Католиков Александр Александрович

Александр Александрович Католиков
Александр Александрович Католиков
Чужан лун	1941-ӧд вося йирым тӧлысь 13-ӧд лун
Чужанін	Новосибирск, Сӧветскӧй Социалистическӧй Республикаяслӧн Союз;
Кулан лун	1996-ӧд вося лӧддза-номъя тӧлысь 14-ӧд лун (54 арӧс)
Куланін	Сыктывкар, Россия;
Канму	Сӧветскӧй Социалистическӧй Республикаяслӧн Союз; Россия;
Наука юкӧн	велӧдысь
Велӧдчӧм	Москваса педагогика канму университет[d];

Католиков Александр Александрович (1941-ӧд вося йирым тӧлысь 13-ӧд лун, Новосибирск — 1996-ӧд вося лӧддза-номъя тӧлысь 12-ӧд лун, Сыктывкар) — Сӧвет кадся да россияса велӧдысь, СССР-са нимйӧза велӧдысь, А.С. Макаренколӧн быдтасыс, СССР-ын педагогика наукаяс академияса член-корреспондент, Россияса велӧдӧм академияса член-корреспондент. Коми Республикаса Почёта гражданин (2015).

Коми Республикаса Юралысьлӧн 2015 во моз тӧлысь 19 лунся 97 №-а Индӧдӧн сетӧма «Почёта гражданин» Коми Республикаса медвылыс почёт ним^[1].

Олантуй

Александр Католиков чужӧма Новосибирскын 1941-ӧд вося йирым тӧлысь 13-ӧд лунӧ. Ӧкмысӧд класс бӧрас быд гожӧм пионервожатайӧялӧма челядьлӧн гожся лагерын. 1961-ӧд воын помалӧма 10-ӧд номера школа, пырӧма велӧдчыны Новосибирскса педагогика институтӧ. Но ВЛКСМ-са Новосибирскса горком мӧдӧдӧма сійӧс велӧдчыны В.И. Ленин нима Москваса педагогика институтлӧн физико-техническӧй факультетӧ. 1966-ӧд воын институт помалӧм бӧрын локтӧма семьяыскӧд Сыктывкарӧ. Во велӧдӧма медводдза номера школаын физика, сэсся директоралӧма пионеръяслӧн да велӧдчысьяслӧн Дворечын ^[2].

1973-ӧд восянь матӧ кызь во веськӧдлӧма Сыктывкарса школа-интернатӧн (ӧні новлӧ Александр Католиковлысь нимсӧ)^[2], лӧсьӧдӧма челядьыслы Агрошкола.

Кулӧма 1996-ӧд вося лӧддза-номъя тӧлысь 12-ӧд лунӧ Сыктывкарын.

Небӧгъяс

• Католиков А. А. Моя семья: записки директора Сыктывкарской школы-интерната №1 для детей-сирот. — М.: Педагогика, 1990. — 224 с.
• Католиков А. А. Дом моих детей: сборник / сост. Л. В. Плаксина. 2-е изд., доп. — М. : Дом, 1997. — 320 с.
• Католиков А. А. Наш вынужденный союз необходимо сделать счастливым : сб. статей и выступлений / КРИРОиПК, МО и ВШ РК; сост.: Л. В. Плаксина, В. А. Католиков. — Сыктывкар, 2001. — 287 с.

Наградаяс

Званиеяс[вежны | Вежны кодировкаын]

• Коми АССР-са школаясын нимӧдана велӧдысь (1976)
• РСФСР-са школаын нимӧдана уджалысь (1982)
• СССР-са нимйӧза велӧдысь (1988)
• СССР-ын педагогика наукаяс академияса член-корреспондент (1989)
• Рочмуса велӧдӧм академияса член-корреспондент (1992)
• «1995-ӧд вося Велӧдӧмын нима морт»
• Сыктывкарса Почёта гражданин (1982)
• Коми Республикаса Почёта гражданин (2015)

Наградаяс[вежны | Вежны кодировкаын]

• «Доблестнӧй уджысь (Воинскӧй доблесьтысь). В. И. Ленин чужӧмсянь 100 во тыригкежлӧ» юбилейнӧй медаль (1970)
• Уджвывса Гӧрд Дӧрапас орден (1978)
• Ленин орден (1986)
• А. С. Макаренколӧн медаль (1993)
• Л.Н. Толстой нима войтыркостса зарни медаль (1994)
• «Айму водзын бур уджысь» III тшупӧда орден (1995)

Паметь

«А. А. Католиков да зонка» скульптура (авторыс — В. А. Рохин, 1997 во);

Литература

• Католиков Александр Александрович Сыктывкарса администрация сайтын.
• А.А. Католиков (о нём) // Почётные граждане города Сыктывкара (pdf, 7,74 Мб).
• Богуславский М. В. Стоическое служение педагогике. (К 80‑летию со дня рождения великого учителя Александра Католикова) // Учительская газета, 2021. № 40, 5 окт.

Ыстӧгъяс

[:2015-1] Накануне Дня республики четыре жителя удостоились звания «Почетный гражданин Республики Коми»

[:2-2] ¹ ² Книга почёта Республики Коми

[1]

[2]