Балин Николай Николаевич

Николай Николаевич Балин
Николай Николаевич Балин
Чужан лун	1930 вося ӧшым тӧлысь 18-ӧд лун
Чужанін	Войвыв крайса Вӧлӧгда районын Новое сикт, СССР
Кулан лун	1998 вося вӧльгым тӧлысь 14-ӧд лун
Куланін	Сыктывкар, Рочму;
Канму	СССР
Мыйся уджыс	Целлюлоза да бумага вӧчӧм

Николай Николаевич Балин (1930 вося ӧшым тӧлысь 18-ӧд лун, Войвыв крайса Вӧлӧгда районын Новое сикт — 1998 вося вӧльгым тӧлысь 14-ӧд лун, Сыктывкар) — Социалистическӧй Уджвывса Герой, СССР-са Канму премияа лауреат, Сыктывкарса вӧр промышленносьт комплексса генеральнӧй директор, Коми Республикаса вӧр-ва озырлун да гӧгӧртас видзан министрӧс вежысь — Гӧгӧртас да вӧр-ва озырлун видзан департаментса директор. Коми Республикаса Почёта гражданин (2013) ^[1]^[2].

Олантуй

Чужис 1930 вося ӧшым тӧлысь 18-ӧд лунӧ Войвыв крайса Вӧлӧгда районын Новое сиктын, служащӧйяс семьяын.

1954 воын помаліс Ф. Э. Дзержинский нима вылыс военно-морскӧй инженернӧй училище.

1954 восянь 1958 воӧдз служитіс Тихоокеанскӧй флотын. Уволитӧма штат чинтӧм кузя запасӧ.

1958 восянь 1963 воӧдз уджаліс Вӧлӧгдаса совнархозлӧн целлюлозно-бумажнӧй да вӧр обработайтан промышленносьт веськӧдланінан инженер-энергетикӧн.

1964 вося рака тӧлыссянь 1970 воӧдз уджаліс Сыктывкарса вӧр промышленносьт комплексын (СЛПК) медшӧр энергетикӧн, энергетика кузя директорӧс вежысьӧн, комбинатса медшӧр инженерӧн.

1965-1966 воясӧ вӧлі командировкаын Швецияын стажируйтчӧм да СЛПК-лы оборудование примитӧм могысь.

1970 вося ода-кора тӧлыссянь 1981 воӧдз — директор, 1981 восянь 1988 вося моз тӧлысьӧдз — СЛПК-са генеральнӧй директор.

1973 восянь — КПСС обкомса член. КПСС-лӧн XXVII съездса делегат^[3].

Коръя пуӧн вӧдитчӧмӧн печатнӧй сикаса бумага лэдзан технология бура освоитӧмысь 1982 воын сетӧма СССР-са Государственнӧй премия, а 1986 воын Социалистическӧй Уджвывса Геройлысь ним. Коми АССР-са йӧзкост овмӧсын нимӧдана уджалысь.

1988-1994 воясӧ — Коми Республикаса вӧр-ва видзан канму комитетӧн веськӧдлысь.

1994 восянь 1998 воӧдз — республикаса вӧр-ва озырлун да гӧгӧртас видзан министрӧс вежысь.

Коми АССР-са Медвылыс Сӧветлӧн VIII—XI созывъясса депутат. Бӧрйылісны Коми АССР-са ХІ-ӧд созывса Медвылыс Сӧветӧн веськӧдлысьӧн.

Кувсис 1998 вося вӧльгым тӧлысь 14-ӧд лунӧ Сыктывкарын^[4].

Наградаяс

• СССР-са Канму премия (1982);
• Социалистическӧй Уджвывса Герой (1986);
• Ленин орден;
• Октябрса революция орден;
• кык Уджвывса Гӧрд Дӧрапас орден;
• «Айму водзын заслугаясысь» 3-ӧд степеня орден (1996)^[5];
• СССР-са ВДНХ-лӧн зарни, эзысь да бронза медальяс;
• СССР-са да соцстраналӧн медальяс.

Паметь

• 1999 вося лӧддза-номъя тӧлысь 22-ӧд лунӧ Сыктывкарса ЛПК-лӧн заводӧн веськӧдлан зданиеын восьтӧма Николай Николаевич Балинлы мемориальнӧй пӧв^[6].
• 1999 воын Сыктывкарын котыртӧма быд вося мини-футболысь восьса ставроссияса турнир^[7].
• 2001 вося кӧч тӧлысь 1 лунсянь лӧсьӧдӧма Н. Н. Балин нима быд вося кык стипендия, быдӧн 500 шайтӧн быд тӧлысь, гӧля олысь семьяясысь студентъяслы, кодъяс велӧдчӧны Экология да политология кузя войтыркостса асшӧр университетын^[8].
• 2015 вося кӧч тӧлысьын Эжваын восьтісны Н. Балинлы паметник^[9]^[10]^[11].

Семья

• Ныв — Балина Наталья Николаевна

Пасйӧдъяс

↑ Николаю Бажукову, Николаю Балину и Василию Рочеву (старшему) присвоено высшее почётное звание Республики Коми «Почётный гражданин»
↑ Книга почета Республики Коми
↑ Триумф и проклятие Балина
↑ Монумент Балину Николаю Николаевичу
↑ Указ Президента Российской Федерации от 22 августа 1996 года № 1222 «О награждении государственными наградами Российской Федерации»
↑ Мемориальная доска Н. Н. Балину (неопр.). Шыӧдчан кадпас: 26 рака тӧлысь 2013. Архивируйтӧма 9 йирым тӧлысь 2015.
↑ Федерация футбола города Ухты.
↑ Указ Главы Республики Коми от 08.06.2001 № 248 «О стипендиях имени Н. Н. Балина» (вместе с «Положением о стипендиях имени Н. Н. Балина»)
↑ Романова П. Николай Балин. Легендарный директор СЛПК
↑ В Эжвинском районе Сыктывкара увековечат память Николая Балина
↑ Памятник почетному гражданину Республики Коми

Литература

Антон Бочаров. Балин Николай Николаевич (рус.). Сайт «Герои страны». Шыӧдчан кадпас: 11 моз тӧлысь 2016. • В памяти — история и судьбы: путеводитель по памятным местам Эжвинского района / МУК «Эжвинская централизованная библиотечная система»; сост. Л. А. Квиндт, фот. Г. Е. Лисецкий. — Сыктывкар, 2005. — 24 с.: ил.
• О Николае Балине: навсегда первый
• Елена Крымова Навсегда первый.// «Огни Вычегды», 17 декабря 2010 г., № 49 (4010), С.4.
• О Балине с любовью

[1] Николаю Бажукову, Николаю Балину и Василию Рочеву (старшему) присвоено высшее почётное звание Республики Коми «Почётный гражданин»

[2] Книга почета Республики Коми

[3] Триумф и проклятие Балина

[4] Монумент Балину Николаю Николаевичу

[5] Указ Президента Российской Федерации от 22 августа 1996 года № 1222 «О награждении государственными наградами Российской Федерации»

[6] Мемориальная доска Н. Н. Балину (неопр.). Шыӧдчан кадпас: 26 рака тӧлысь 2013. Архивируйтӧма 9 йирым тӧлысь 2015.

[7] Федерация футбола города Ухты.

[8] Указ Главы Республики Коми от 08.06.2001 № 248 «О стипендиях имени Н. Н. Балина» (вместе с «Положением о стипендиях имени Н. Н. Балина»)

[9] Романова П. Николай Балин. Легендарный директор СЛПК

[10] В Эжвинском районе Сыктывкара увековечат память Николая Балина

[11] Памятник почетному гражданину Республики Коми

[1]

[2]

[3]

[4]

[5]

[6]

[7]

[8]

[9]

[10]

[11]