Рассохин Геннадий Васильевич
| Геннадий Васильевич Рассохин | |
|---|---|
 | |
|
| |
 Укваса канму техническӧй университетса ректор
.png){kind=small} |
|
| 1980.09.01 — 1997.04.20 | |
| Водзвывса уджалысь | Матусевич Владимир Михайлович |
| Удж водзӧ нуӧдысь | Цхадая Николай Денисович |
.svg){kind=small} Россия Федерацияса Медвылыс Сӧветса народнӧй депутат
.svg){kind=small} |
|
| 1989 во — 1993 во | |
|
|
|
| Чужис |
1937 вося урасьӧм тӧлысь 4-ӧд лун Фастовецкӧй станица, Тихорецкӧй район, Краснодар край, РСФСР, СССР |
| Куліс |
1997 вося косму тӧлысь 20-ӧд лун Калгари, Канада |
| Велӧдчӧм | Грозный карса мусир институт |
| Учёнӧй степень | техническӧй наукаяс доктор |
| Наградаяс |
  |
Рассохин Геннадий Васильевич (1937 вося урасьӧм тӧлысь 4-ӧд лун, Фастовецкӧй станица, Тихорецкӧй район, Краснодар край — 1997 вося косму тӧлысь 20-ӧд лун, Калгари, Канада) — россияса туялысь да канморт, Укваса канму техническӧй университетса ректор, РАЕН-са академик, техническӧй наукаяс доктор, профессор[1]. Коми Республикаса Почёта гражданин (2014).
Коми Республикаса Юралысьлӧн 2014 во моз тӧлысь 20 лунся 81 №-а Индӧдӧн сетӧма «Почёта гражданин» Коми Республикаса медвылыс почёт ним (кувсьӧм бӧрас)[2].
Олантуй
Чужис 1937 вося урасьӧм тӧлысь 4-ӧд лунӧ Краснодар крайлӧн Тихорецкӧй районса Фастовецкӧй станицаын. Помаліс «Мусир да биару куйлӧдъяс перйӧм» специальносьт серти Грозный карса мусир институт. Институт помалӧм бӧрын уджаліс Волгоград обласьтса биару прӧмыселъясын биару перъян оператор да участокса начальникӧн. 1961 воын веськӧдліс Коробковскӧй биару промыселӧн — СССР-ын медводдза промыселӧн, кӧні перйисны вылын сероводорода биару.
1962 вося кӧч тӧлыссянь Краснодарса Всесоюзнӧй научно-исследовательскӧй институтлӧн газоконденсат куйлӧдъяс лӧсьӧдан лабораторияса старшӧй научнӧй сотрудник. 1966 вося ӧшым тӧлысь 29-ӧд лунӧ дорйис наукаяс кандидат ним вылӧ диссертация.
1971 восянь — Природнӧй биару наука боксянь туялан ставсоюзса институтлӧн Укваын Коми филиалса директор[1].
1980 восянь 17 во чӧж юрнуӧдіс Укваса индустриальнӧй институтӧн. Тайӧ воясӧ институтын воссис квайт выль специальносьт, кыптіс кык велӧдчан корпус, студентъяслы ӧтуволанін да сёянін, «Буревестник» спорткомплекс, воссис аспирантура, диссертацияяс дорйӧм кузя медводдза сӧвет. Укваын лӧсьӧдісны Россияса естественнӧй наукаяс Академиялысь Коми Республикаса юкӧн.
Геннадий Васильевич Рассохин водзмӧстчис общественнӧй уджын. Укваса войтыр бӧрйыліс сійӧс карса Сӧветӧ депутатӧн, вӧлі КПСС-лӧн Уква карса комитетӧ пырысьӧн, веськӧдліс «Тӧдӧмлун» карса йӧзкотыр организацияӧн да йӧзӧс велӧдӧмын карса сӧветӧн[3].
1989—1993 воясӧ Г. В. Рассохин вӧлі войтырӧн бӧрйӧм (народнӧй) депутатӧн, Россия Федерацияса наука да йӧзӧс велӧдан Медвылыс Сӧветӧ пырысьӧн, а сы бӧрын — комитетса юралысьӧс вежысьӧн. Веськӧдліс РСФСР-лӧн войтырӧн бӧрйӧм депутатъяслӧн нёльӧд съездса секретариатӧн. Геннадий Васильевич зіля пырӧдчис «Йӧзӧс велӧдӧм йылысь», «Ылі Войвывса районъясын олысь гражданалы канму гарантияяс да компенсацияяс йылысь» оланпас балаяс лӧсьӧдӧмӧ[3].
Кувсис 1997 вося косму тӧлысь 20-ӧд лунӧ Канадаын командировка дырйи.
Наука удж
Рассохин йӧзӧдіс 100-ысь унджык наука удж да 9 изобретение[1].
Наградаяс
• «Зэв бура уджалӧмысь» медаль,
• «Почёт пас» орден,
• «Россия Федерацияса наукаын да техникаын нимӧдана уджалысь» почёт ним,
• Биару промышленносьтса почёта уджалысь,
• Россияса вылыс тшупӧда велӧдӧмын почёта уджалысь,
• Коми АССР-са наукаын нимӧдана уджалысь,
• «Нэмчӧжся ухтинец» ним (кувсьӧм бӧрас),
• Коми Республикаса Почёта гражданин (2014).
Паметь
• 1999 воын Укваса институтын восьтісны казьтылан пӧв;
• Г. В. Рассохин йылысь 1998 воын йӧзӧдӧма «Выдающиеся ученые Ухтинского индустриального института» небӧг (авторъясыс — А. И. Дьяконов и А. А. Мордвинов);
• 2009 воын Тамара Новикова гижис «Я желаю вам всего доброго…» документальнӧй повесьт;
• Рассохинлысь нимсӧ сетӧма Укваса техническӧй лицейлы да «Рассохинские чтения» войтыркостса наука конференциялы[4];
• Г. В. Рассохин йылысь «Линия жизни» кино.
Пасйӧдъяс
- ↑ 1 2 3 Рассохин Л. Рассохин Геннадий Васильевич // Республика Коми. Энциклопедия. Том II. — Сыктывкар: Коми книжное издательство, 1999. — С. 544.
- ↑ Геннадию Рассохину, Зосиме Паневу и Анатолию Гуменюку присвоены высшие звания Республики Коми «Почётный гражданин»
- ↑ 1 2 Книга почёта Республики Коми
- ↑ Лидер. Памяти Геннадия Васильевича Рассохина, УГТУ. Шыӧдчан кадпас: 10 рака тӧлысь 2025.