис - мина осколокъясӧн тшыкӧдіс кияссӧ. Победа лунсӧ паныдаліс Балтика дорын, Фишхаузенын (ӧні — Калининград обласьтса Приморск)[4].
1945 вося ода-кора тӧлысь помын 39-ӧд армиясӧ вуджӧдісны Монголияӧ, Китайкӧд суйӧр дорӧ. Квантунскӧй армия пасьвартӧмын участвуйтігӧн 262-ӧд дивизия медводдзаӧн вуджис Хинган гӧра. Та бӧрын дивизиялы сетісны Хинганса ним. Пехота отделениеса командир Михаил Сырокваша участвуйтіс нималана Порт-Артур мездӧмын[3].
М. И. Сырокваша демобилизуйтчис 1950 вося йирым 10-ӧд лунӧ. Сійӧ воис гортас, Честный посёлокӧ. 1953 воын пырис велӧдчынын Брянскын машинистъясӧ велӧдан школаӧ. 1956 воын школасӧ помалӧм бӧрын Михаил Ивановичӧс индісны «Изьва» депоӧ (ӧні Сосногорск)[5]. М. И. Сырокваша уджаліс паровозса, тепловозса машинистӧн, инструктор-машинистӧн, Войвывса кӧрт туйлӧн Сосногорскса отделениеын локомотивъяс уджӧдӧм бӧрся видзан юкӧнса начальникӧс вежысьӧн. Кӧрт туй вылын уджалан стажыс — нелямын во[3].
Михаил Ивановичӧс унаысь бӧрйылісны Уква карса сӧветӧ депутатӧн, сідзжӧ сійӧ вӧлі «Сосногорск» станциялӧн кӧрт туй узелса партбюроӧ пырысьӧн, Войвывса кӧрт туйлӧн Сосногорскса отделениеын аппаратса месткомӧн веськӧдлысьӧн[3].
Пенсия вылӧ петӧм бӧрын Михаил Иванович зіля босьтчис ӧтйӧза уджӧ. Сійӧ пуктӧ уна вын том йӧзӧс Чужан му радейтны да пыдди пуктыны велӧдӧмӧ, тшӧкыда волывлӧ велӧдан учреждениеясӧ да нуӧдӧ сэні челядьлы смеллун йылысь урокъяс[3].
Кувсис 2024 вося косму тӧлысь 17-ӧд лунӧ Брянскын[6][7].
Наградаяс
• Айму вӧсна Ыджыд тышса II тшупӧда орден,
• Гӧрд Кодзув орден,
• «Смеллунысь» медаль,
• «Японияӧс вермӧмысь» медаль,
• «Кёнигсберг босьтӧмысь» медаль,
• «1941–1945 воясса Айму вӧсна Ыджыд тышын Германияӧс вермӧмысь» медаль,
• «Сосногорск» муниципальнӧй районса почёта гражданин» ним.
Пасйӧдъяс
- ↑ Вячеславу Бибикову, Николаю Герасимову и Михаилу Сырокваше присвоено высшее почётное звание Республики Коми «Почетный гражданин»
- ↑ Владимир Уйба вручил награду «Почетный гражданин Республики Коми» ветерану Великой Отечественной войны, bnkomi. Шыӧдчан кадпас: 18 рака тӧлысь 2025.
- ↑ 1 2 3 4 5 Книга почёта Республики Коми
- ↑ 1 2 Михаил Иванович Сырокваша, Газпром. Переработка. Шыӧдчан кадпас: 18 рака тӧлысь 2025.
- ↑ 1 2 Сырокваша Михаил Иванович. Автобиография
- ↑ В Коми ушел из жизни участник Великой Отечественной войны Михаил Сырокваша, Комсомольская правда. Коми. Шыӧдчан кадпас: 18 рака тӧлысь 2025.
- ↑ В Коми ушёл из жизни ветеран ВОВ и почетный житель Михаил Сырокваша, ПроГород11. Шыӧдчан кадпас: 18 рака тӧлысь 2025.
| 2011 во | |
|---|---|
| 2012 во | |
| 2013 во | |
| 2014 во | |
| 2015 во | |
| 2016 во | |
| 2017 во | |
| 2018 во | |
| 2019 во |
|
| 2020 во | |
| 2021 во | |
| 2022 во | |
| 2023 во | |
| 2024 во | |
| 2025 во | |
- Айму вӧсна Ыджыд тышса II тшупӧда ордена кавалеръяс
- Гӧрд Кодзув ордена кавалеръяс
- «Отвагаысь» медальӧн наградитӧмаяс
- «Японияӧс вермӧмысь» медальӧн наградитӧмаяс
- «1941—1945 воясся Айму вӧсна Ыджыд тышын Германияӧс вермӧмысь» медальӧн наградитӧмаяс
- «Кёнигсберг босьтӧмысь» медальӧн наградитӧмаяс
- Коми Республикаса Почёта гражданинъяс
- Персоналия анбур серти
- Чужисны 1926 воын
- Чужисны йирым тӧлысь 10-ӧд лунӧ
- Кулісны 2024 воын
- Кулісны косму тӧлысь 17-ӧд лунӧ